رواية عيشه تانيه الفصل السابع 7 - بقلم خديجه احمد

خالد: خلاص خلاص يا قلب خالد اهدي كله هيعدي هم أكيد في مكان أحسن. مريم وهي بتصطنع الجمود: أكيد. خالد: بس لازم تغيري هدومك دي عشان تقعدي مرتاحة وتعالي يلا عشان تاكلي لقمة أكيد ماكلتيش من الصبح. مريم بحزن: مش جايلي نفس... مش جايلي. خالد: لا يا حبيبتي لازم تاكلي عشان تعرفي تصبري طولك. هزت مريم راسها بالموافقة وطلعت. وهما متجمعين على السفر. خالد: أمال فين داليدا مش بتاكل معانا يعني؟ مريم، بعد ما تذكرت أختها واللي حصل، عينها بدأت تدمع تاني بعد ما كانت هديت. إيمان بحزن: بعدين يا خالد بعدين. خالد: بعدين إيه بس يا ماما وبعدين إزاي متقوليليش؟ وقبل ما يكمل قاطعته إيمان. إيمان: مش وقته يا خالد، بعد ما ناكل هفهمك كل حاجة. خالد: تمام يا ماما، كلي يلا يا مريم طبقك متكليش منه حاجة. مريم بحزن: مش لي نفس. خالد بإصرار: لا لازم تاكلي عشان خاطري. وبدأ يأكلها في بوقها بالعافية. عند داليدا. نادية بحب: داليدا تحبي تفضلي معانا؟ داليدا بتردد: مـ مش عارفة. علي بابتسامة: متخفيش أنا وأحمد هنبقى ليكي زي أخواتك بالظبط ومحدش هيقدر يكلمك نص كلمة. داليدا بتفكر: أممممم. داليدا بفرحة: موافقة. نادية بسعادة: وأنتي هتقبي زي بنتي اللي مخلفتهاش. أحمد كان سامع الكلام من جوا واتنهد بغضب بس قرر إنه ميتدخلش لأنه مش عايز يزعل مامته برضه.