رواية عيون قلبي الفصل السابع 7 - بقلم يارا عبد العزيز

صلى على النبي بس الأول واذكر الله آدم: مين؟ نوران: بتقول اسمها ميار ميار: يعني هو أنا لازم استأذن الأول عشان أدخل أشوفك يا آدم؟ آدم بعصبية: روحي على شغلك يا نوران. نوران بصتلها باستغراب. آدم بصوت عالٍ: ما قولتلك روحي على شغلك. نوران خرجت وهي مرعوبة من تحول آدم. ميار راحت عند آدم وقربت منه. عمر: طب استأذن أنا بقى. آدم: استنى يا عمر، هي هتمشي دلوقتي. آدم بصوت عالٍ: انتي إزاي تيجي هنا؟ ميار: هو أنت مستغربني لدرجة دي؟

آدم وهو بيشدها من شعرها: بقولك إيه، أنا مش فاضي لشغل الستات دا، اتظبطي كدا بدل ما حقيقي هوريكي آدم عمرك ما شفتيه. عمر وهو بيبعده عنها: خلاص يا آدم، هي هتمشي دلوقتي. لو سمحت ممكن بس تروحي دلوقتي. ميار خرجت من خوفها منه وهي بتعيط. عمر: اهدى، مفيش حاجة حصلت تستاهل كل دا. آدم: لو سمحت يا عمر، سبني دلوقتي. عمر: لحد إمتى ماضيك هيفضل مسيطر عليك يا آدم؟ آدم بصوت عالٍ: اسكت يا عمر وامشي. عمر: حاضر، بس حاول تهدى.

لا حول ولا قوة إلا بالله العلي العظيم. عند عين. عين بخوف: طب مش بترد ليه طيب، الساعة بقت اتنين بليل ولسه مجاش. بعدها سمعت صوت الزمرة بتاعت عربيته. عين بفرحة وهي بتبص من البلكونة: جه الحمد لله. آدم وقتها كان جاي سكران جداً. عين: آدم، أنت اتأخرت كدا ليه؟ آدم: ها، إنتي إيه اللي مصحيكي لحد دلوقتي؟ عين: هو أنت سكران؟ آدم: لا، أنا مش سكران ههههه، أنا تقيل في الشرب بس. وكان لسه هيقع بس عين مسكته.

عين: حاسب، أنا هحضرلك الحمام عشان تاخد دش وتفوق. آدم وهو بيدفن راسه في رقبتها: لا، أنا مش عايز أفوق، حلوة أوي ريحة الفراولة دي. عين بتوتر: ممكن تبعد لو سمحت. آدم بحنية: لا، مش باعد، خليني كدا. آدم بحنية: عينيكي حلوة أوي، اسم على مسمى. آدم وهو بيبص على شفايفها. عين: لو سمحت ابعد، أنت مش في وعيك. آدم تجاهلها وقبلها بحنية. عين في الأول حاولت تبعد بس آدم مسك إيدها وبعد كدا لاقيت نفسها بتتجاوب معاه.

آدم وهو بيحضنها وبحنية: إنتي وحشتيني أوي النهاردة. عين بتوهان: بجد، لو كنت وحشتك كنت جيت البيت بدري ومتأخرتش كل دا، ممكن بقى تسيبني وتدخل تاخد شاور عشان تفوق، عقبال ما أنزل أحضر الأكل، أنت أكيد مأكلتش لحد دلوقتي. آدم: خليكي معايا، متمشيش. عين: هاجي تاني. آدم: لا، أنا هنام، تعالي. واخد عين ونايمها في حضنه وناموا هم الاتنين. في الفجر. عين صحيت عشان تصلي ولقيت نفسها نايمة في حضن آدم وبصتله وافتكرت كل حاجة حصلت وابتسمت.

آدم وهو بيصحى: آه، هي الساعة كام؟ عين: الفجر بيأذن. آدم وهو بيمسك دماغه: آه. عين بخوف لاحظه: مالك؟ آدم: دماغي وجعاني بس شوية، أنا هاخد مسكن. عين: لا، المسكنات غلط، تعال نصلي الفجر وأنا هنزل أعملك أكل وكوباية شاي تظبطلك دماغك. آدم بابتسامة: تمام. وصلوا مع بعض الفجر جماعة وكلوا مع بعض وناموا. في الصباح. عين صحيت ولقيت آدم بيلبس هدومه. عين: لسه دماغك بتوجعك؟ آدم: لا، الحمد لله بقيت كويس، شكرا يا عين.

عين بضحك: على إيه، دا أنت حتى في مقام جوزي. آدم: ههههه، ماشي يا ستي، يلا ننزل نفطر. عين: انزل أنت وأنا شوية وجاية وراك. آدم: تمام. عين قامت اتوضت وصليت ولبست ونزلت تحت. وكانت لسه جاية تدخل أوضة السفرة. عمر: استنى عندك.