رواية عيون قلبي الفصل الثاني عشر 12 - بقلم يارا عبد العزيز

عين بخوف شديد وعياط: ادم لا يا آدم انت أكيد مش هتعمل كدا. آدم وقتها قلبه اتقطع على حالها وأخدها في حضنه: هشش متخافيش مش هعملك حاجة اهدى خلاص. عين وقتها مسكت فيه جامد وفضلت تعيط لحد ما نامت في حضنه. آدم شالها وحطها على السرير ونام واخدها في حضنه. في الصباح. آدم صحي ولاقى عين نايمة لسه وطبع قبلة صغيرة على خدها. عين وقتها صحيت. آدم بحب: صباح القمر. عين بزعل: صباح الخير. آدم: طب إيه التكشيرة دي بقى.

عين: يعني مش عارف انت كنت هتعمل إيه. آدم: ومعملتش وبعدين انتي اللي عصبتيني يا عين. عين: طب هتعمل إيه في موضوع ميار. آدم: هتجوزها رسمي. عين بزعل وكانت جاية تقوم: تمام. آدم: وهطلقها يا عين. عين: طب وابنكوا ذنبه إيه. آدم: ذنبه إني مبحبش مامته، يا عين يعيش مع أب وأم منفصلين أحسن ما يعيش في جو كله كره وخناق، اسألني أنا. عين: وانت شايف إن دا الحل. آدم: أيوا وبطلي تعقدي الموضوع بقى ويلا عشان ننزل نفطر تحت. عين بزعل: تمام.

آدم: طب فكي بقى. عين: لا مش هفك، انت بالنسبالك الموضوع اتحل لكن أنا لا. عين وآدم نزلوا مع بعض. ميار: أنا معرفتش أنام طول الليل من كتر ما أنا مبسوطة بأبنا يا آدم. عين بصت لآدم واضايقت. سميحة: عين هانم فيه واحدة بتقول إنها صاحبة حضرتك اسمها إيمان برا. عين بفرحة: بجد أنا جايلها بسرعة. عين جريت على إيمان وحضنتها: وحشتيني أوي. إيمان: وحشتك كنتي جيتي تشوفيني يختي. عين بدموع: أنا محتاجالك أوي يا إيمان.

إيمان بخوف: مالك يا حبيبتي فيه إيه. عين: تعالي نطلع نتكلم في أوضتي. إيمان: ها ادينا طلعنا مالك. الباب خبط. عين: ادخل. فرح بابتسامة: أنا حبيت أجي أتعرف على صحبتك اللي قومتي جري عشانها دي. عين: تعالي يا فرح دي إيمان صاحبة عمري ودي يا ستي فرح أخت آدم. إيمان: أهلاً بيكي. فرح: ازيك أنا همشي أنا بقى لو هتقولوا أسرار ولا حاجة. عين: بطلي هبل يا بت واقعدي. إيمان: ها يلا احكي. عين حكت لإيمان كل حاجة.

إيمان بتفكير: طب وانتوا إيه عرفكوا إنها بتقول الحقيقة مش يمكن تكون بتكدب. عين: بقولك الدكتور اللي قالنا. إيمان: عادي جدا ممكن تكون متفقة مع الدكتور. فرح: أنا فكرت في كدا برضه بس بعد كدا رجعت قولت إنها متعرفش الدكتور عشان تتفق معاها. إيمان: آدم شخصية مشهورة وأكيد الكل يعرف الدكاترة اللي بيتعامل معاهم. فرح: صح وجهة نظر برضه. عين: لا يا جماعة إحنا مش لازم نسوء الظن في حد. إيمان: بطلي طبيعتك اللي مدية على هبل دي.

عين: طب نفترض إن كلامك صح هنتأكد إزاي يا فلحة. إيمان بحماس: لاقيتها. عين وفرح في صوت واحد: إيه. بعد الضهر كانوا إيمان وفرح وعين قاعدين في الجنينة. وميار كانت قاعدة في الريسبشن. سميحة: ميار هانم فيه بنتين برا عايزين حضرتك. ميار: دخليهم. واحدة من البنات: أهلاً بحضرتك، إحنا تبع مبادرة صحة المرأة وكنا جايين ناخد من كل الستات اللي هنا في البيت عينة دم عشان نفحصها ضد أي مرض.

ميار بعصبية: انتي بتقولي إيه أنا أكيد مش هسمحلك تعملي كدا. لو سمحتي يا فندم البنات اللي برا ادونا العينات من غير ما يتكلموا، فا لو سمحتي خلينا ناخد العينة. وقتها فرح وإيمان وعين دخلوا. فرح: خليها تاخد يا ميار، أنا سمعت إن فيه أمراض كتير انتشرت اليومين دول، حللي عشان لو فيه حاجة نلحقها من الأول وكمان عشان البيبي، ولا انتي مش خايفة عليه. ميار بتوتر: معاكي حق، خلاص اتفضلي خدي. وبالفعل سحبوا عينة دم من ميار ومشوا.

عند عين وفرح وإيمان. فرح: يلهوي أنا كنت مرعوبة أحسن نتكشف. إيمان: الحمد لله عدت على خير. عين: مين هيروح يجيب النتيجة. فرح: أنا وعين مينفعش نخرج عشان كدا هيشكوا فينا. إيمان: خلاص ولا يهمكوا أنا هاجيبها وأبلغكوا، يلا عن إذنكوا أنا بقى. عين وهي بتحضنها: مع السلامة. عين: ربنا يستر. فرح: خير بإذن الله. بعد مرور ساعة. إيمان: أنا جبت النتيجة. عين بخوف: إيه. إيمان: للأسف طلعت حامل بجد.