رواية عيون قلبي الفصل الرابع والعشرون 24 - بقلم يارا عبد العزيز

الدكتورة: تخلص بس المحلول المتعلق وبعد كدا هكتبلها على خروج عن اذنك. دخل عند عين. آدم: الدكتورة قالت إنك حامل. انتي كنتي عارفة صح؟ عين: أيوا. آدم: ومقولتيش ليه؟ ولا عشان أنا مش أبوه؟ عين بصدمة وعدم استيعاب: انت بتقول إيه؟ انت مستوعب بجد انت بتقول إيه؟ آدم: عادي ما كنتي مع واحد غيري في شقة يبقى إيه؟ عين بدموع: انت بتتكلم بجد؟ لا قول إنك بتهزر. آدم بعصبية شديدة وهو بيرمي كوباية

المياه من على الترابيزة: لو كلامي غلط مقولتيش ليه ها؟ ما تنطقي. عين بعياط: طلقني. أنا مش عايزة أعيش معاك تاني. آدم وهو بيمسكها جامد: مش هطلقك وهسيبك كدا مرمية. وأوعى تفكر إن اللي في بطنك دا أنا هعترف بيه. عين بعياط وانهيار: اطلع برا. اطلع برا حياتي بقى. آدم خرج وهو بيرزع الباب وراه. عين وقتها انهارت من العياط. بعد مرور نص ساعة. عين روحت البيت. محمود وهو بيفتح الباب بفرحة: عين كنتي فين يا حبيبتي؟ خضتينا عليكي.

عين حضنت محمود وفضلت تعيط. وكلهم راحوا عندها. عين بانهيار: آدم بيقول إن اللي في بطني مش ابنه. أنا خلاص مبقتش عايزة أعيش. كلهم اتصدموا بس حاولوا يخففوا عنها. إيمان بعصبية: لا دا زودها أوي بقى. عمر: اهدى يا مدام عين وأنا هتكلم معاه عن اذنكوا. إيمان: تعالي واهدي. عند آدم كان في النادي. عمر بعصبية: إيه اللي انت عملته دا؟ آدم بسكر: سيبني في حالي يا عمر أنا مش فايقلك. على ضربه بالقلم. عمر بعصبية: فوق بقى!

إيه اللي انت بتعمله في نفسك دا؟ آدم بعصبية: محدش ليه أي دعوة بيا وباللي بعمله. كل واحد يخليه في حاله. وتجاهلهم وفضل يشرب. عمر: خليك كدا يا آدم لحد أما هتخسر كل حاجة في حياتك. وأول حاجة خسرتها عين. آدم بوجع وهو بيبص على أبوه: وماله. مش هتبقى أغلى من اللي راحوا. في الصباح. فرح راحت عند عين عشان تطمن عليها. وكانت إيمان قاعدة معاها. فرح: ازيك يا عين؟ عين: كويسة الحمد لله.

فرح: أنا بتأسفلك نيابة عن آدم. أنا بجد مش عارفة ماله اليومين دول. عين بصتلها بزعل: آدم خالص خسرني للابد يا فرح. أنا مكنتش عمري اتوقع إنه يفكر فيا كدا. بس يلا. إيمان: الصراحة يا فرح أخوكي زودها أوي. الباب خبط. رنا: ممكن أدخل؟ عين: تعالي يا حبيبتي. رنا: عاملة إيه دلوقتي؟ عين: كويسة الحمد لله. رنا: جماعة أنا حابة أقولكوا حاجة مهمة. إيمان: إيه؟ رنا حكتلهم عن كل الاتفاق اللي كان ما بينها وما بين ندى وعايدة. إيمان

بعصبية وهي بتقف قدامها: انتي إيه يا شيخة دي؟ اختك دمرتي حياة اختك بإيديكي. عين: إيمان خلاص. رنا بعياط: أنا آسفة يا عين. والله الغيرة كانت عمياني. بس أنا اكتشفت إني بحبك بجد وإني مش هبقى مبسوطة وإنتي زعلانة. سامحيني يا عين. عين خدتها في حضنها: خلاص يا رنا أنا اختك الكبيرة ولازم استحملك. وبما إنك اعترفتي بغلطك فدي عندي حاجة كبيرة. إيمان: هنتصرف إحنا إزاي دلوقتي ونصلح اللي انتي عملتيه؟

فرح: رنا انتي بجد ندمانة وحاسة بالذنب؟ رنا: أكيد. فرح: يبقى تساعدينا عشان نثبت براءة عين. رنا: أنا مستعدة أروح أقول لآدم الحقيقة. إيمان: هينكروا أكيد. لازم يبقى معانا دليل. فرح: أنا هقولكوا هنعمل إيه. رنا رني على ندى دلوقتي وقوليلها إنك عايزة تقابليه. رنا: وبعدين؟ فرح: رني بس وقوليلها عايزة أقولك حاجة مهمة واطلبي تقابليه. رنا: تمام. رنا رنت على ندى وقالتلها تقابلها في الكافيه اللي بيقعدوا فيه. في الكافيه.

عايدة: يلا قولي الحاجة المهمة. رنا: آدم عرف إن عين حامل. ندى بمقاطعة: عرفنا. حتى مرضيش يعترف بالولد. رنا: حقيقي؟ برڤوا عليكوا. الخطة بتاعتكوا ماشية أحسن ما انتوا عايزين. عايدة: أومال في الأول عملنا كل دا وخلينا آدم يشك فيها ويشوفها مع واحد تاني واحنا المخططين لكل دا. ودلوقتي جت كدا لوحدها. وعين هي كمان بقت بتكره آدم. رنا دا كله كانت بتسجلهم. في بيت عين. عين: ها؟ قدرتي تعملي المطلوب؟ رنا: اتفضلوا. أديني الدليل.

إيمان: كويس أوي. فرح: نروح نوريه لآدم بقى. عين بجدية: روحوا انتوا. أنا مش عايزة أشوف آدم تاني في حياتي. فرح: من قلبك؟ عين: أيوا. مشيت فرح وراحت عند آدم الشركة. فرح: آدم أنا عايزة أوريك حاجة مهمة. آدم: إيه هي؟ فرح سمعت لآدم التسجيل. آدم بعصبية شديدة: أولاد ال*******. أنا هوريهم.