رواية عيشه تانيه الفصل الرابع عشر 14 - بقلم خديجه احمد

احمد بضحكه: ماشي يعم وهنعملك محشي ونروق عليك حذيفه: أيوا بقا هي دي الصحبه النافعه داليدا بتخبط على الباب احمد: ادخلي داليدا: انت نمتش؟ احمد: هنام اهو داليدا: طب أنا هسخنلك الأكل تعال كل قبل ما تنام احمد بسخريه: إيه خلاص قررتي إني هاكل؟ داليدا بحرج: أنا مكنش قصدي أنا بس.. احمد بمقاطعه: خلاص هخرج آكل داليدا بإبتسامه: تمام احمد سرح في ضحكتها اللي تسحر كل حاجة فيها حلوة حتى زعلها كلها كدا على بعضها قمر فاق من

تفكيره على صوتها داليدا: يلا أنا سخنت الأكل احمد: تمام خرج وقعد على الكرسي اللي في المطبخ وقدامه داليدا احمد وهو بياكل: أمال فين علي داليدا بضحكه: نام وهو بيتفرج على الفيلم ووقع من على الكنبة حاولت أشيله أحطه على الكنبة بس تقيل أوي احمد: هههه مشكلة الواد ده داليدا: ربنا يخليكو لبعض أنا اكتشفت إنه بيحبك أوي على الرغم إنك مش أخوه احمد بتعجب: هو قالك؟ داليدا بابتسامه: اه انت مشفتهوش وهو بيتكلم عليك قد إيه

شفت في عينه حبه ليك احمد: وأنا والله بحبه أوي دا أخويا الوحيد عمري ما جه في بالي إنه ابن جوز أمي ديما بعتبره أخويا داليدا: شكله شايل هم كتير في عينه بس بيخفيه بضحكة وبجنانه اللي مجننا بيه هو أصلاً اللي عامل حس للبيت من غير البيت مش هيكون في روح أنا فعلاً بعتبره أخويا يمكن هو أقرب كمان من أخويا الحقيقي احمد: انتي كان عندك أخ؟ داليدا بابتسامه: أيوه مروان صغنون عنده عشر سنين كنت بحبه أوي كنت بعامله كأنه ابني مش أخويا

وهو كان بيحبني أوي احمد: مش عايزة ترجعيله؟ سكتت شويه وردت داليدا: مش عارفة يمكن مش مستعدة أرجع دلوقتي أكيد هيكون في خناقات دايرة بين عماتي وخالتو أنا مش عايزة نفس اليوم يتكرر تاني احمد: مبسوطة معانا؟ داليدا: أوي ماما نبيلة بتعاملني حلو أوي كأنها مامتي بالظبط وعلي ديما واقف جنبي وبيعاملني كأني أخته وهو طيب أوي احمد: وأنا؟ داليدا بصتله بصمت وسكتت احمد بسخريه: للدرجادي أنا وحش لدرجة مش قادرة حتى تقولي إحساسك من ناحيتي

داليدا بتوتر: لا والله أنا بس مكنتش بتعامل معاك كتير وانت الصراحة بتعاملني ببرود أوي كأنك مش حابب وجودي ساعات كتير كنت بفكر أمشي عشانك بس برجع أقول هروح فين لما أمشي ومصيري إيه فبرجع أكتم في نفسي وأسكت احساس إن يكون غير مرغوب فيك في مكان وحش أي احمد بحزن: أنا عارف إن معاملتي ليكي كانت وحشة بس غصب عني تخيلي كدا..