رواية عيشه تانيه الفصل الرابع 4 - بقلم خديجه احمد

إيمان: ما البت بتقول اهو إنها رجعت معاهم. ناديه: والله أنا قولتلك اللي عندي، عايزة تصدقيني براحتك، مش عايزة براحتك برضه. في الحالتين داليدا مش موجودة. مريم بعياط: فين أختي يا خالتو؟ أنا عايزها. إيمان: متخافيش ياقلبي، هنلاقيها. هتكون راحت فين يعني؟ ومسكت نادية من هدومها وقالت: وديتي البت فين؟ قوللي، لأما أقسم بالله لأدخلك السجن بإيدي. نادية بابتسامة: هه، وريني عرض كتافك ويلا خدي العيال وامشوا. البيت مبقاش بيتكم.

إيمان بأمر: مريم قومي صحي أخوكي يلا، وحضروا شنطكوا عشان لا يمكن نقعد في البيت القذر ده أكتر من كده. نادية سبتها ومشيت. في شارع بعيد عن الڤيلا داليدا كانت قاعدة في جنب في الشارع ودموعها على خدها. نبيلة: مالك يا بنتي؟ إيه اللي مقعدك كدا؟ شكلك بنت ناس ومش وش بهدلة. داليدا بصتلها بحزن ومردتش. نبيلة وهي بطبطب عليها: طيب يا حبيبتي، فين ماما وبابا؟ داليدا: ماتوا. وانهارت من العياط. نبيلة: يا حبيبتي يا بنتي. وخدتها بالحضن.

نبيلة: أمال إنتي عايشة مع مين دلوقتي يا قلبي؟ داليدا: ...... نبيلة: شكلك مش عايزة تتكلمي دلوقتي. خلاص، أنا هاخدك معايا لغاية ما نشوف فين أهلك. أما داليدا فمكنش قدامها اختيار تاني غير إنها تروح معاها، متعرفش هتروح فين أو هيحصل فيها إيه. كل اللي تعرفه إنها مش عايزة ترجع تاني لعماتها. في قسم الشرطة الضابط: تقدري يا أستاذة تقدمي بلاغ بعد 48 ساعة من اختفائها. إيمان: بس يا فندم، البنت تايهة. أنا متأكدة.

الضابط: يا أستاذة، ما يمكن تكون راحت هنا أو هنا، مش لازم يعني تكون تايهة. إحنا ورانا مشاغل. لو مظهرتش بعد يومين تعالي قدمي بلاغ، وإن شاء الله نلاقيها. إيمان بحزن: طيب، بس عندي طلب. أنا هوريك صورتها عشان يعني لو حد لقاها وجابها تكون عارف شكلها. الضابط: تمام. وبعد ما وريته الصورة. الضابط: تمام يا أستاذة، لو لقينا بنت بالمواصفات دي هنتصل بحضرتك، بس سيبي رقم موبايلك. إيمان: تمام، شكراً لحضرتك. في بيت بعيد

نبيلة: أهو بيتي. يارب يعجبك بس وتستريحي معانا. دخلت داليدا ونبيلة قعدتها على الكنبة. نبيلة: ها، اسمك إيه يا قلبي؟ داليدا بحزن: اس.. اسمي داليدا. نبيلة: الله، اسمك جميل أوي. داليدا ابتسمت بحزن. نبيلة: أيوه كدا اضحكي. مفيش حاجة تستاهل زعلك. أنا هدخل أجيب لك أي هدوم من ولادي، يمكن ألاقي حاجة على مقاسك.