رواية عيشه تانيه الفصل الثاني والثلاثون 32 - بقلم خديجه احمد

نبيله: هروح أعملكوا حاجة تشربوها بقى. حذيفه: تسلمي يا خالتي. احمد: مش عايزك تزعل مني، انت أخويا مش صحبي. حذيفه ببرود: انت عارف أنا قولتلك إيه، لما تفوق تبقى تكلمني. احمد بنفاذ صبر: انت ليه عايز تفرق بيني وبينها؟ حذيفه بحده: عشان هي مش كويسة، افهم بقى هتفوق إمتى من اللي أنت فيه ده. احمد: قولتلك كذا مرة متقولش كده عليها. حذيفه: يبقى إحنا بنتكلم في إيه طالما كل مرة تقولي الكلمتين دول، يبقى الكلام ملوش فايدة.

احمد بتنهيدة: تمام، جبلي دليل واحد بس. دليل وأنا هبعد عنها علطول. حذيفه: دليل واحد؟ احمد: آه. حذيفه: ماشي يا صحبي، وليه نبعد؟ يلا دلوقت. احمد بتعجب: يلا إيه؟ حذيفه طلع تليفونه. حذيفه: شوف أهو، كانت متصلة بيا من كام يوم. احمد وهو بيبلع ريقه: عادي، ممكن تكون اتصلت غصب عنها. حذيفه: كنت عارف إنك هتقول كده. أنا هتصل بيها ونشوف. دخلوا البلكونة عشان محدش يسمعهم. احمد كان قاعد على أعصابه ومتوتر. بعد ثواني كانت ردت.

حنين بدلع: إيه دا، زيزو نفسه بيتصل بيا؟ دي أول مرة تحصل. احمد وشه أحمر. حذيفه قفل بسرعة. حذيفه: سمعت بودانك، قولتلك مليون مرة دي مش مناسبة ليك. احمد عينه ووشه قلبوا أحمر. حذيفه: اهدى يا صحبي، أنا عارف إن الموضوع مش سهل، بس لازم تنساها وتقفل كل البيبان اللي بينك وبينها. تعال نخرج نغير جو كده ونفك. احمد مكنش داري بحاجة، كان بيفكر بس ليه ممكن إنسان يعمل كده في حد بيحبه، ولا تكونش محبتوش من الأصل؟

دماغه كانت هتفرقع من كتر التفكير. حذيفه: بقولك ي نيبو، أنا هاخطف ابنك شوية، خارجين وهرجعهولك. نبيله: ترجعوا بالسلامة، متتأخروش. بعد وقت وصلوا لمكان هادي. حذيفه: عارف اللي أنت عرفته صعب عليك يا صحبي، بس هتنساها والله هتنساها. احمد وهو بيحاول يتماسك: هنساها إزاي؟ قولي. عارفها من سنين، كلت معاها عيش وملح، دخلتها بيتنا، عرفتها على أمي، معملتش حساب لأي حاجة من دول. تخيل، كلكم كنتوا شايفين الجانب الوحش منها، إلا أنا!

حتى أمي كانت بتقولي دي مش توبك، وأنا أقولها لا، هي دي اللي هتجوزها. للدرجادي كنت عبيط. حذيفه بحزن على حال صحبه: الحب كان عميك يا صاحبي، كان بيبعدك عن الحقيقة اللي كانت واضحة وضوح الشمس. عايزك تنساها، متفكرش فيها أبداً عشان متتوجعش أكتر من كده، وسألني أنا. أنا خبرة، بس الفرق إني حبيت واحدة محبتنيش ومش شايفاني، بس أنا وعدت نفسي إني هنساها عشان أعرف أكمل. احمد: مش عارف. طب أنت كنت...