رواية عيون قلبي الفصل الثالث والعشرون 23 - بقلم يارا عبد العزيز

صلى على النبى بس الأول واذكر الله آدم بخوف: يعنى إيه مش لاقينها؟ محمود: مش عارف، وبرن عليها مش بترد. آدم: طب دورتوا عليها في القاعة؟ محمود: أيوه، بس مش لاقينها خالص. آدم بعت كل رجاله يدوروا عليها في الأماكن اللي جنب القاعة، وخرج هو كمان بعربيته يدور. عند رنا، راحت عند ندى. رنا بعصبية: موضوع اختفاء عين ده، إنتِ ليكي علاقة بيه؟ ندى بتوتر: إنتِ هبلة ولا إيه؟ وأنا هخطفها ليه يعني؟ رنا: عشان حامل.

ندى: لا، أنا مليش أي علاقة. رنا بعصبية وتهديد: والله لو عين حصلها أي حاجة، لهفضحكم كلكم. إحنا اتفقنا إننا نطلعها بره حياة آدم، لكن إنك تأذيها، وقتها هقلب الترابيزة على الكل. فلو تعرفي مكانها فين، رجعيها أحسن لك. ندى: ما قولتك معرفش، هي فين. رنا سابتها ومشيت. في عربية آدم. آدم: الو، معاذ. معاذ: إزيك يا آدم، عاش من شافك يا راجل. آدم: معاذ، أنا هديك رقم، ممكن تشوفلي مكانه فين؟ معاذ: تمام، ابعته.

عند عين، فاقت لاقت نفسها في عربية، وكانت متربطة ومكتوم بؤقها. واحد منهم: إحنا هنعمل إيه؟ التاني: زي ما الهانم قالت، هناخدها للمكان اللي قالت لنا عليه ونخلص عليها. عين وقتها كانت ميتة من الخوف، ومكنتش عارفة تعمل إيه. في بيت عين. نادية بخوف وعياط: يا ترى هتكون راحت فين؟ يا رب تحميها يا رب. رنا بزعل وعياط: اهدى يا ماما، باذن الله هنلاقيها، متقلقيش.

رنا في نفسها: مكنتش أعرف إنك غالية عليا أوي كدا، ارجعي يا عين، ارجعي، وأنا أوعدك إني عمري ما هزعلك تاني. وانهارت من العياط. مازن وقتها راح عندها. مازن: اهدى، هتكون بخير باذن الله، متقلقيش. رنا بعياط: يا رب يا مازن، يا رب. إيمان كانت قاعدة في أوضة عين وبتعيط، وعمر دخلها. عمر راح طبطب عليها. إيمان وقتها حضنته. إيمان بعياط: هي محصلهاش حاجة، صح؟

عمر: أكيد، ربنا معاها، وكمان آدم بيدور عليها، وصدقيني مش هيسكت غير أما يلاقيها. إيمان بشهقات: يا رب، يلاقيها، أنا مقدرش أعيش من غيرها، عين دي أكتر من أختي. عمر: اهدى يا حبيبتي، اهدى. عند عين. واحد منهم: بس قمر أوي يا جدع. التاني: آه، أوي. مش عارف إزاي عايزين يقتلوا الملاك ده. واحد منهم: إحنا ننفذ اللي اتقالنا عليه وخلص. عين في نفسها: أنا مش عارفة أعمل إيه، يا رب أنقذني أنا وابني يا رب. عند عايدة وندى.

ندى: البنت دي بقت خطر علينا أوي. عايدة: متقلقيش، مش معاها حاجة ماسكاها علينا، ونقدر ننكر كل حاجة، ومحدش هيصدقها. ندى: بس مش شفتيها وهي بتتكلم معايا، مش عارفة، أنا ضميرها صحي فجأة كدا ليه؟ عايدة: أختها يا ندى. ندى: وكانت فين الكلمة دي وهي بتتفق معانا عليها؟ عايدة: إحنا كنا متفقين على إننا هنطلعها برا حياة آدم، منأذيهاش. ندى: طب وصلوا لإيه؟ عايدة: قولتلهم أما يوصلوا المكان، يرنوا عليا. أكيد لسه موصلوش.

ندى: تمام. نفسي أغمض وأفتح وألاقي البنت اللي اسمها عين دي اختفت من على وش الدنيا، وأبقى أنا بس اللي مع آدم. عايدة بشر: قريب أوي، متقلقيش. ندى: ده يبقى يوم المنى. عند آدم. معاذ: الو، أيوا يا آدم. آدم: ها، وصلت لحاجة؟ معاذ: هي تقريبًا في عربية، لأن كل شوية موقعها بيتغير. استنى، المكان ثبت. آدم: قول بسرعة. معاذ: ***** آدم: تمام. وساق العربية بسرعة جنونية. عند عايدة. عايدة بشر: نفذ. واحد فيهم شال اللي كان حطه على بؤقها.

عين بعياط: إنتوا عايزين مني إيه؟ سيبوني، أنا عملتلكوا إيه عشان تقتلوني؟ واحد فيهم: والله على عيني أقتلك يا قمر، بس نعمل إيه؟ أوامر ولازم ننفذها. وقام حاطط السكينة على رقبتها. عين بعياط وخوف: حرام عليكوا، سيبوني في حالي، حرام عليكوا. وقتها آدم جه وض'رب اتنين منهم، وفضل بس اللي ماسك عين. عين بخوف وعياط: يا آدم، الحقني. آدم: متقلقيش يا حبيبتي، أنا موجود، ومحدش هيقدر يأذيكي.

وراح على الشخص ده، وفضل يضر'ب فيه لحد أما وقع على الأرض. آدم بخوف: عين، إنتِ كويسة؟ عين وقتها أغمى عليها. آدم بخوف: عين، يا عين. وشالها وحطها في العربية، ورن على الشرطة عشان تاخد اللي كانوا مع عين، وساق العربية بسرعة كبيرة. في المستشفى. آدم كان شايل عين. آدم بخوف: مالها؟ الدكتورة: أكلها ضعيف أوي، وكمان فيه حاجة ضاغطة أعصابها. يا ريت تهتموا بيها عن كدا، وخصوصاً في الشهور الأولى من الحمل. آدم بصدمة: حمل؟

الدكتورة: أيوا، المدام حامل في الشهر الأول.