رواية عيشه تانيه الفصل الثاني 2 - بقلم خديجه احمد

ياريت تقبلي يا أدمن. عارفة في إيه كمان! في إن أنا لما سقطت أمك عشان كانت حامل في ولد وكنت عايزة أحرق قلبها زي ما حرقت قلبي لما خلت أخوها ميوافقش إنه يتجوزني. لما شفتيني وأنا بوقعها من على السلم جريتي على بوكي وقلتيله وهو طبعًا بيصدقك في كللل حاجة. طبعًا ما أنتِ شبه أمك وخلّيته يفضل شايل مني طوول عمره. دا غير إنه بيعامل جوزي أزبل معاملة، هو آه جوزي مش قد كده برضه وكان بيغل منه شوية، لكن هو معملش حساب إنه جوز أختههه!!

"بت... انتي خدتي من وقتي كتير سعاد، يلا خديها ارميها في أي حتة بعيد عن هنا." سعاد بطاعة: "حاضر." ومسكت داليدا من إيديها وقالت: سعاد: "يلا ياحبيبتي قبل أما خالتك تيجي." داليدا ببكاء واستغراب: "هتوديني فين يعمتو؟ سعاد بنفاذ صبر: "انتي لسه هتسألي؟ وراحت خبطاها على دماغها وأغم عليها. *** في المستشفى سميرة: "خير يا دكتور، مريم كويسة؟

الدكتور وهو بيطمنها: "آه الحمدلله، هي بس جالها صدمة عصبية، كتبتلها على شوية مهدئات وهتبقى كويسة." سميرة: "يعني أقدر آخدها دلوقتي؟ الدكتور: "آه طبعًا تقدري." *** في مكان بعيد جدًا عن الڤيلا سعاد وهي بتفوق داليدا: "يلا يابت فوقي." داليدا وهي ماسكة دماغها وبتبص حواليها: "آه دماغي بتوجعني أوي..... إيه دا أنا فين؟ سعاد باستهزاء: "انتي في الشارع ياحبيبتي." داليدا بعياط: "أشمئز أنا! أنا عملتلكم إيه؟

ليه بتعاقبوني على حاجة أنا مليش ذنب فيها ليه؟ سعاد بحقد: "نادية هي اللي عايزة كدا، انتي أصلًا مش فارقالي تغوري ولا تروحي في داهية. آه ولو حاولتي ترجعيلنا مش هتعرفي، لأنك لو حاولتي طول عمرك توصللنا مش هتقدري، المكان بعييييد جدًا. يعني محدش هيقدر يساعدك ي حلوة." خلصت كلامها ومشيت من غير ما تلتفت وراها. داليدا بتحاول تقوم عشان تلحقها، ولكن كل ما تحاول تقوم تدوخ وتقع مكانها تاني. *** في الڤيلا مريم طلعت تستريح.

سميرة بزعيق: "إنتوا وديتوا البنت فين؟! نادية وهي بتقلب في الفون: "رميناها في الشارع." سميرة بعدم تصديق: "رمتوها؟! يعني إيه؟ هو إحنا مش متفقين إننا نوديهم لخالتهم وخلاص؟ إنتوا مفيش في قلبكوا رحمة! نادية بشر: "أنا غيرت الاتفاق، ومتنسيش كلنا في الهوا سوا." سميرة بغضب: "حسبي الله ونعم الوكيل فيكوا اااا! متقوليش إنك رميتي مروان كمان؟!

نادية بإستهزاء: "لا، هو معمليش حاجة، وأنتي أكتر واحدة عارفة أنا رميتها هي بالذات ليه. وبعدين إنتي هتشتغلي نفسك؟ انتي كنتي م...