رواية عز القمر الفصل الحادي والعشرون 21 - بقلم دنيا فادي

زينب بابتسامة: عز جاي وقال هيقعد معانا هنا يا مراد. هايدي بفرحة: بجدددد؟ زينب: آه، هو ومراته. هايدي في ذهنها: يعني هشوفك في وشي 24 ساعة يا عز! ااااه أي الجمال ده. نور بنعاس: الو. حازم: انتي نايمة؟ شكلي صحيتك. نور بسرعة وتقوم: لا لا أبداً، عادي، ده كويس إنك صحيتني. حازم: بجد؟ نور بابتسامة: آه. حازم: صباح الخير الأول. نور: صباح النور. حازم: احم، عندك مانع لو عزمتك انهارده على الغدا؟ نور: لا معنديش مانع، بس ليه؟

حازم: عادي، حابب أعزمك. نور: بجد؟ حازم: بصراحة. نور: عايزة الصراحة. حازم: عايز أشوفك. نور بضحك: كنت عارفة، على فكرة. حازم: طالما عارفة، بتسألي لي؟ نور: كنت حابة أسمعها منك. حازم: وسمعتيها؟ نور بابتسامة: آه. حازم: طيب، متنسيش انهارده، ها؟ نور: حاضر. قمر بابتسامة: وحشتني أوي يا ميرو. مراد بابتسامة: عاملة إيه يا قمر يا بنتي؟ ليكي وحشة. قمر: كويسة بيكم يا ميرو. هايدي باستغراب: ميرو!! إيه اللي انتي بتقوليه ده؟

هو صاحبك بيلعب معاكي في الشارع؟ عز: لييي؟ سيبيها، هو بيحبها، تقولوا كده. قمر: أيوا، أنا وميرو علاقتنا زي الصحاب. مراد: فين بوسة ميرو؟ عز بضحك: إيه يا بابا، مش للدرجة دي. قمر بضحك: عيوني. عز: طيب، هروح على شغلي أنا. هايدي: لي؟ خليك انهارده. قمر وتبصلها بقرف: معلش، عنده شغل مهم. خلي بالك من نفسك يا حبيبي. زينب: على فين يا عز؟ أنا عملتلك العصير اللي بتحبه. عز: هروح الشغل، بس هشربه الأول، مش هكسف إيدك.

زينب بابتسامة: تسلم يا حبيبي. زينب: روحي يا قمر، حطي هدومكم في أوضة عز، دي أكبر وأحسن أوضة. قمر: حاضر. مصطفى: لي؟ لينا: قولتلك، عايزاه ضروري. هو تحقيق؟ مصطفى: لا مش تحقيق، بس انتي تعرفيه؟ لينا: طبعاً. مصطفى بصدمة ويبتسم بعدم تصديق: يا ابن اللذينة يا عز! تعرف الجامدة دي منين؟ لينا بهدوء: بتقول حاجة؟ مصطفى: لا، استنى هرنلك عليه. لينا وتتأمل المكان حواليها: هو ده مكتبه!! مصطفى بابتسامة: آه، إيه رأيك؟

لينا برقة: وانت قاعد مكانه لي؟ مصطفى: احم، إيه الإحراج ده؟ عادي، أنا هو وهو أنا. لينا: امم، طيب مش قولت هترن عليه؟ مصطفى: حاضر، بس ممكن أقولك حاجة؟ لينا بلطف: قول. مصطفى: ممكن متتكلميش بالرقة دي، عشان بضعف. لينا وتبتسم. مصطفى: آه يا أمااا! انت فينك يا عم؟ في ناس عايزينك. عز: ناس مين؟ مصطفى: تعالي وهتعرف. عز: طيب، أنا قريب أصلاً. بعد ساعة. هايدي: هو أنا هكدب يعني؟ حورية: لا يا هانم، بس حضرتك والله ما طلبتي مني حاجة.

هايدي: وأنا بقولك، طلبت من بدري، وإنتي اللي مطنشة. حورية بزعل: حقك عليا يا هانم، بس والله انتي لو طلبتي ما هطنش حضرتك. قمر بعدم فهم: في إيه؟ هايدي: الأستاذة مطنشاني ومش بتجيب الحاجة اللي بطلبها منها. حورية: ابدأ يا هانم، أنا يمكن مسمعتش حضرتك، حقك عليا. قمر: انتي اسمك إيه؟ حورية: اسمي حورية يا هانم. قمر بابتسامة: اسمك جميل أوي. أنا اسمي قمر، قوليلي قمر. وتبص لهايدي. قمر: انتي بتقولي طلبتي منها تعملك حاجة، صح؟

هايدي وهي مربعة إيدها: آه. قمر: طلبتي إيه؟ هايدي بتردد وتنزل إيدها: ا ا طا، طلبت قهوة. قمر وتفهم إنها بتكدب: طيب، هي بتقول مسمعتش، مفيهاش حاجة يعني، لي تعملي كل ده؟ وبعدين، بعد كده اطلبي الحاجة بأدب، ده مش تصرف. هايدي: واللهِ؟ وإنتي اللي هتعلميني الأدب؟ قمر بابتسامة: لو عايزة أعلمهولك، عيوني. هايدي بغيظ وتوجه كلامها لحورية: القهوة تجيلي بسرعة، وحسابك معايا. وتمشي من قدامهم. قمر بابتسامة: عارفة أنا مين؟

حورية: طبعاً، مرات أستاذ عز. قمر: صح. حورية: طيب، هروح أنا أعمل القهوة للهانم. تؤمريني بحاجة؟ قمر: لا، شكراً. عز: فين الناس؟ مصطفى بغمزة: في مكتبك، بس استنى، إنت مكلمتنيش عليها، ولا هي كانت حاجة خاصة؟ عز بعدم فهم: على مين؟ مصطفى بخبث: يا سلام؟ عز: أخلص. مصطفى: ادخل وانت تشوف. عز بنفاذ صبر: طيببب. ويدخل مكتبه ويلاقي واحدة قاعدة ومديالو ضهرها. عز بابتسامة: حضرتك عايزاني؟ لينا وتضحك وتقوم تبصله: حضرتي!!

عز بعدم تصديق: ااحيه! إنتي إيه اللي جابك هنا؟ لينا بابتسامة لطيفة وتقرب ليه: جايه أشوف أبو ابني.