رواية عيشه تانيه الفصل الثالث عشر 13 - بقلم خديجه احمد

دخلوا الشقة وغيروا هدومهم، وداليدا قررت تسخن الأكل عشان يتغدوا. داليدا واقفة في المطبخ وأحمد قاعد على كرسي في المطبخ. داليدا وهي بتحضر في الأكل: هو النهارده إيه؟ علي: ***** داليدا ابتسمت بحزن وسكتت. علي: في حاجة ولا إيه؟ وبعدين افتكر وقال: علي: الأ قوليلى يا داليدا عيد ميلادك إمتى؟ داليدا بفرحة لما سألها السؤال لأن عيد ميلادها فعلا قرب: **** علي: دا بعد يومين يعني. داليدا رجعت هزت رأسها بحزن وسكتت.

علي بحنية: طب إيه اللي متضايقك؟ داليدا بدموع: مـ مفيش افتكرت بس إني كنت بحتفل بيه مع ماما وبابا وإخواتي وعيلتي كلها. علي: وحشتيهم؟ داليدا ببكاء: أوي أوي يا علي. علي بيطبطب عليها: هما أكيد كمان إنتى وحشتيهم، وأكيد هما بيدوروا عليكي دلوقتي وهيموتوا من القلق عليكي. داليدا: تفتكر؟ علي: أكيد. داليدا وهي بتحاول تغير الموضوع: متهربش بقا هتجيبلي إيه في عيد ميلادي؟ علي: لاااا دي مفاجأة. جه الليل وأحمد ليه مرجعش.

داليدا: أحمد اتأخر أوي يا علي. علي: زمانه جي في الطريق دلوقتي. خبط الباب. علي: أهو تلاقيه رجع افتحي الباب. جريت داليدا على الباب. أحمد كان متبهدل وهدومه متبهدلة على الآخر، وكانت عينه حمرا وكان في حالة لا يرسى لها. داليدا بخضة: إنت كويس؟ أحمد بتوهان: آه آه كويس بس عايز أنام أنام بس. داليدا: علي هو أحمد كدا ديما؟ علي وماسك الفشار وبيتفرج على التلفزيون: آه دا العادي بيجي من الشغل مهدود. داليدا: طيب اكل قبل ما تنام.

أحمد: لا أنا هدخل آخد دش وأنام على طول. ودخل من غير ما يستنى ردها. علي: بت يا ديدا تعالي اتفرجي على الحتة دي بتضحك أوي. داليدا بغضب: نص رواقانك دا يـأخي. علي: احسديني كمان احسديني. داليدا دخلت الأوضة وقفلت الباب ونامت. أحمد خرج وهو حاطط الفوطة على كتفه ودخل أوضته. أحمد: الو إيه يا زفت في حد يتصل دلوقتي. حذيفة: تسلم يا ذوق كنت بتصل بس بشوفك هتيجي بكرة ولا لأ.

أحمد: مظنش أمي جاية بكرة وهتجيب معاها خالتي وعيالها فـ قالتلي أفضي نفسي بكرة عشان نقعد معاهم. حذيفة بفرح: يعني هتجيب معاها بنت خالتك هنا. أحمد: آه يا خفيف مش عارف بتحبها على إيه. حذيفة: ملكش دعوة انت. المهم أنا جيبلكم بكرة هتغدى مع حماتي. أحمد: أنا مش عارف إيه قلة الذوق دي أنا أصلا مش عايز أشوف وشك. حذيفة: تسلم يا ذوق اعملوا أكل حلو بقا أنا بقالي كدا مش باكل من إيد نيبو. أحمد بضحكة: ماشي يعم وهنعملك محشي ونروق عليك.