رواية عيشه تانيه الفصل الرابع والعشرون 24 - بقلم خديجه احمد

احمد كان مصدوم من حذيفه، اول مره يتكلم بالطريقه دي معاه، وكان ندمان انه كلمه بالطريقه دي عشان واحده. قرر انه هيصالحه في اقرب فرصه. اما حذيفه اتصل وطمن على علي، وقاله ان احمد فتح الورشه لكن قفلها وراح يشتري هديه لداليدا. لكن علي كان متأكد ان حذيفه بيخبي حاجه، لأن منين احمد راح يشتري الهديه ومنين عم محسن بيقول انه اصلا مفتحش الورشه، اذا في حاجه غلط.

لأما احمد كدب على حذيفه وقاله انه فعلا فتح الورشه، لأما حذيفه بيخبي عليه حاجه. علي: خليك يسطا بقى في البيت عشان تحتفل معانا، مع انك والله مش محتاج عزومه اصلا. حذيفه بخنقه: معلش يا علوه، عندي مشوار لازم اعمله ضروري. علي: يعني مش هتعرف حتى تأجله؟ حذيفه: مش هقدر، معلش. عند احمد، كان راح يجيب هديه لداليدا بالإجبار. احمد في نفسه: استغفر الله العظيم، كان لازم يعني يا حذيفه تقوله اني روحت اجيب هديه؟

احمد: لو سمحتي، عايز السلسله دي. (كانت سلسله فضه بتلمع على شكل فراشه، وكانت غايه في الجمال) البائعة: اتفضل ي استاذ، تحب احطهالك في علبه ولا في كيس عادي؟ احمد: في علبه ياريت. البائعة: تمام. وحطتله السلسله في علبه لونها ازرق ومن جوه اسود. احمد بابتسامه: تمام، شكرا. احمد كان ماشي في الشارع بيفكر في اللي حصل. هل فعلا حذيفه بيقول الحقيقه، وكانت بتحاول تتقرب منه؟ ولا حذيفه بيحقد عليه ومش عايزهم يبقوا مع بعض؟

بس ازاي صاحب عمره يبقى كدا؟ اكيد لا، في حاجه غلط. افكار كتيره بتجيله، منها الحلو ومنها الوحش. وعدت الدقائق اللي كان ماشي فيها وسط الشوارع للرجوع للبيت، كأنها ساعات. ماشي وكأنه شايل هم الدنيا كله في قلبه. في البيت، وصل احمد ودخل اوضته من غير كلام. داليدا كانت صحيت. داليدا في نفسها وهي باصه في المرايه وبتكتم دموعها: عادي يا داليدا، عادي. هما كلهم مشغولين، وكفايه انهم مقعدينك في بيتهم وبيعاملوكي كويس.

اتجاهت للباب عشان تفتحه. نبيله من ورا الباب: ايه يا دودي؟ انتي صحيتي؟ داليدا وهي بتحاول تفتح الباب: ايوا، بس مش عارفه، الباب مش بيفتح. نبيله بتصنع: ايه دا بجد؟ طب حاولي كدا تاني. داليدا: اهو بحاول، مش بيفتح خالص. نبيله: طب استني ادور على المفتاح يمكن يفتح. وجريت على التلفون تشوف علي اتأخر كدا ليه. نبيله: الو يا علي. علي وهو بينهج: ايوا يا نيبو، داليدا صحيت ولا لسه؟

نبيله بصوت منخفض: صحيتت، بس انا اخرتها وتربست الباب عليها وقولتلها هدور على المفتاح. انت فين يا زفت اتأخرت؟