رواية عيشه تانيه الفصل الأول 1 - بقلم خديجه احمد

داليدا بطلة الرواية عندها 12 سنة، عيونها خضراء وبشرتها قمحية وشعرها أشقر غامق. مريم أخت داليدا عندها 15 سنة، بيضاء وعيونها خضراء وشعرها أسود. مروان أخوهم عنده 10 سنين، عينه عسلي وبشرته بيضاء. باباهم عامر ومامتهم فريدة. أحمد بطل الرواية عنده 17 سنة، عينه رمادي وبشرته بيضاء. علي أخو أحمد عنده 14 سنة، عينه عسلي وبشرته قمحية وعنده نمش خفيف. نبيلة مامتهم. في يوم كانت داليدا وأخواتها راجعين من المدرسة.

داليدا: أهلاً يا عمتو، فين ماما مش شايفاها يعني؟ نادية بصت لأختها وبعدين رجعت بصت لداليدا وسكتت. مريم بقلق لأن أول مرة يرجعوا من المدرسة ما يلاقوش مامتهم مستنياهم: في إيه يا عمتو؟ ماما وبابا حصلهم حاجة ولا إيه؟ مفيش رد. مريم: طب يا عمتو سميرة، قوليلي انتي... ماما وبابا فين؟ سميرة بتوتر: آآآ اصل... داليدا: اصل إيه يا عمتو؟ في إيه؟ سميرة بعياط: مامتكم وبابا عملوا حادثة. داليدا

ودموعها خلاص هتنزل منها: أيوه، طب هما كويسين دلوقتي صح؟ سميرة: آآ... ولسه هتكمل. نادية بمقاطعة: هو إحنا هنصبر عليهم كتير ولا إيه؟ بصي يا حبيبتي منك ليها، أبوكم وأمكم ماتوا، فيلا يلا بسرعة مع السلامة، لموا شنطكم عشان خالتكم هتيجي تاخدكم. داليدا ومريم واقفين مصدومين ومش عارفين يستوعبوا اللي بتقوله. مريم فجأة حست بدوخة. داليدا وهي بتمسكها: مـ مريم، انتي كويسة؟ مريم بتوهان: آه آه كويسة... وقبل ما تكمل وقعت أغمى عليها.

سميرة جريت عليها وحاولت تفوقها، وداليدا قعدت في ركن كده وعمالة تعيط وهي شايفة أختها بتروح منها ومش عارفة تعمل إيه ولا تفكر إزاي، صدمات كتير مع بعضها، مش عارفة تفكر في حاجة، كأن الدنيا اسودت في وشها. نادية بحقد: بقولك إيه يا سميرة، قلبك الرقيق ده مش هينفعك، إحنا متفقين على كل حاجة سوا. سميرة بعياط: أنا هروح أوديها المستشفى، البنت مش بتفوق. داليدا بتسرع وبكاء: أنا هاجي معاكي. نادية بأمر: لا يا حلوة، انتي هتفضلي هنا.

سميرة خدت مريم وخرجت بره الفيلا. نادية وهي بتجيب داليدا من شعرها: انتي السبب في اللي هيحصلك ده يا داليدا. داليدا بعياط: هو في إيه يا عمتو؟ أنا مش فاهمة حاجة، وبعدين شعري بيوجعني، سبيه. نادية وهي بترميها: أنا هقولك في إيه؟ في إن أخويا، أبويا وأمي فضلوه عني أنا وإخواتي، طبعاً ماهو الولد الوحيد على تلات بنات، في إنهم كتبوا له كل حاجة باسمه وإحنا زي الكلاب عايشين في ملكه، اللي هي أصلاً المفروض بتاعتنا كلنا.