رواية عيشه تانيه الفصل السادس 6 - بقلم خديجه احمد

احمد: يا امي احنا اظن مش مقصرين معاكي في حاجة، غير ان البنت أكيد ليها أهل يدوروا عليها. قاطعهم فتح الباب. علي: أنا عرفت أصل البنت دي. نبيلة بقلق: إيه؟ عرفت مين أهلها؟ علي حكالها على كل حاجة. علي: بس يا ستي، وهي قالتلي إنها مش عايزة ترجع تاني، خايفة من عماتها أوي. احمد قلبه حن، بس برضه مش متقبل إن في واحدة غريبة هتشاركه في أمه. نبيلة: الحمد لله يارب. علي بمزاح: والله كنت عارف إنك هتفرحي عشان كان نفسك في بنت يا نيبو.

نبيلة: بس يا وله. احمد: وبعدين يا ماما، خلاص هتفضل عايشة هنا؟ نبيلة: مش عارفة لسه، إحنا برضه نعمل اللي علينا، ولو ملقناش أهلها، خلاص يبقى خير وبركة. علي: طب إيه يا نيبو، مش ناوي تأكلينا أي حاجة كدا؟ أنا هفطس من الجوع. نبيلة بتذكر: هو إحنا ناسيين حاجة؟ علي: حاجة زي إيه؟ نبيلة: إيه ده، إنتوا سيبين البنت لوحدها بره؟ علي: احم، نسيت. نبيلة وهي بتقلع الشبشب وبتحدفه عليه: اجري يلا اقعد معاها عقبال ما أحضر العشا.

علي بضحكة: حاضر حاضر، منا الحيطة المايلة بتاعة البيت ده. ايمان: يلا يا حبايبي اطلعوا غيروا هدومكم عشان تاكلوا حاجة، إنتوا مأكلتوش من الصبح. مروان ببراءة: خالتو، أمال فين ماما وبابا؟ وبعدين ميرو زعلانة ليه ومش بترد عليا؟ ايمان بتوتر: مـ ماما وبابا سافروا يا حبيبي وهييجوا قريب. مروان: طب مخادوناش معاهم ليه؟ ايمان: بطل أسئلة بقا يا مارو، وروح غير هدومك عشان تاكل. مروان: حاضر.

وطلع الأوضة يغير هدومه، أما ايمان فراحت تحضر الأكل. خالد ابن ايمان عنده 19 سنة، عيونه عسلي، وبشرته سمراء، وعنده غمازتين. خالد وهو بيفتح باب الشقة: الله على ريحة الأكل. وبعد ما وقعت عينه على مريم. خالد: إيه ده، إحنا عندنا ضيوف؟ وأنا عمال أقول البيت منور ليه. مريم كانت باصة للأرض وعنيها بتنزل دموع بغزارة. خالد بخوف: مريومتي، في إيه مالك؟ مريم راحت وقفت قدامه وحضنته من غير مقدمات.

خالد كان مصدوم لأنها دايماً كانت منفضاله. خالد: بس بس، اهدي. وطبطب عليها بحنية. مريم وهي في حضنه: مـ ماما وبابا يا خالظ. خالد بقلق: مالهم خالتي وعمو يا قلب خالد. مريم وهي بتشد على حضنه أكتر: مـ ماتوا يا خالد. وانهارت من البكاء. خالد بصدمة: ماتوا إزاي؟ وإمتى؟ مقولتليش ليه؟ مريم بصتله بسرحان وعنيها بتدمع ومش بترد. خالد عينه دمعت على محبوبته اللي بتعيط ومنهارة. وموت خالته وعمه جه فجأة.

خالد: خلاص خلاص يا قلب خالد، اهدي، كله هيعدي.