رواية عيون قلبي الفصل الثالث عشر 13 - بقلم يارا عبد العزيز

ايمان: للاسف طلعت حامل بجد. فرح: طب ليه كدا. عين: يلا ربنا يكملها على خير. ايمان بضحك: هههههههه. عين وفرح بصولها وبصوا على بعض باستغراب. عين: مالك يا ايمان اتلخبطتي ولا ايه. ايمان بضحك: حقيقي مش قادرة انتوا صدقتوا. طب بجد بقى انا انفع في التمثيل. اتفضلي يا طنط انتي وهي النتيجة طلعت سلبية وكل اللي قولتلكم عليه طلع صح وهي فعلا مش حامل. عين وهي بتاخد نفسها: وقعتي قلبي. فرح: احنا لازم نعرف ادم.

عين ببراءة: ايوا معاكي حق نستناه اما يرجع من الشركة ونقوله. ايمان: هتموتيني مجلوطة هي دي حاجة تستنى. عين: طب نعمل ايه. فرح: تروحي له الشركة وتقوليله. عين: انا. ايمان: ايوا يلا اطلعي البسي وروحي دلوقتي. عين: ماشي. وطلعت لبست ونزلت. عين: انا مش هروح لوحدي حد فيكوا يجي معايا. ايمان: اه يا آخرة صبري خلاص انا هاجي معاكي بس مش هدخل معاكي المكتب هستناكي برا. عين: تمام. عين وإيمان وصلوا الشركة.

ايمان وهي مبهورة بالشركة: الله حقيقي كبيرة وجميلة قوي دي قد الشركة اللي بشتغل فيها يجي عشر مرات كدا ما شاء الله. عين: اللهم بارك ربنا يوفقه وديما في نجاح. انتي هتعقدي فين بصي خليكي هنا في الريسبشن عشان لو طلعت قعدتي في أوضة السكرتيرة احتمال تتخانقي معاها. ايمان: ليه مالها دي. عين: بعدين بقى انا طالعة. ايمان: تمام. عين طلعت فوق. عين: عايزة ادخل لآدم لو سمحتي. نوران: آدم!! هو بيلعب معاكي في الشارع.

عين: طب أعيد كلامي تاني ولا ايه بقولك عايزة ادخله. نوران: مشغول. عين: طب ادخلي قوليله عين هانم بره. نوران: هانم انتي نسيتي نفسك ولا ايه. عين بصوت عالى: انتي إزاي بتتكلمي معايا بالطريقة دي. عند آدم كان قاعد بيراجع ملفات. ادم: إيه دا دا صوت عين. وخرج بسرعة. ادم: إيه حبيبتي بتزعقي ليه. عين: تقريبا كدا الست نوران مش عايزة تدخلني. نوران: يا فندم. ادم بمقاطعة وبعصبية

وهو بيبص على نوران: عين هانم أما تيجي هنا تاني تدخل من غير ما تستأذنيني إنتي فاهمة دي مرات آدم النويري. نوران بصدمة: إيه. عين وهي بتمسك آدم: زي ما سمعتي مراته. وبعد كده آدم أخدها ودخلوا المكتب. عند إيمان. كانت بتتلفت يمين وشمال وبتبص على الشركة وفجأة خبطت في حد ووقعت الملفات اللي كانت في إيدها. ايمان وهي بتوطي تجيب الملفات: يلهوي أنا آسفة جدا مكنتش أقصد. عمر

وهو بيوطي يشيلهم معاها: مفيش داعي للأسف حصل خير. مش إنتي صاحبة عين مرات آدم كنتي موجودة في كتب كتابهم صح. ايمان كانت فكراه بس مرديتش تبين. ايمان: مين حضرتك بقى. عمر: أنا عمر صاحب آدم كنت موجود في كتب الكتاب برضه. ايمان: آسفة بس مأخدتش بالي عن إذنك. عمر: اتفضلي. ايمان في نفسها: يخربيت حلاوتك هو فيه كدا ينهار أبيض غضي بصرك استغفر الله العظيم. ادم وهو بيقرب من عين: دا إيه سر الزيارة دي وحشتك لدرجة دي.

عين بتوتر: ها فيه حاجة مهمة عايزة أقولهالك. ادم وهو بيحضنها: وحشتيني أوي على فكرة. عين: طب أقول أنا الحاجة المهمة إزاي دلوقتي ممكن تبعد. ادم بحنية: قولي واحنا كدا. عين: يا آدم بقى. ادم قعد على الكنبة وقعدها جنبه. ادم: ها يا ستي قولي. عين: اتفضل. ادم: إيه دا. عين: افتحه وانت هتعرف. ادم بصدمة: دا بتاع ميار. عين: أيوا. ادم بعصبية: تمام هي كدا اللي لعبت معايا تستحمل بقى. عين: يا ريت متأذيهاش خرجها من حياتنا وخلاص.

ادم: طب يلا نروح. عين: تمام. عين وصلتلها رسالة من إيمان بتقولها إنها مشيت. في العربية. ادم: اربطي الحزام. عين ببراءة: مش عارفة أربطه. ادم وهو بيربطه وعين كانت متوترة من قربه. ادم: لو عيلة صغيرة هتعرف تربطه. وبعد كده بص عليها لاقى خدودها احمرت جدا. ادم قرب منها جامد وقبلها وبعد كده حضنها. عين: آدم. ادم: اممم. عين: مش هنروح. ادم وهو بيبعد بصعوبة: اها ماش. ادم وعين وصلوا البيت. ادم بصوت عالى جدا خرج

كل اللي موجودين في الفيلا: مياااااار.