رواية عز القمر الفصل الثاني والعشرون 22 - بقلم دنيا فادي

بعدم فهم: على مين؟ مصطفى بخبث: يا سلام؟ عز: اخلص. مصطفى: ادخل وانت تشوف. عز بنفاذ صبر: طيب. ويدخل مكتبه ويلاقي واحدة قاعدة ومديالو ضهرها. عز بابتسامة: حضرتك عايزاني؟ لينا وتضحك وتقوم تبصله: حضرتي؟ عز بعدم تصديق: ااحيه! انتي إيه اللي جابك هنا؟ لينا بابتسامة لطيفة وتقرب منه: جايه أشوف أبو ابني. عز بصدمة: ابن مين؟ انتي اتجننتي! لينا وملامحها تتحول: ابنك يروح أمك في أي! إنت نسيت؟ عز: نسيت إيه؟ انتي اتجننتي فعلاً.

لينا: ده انت اللي اتضربت في نفوخك! إزاي نسيت أحلى ليلة قضيناها سوا؟ عز بعصبية: لينا متهزريش معايا. لينا: أهزر؟ فيه هزار في الحاجات دي؟ عز ويمسكها من دراعها بقوة: بقولك إيه يا لينا، أنا دلوقتي متجوز وبحب مراتي. لينا بلامبالاة: وبتقولي لي الكلام ده؟ عز: عشان شكلك راجعة تخربي حياتي، ونسيتي إن خرجتك منها. لينا بدلع: فيه إيه يا زوزو؟ انت نسيت اللي كان بينا؟ عز ويشيل إيدها اللي محاوطة رقبته: بطلي قرف. لينا بعصبية: قرف؟

عز: لسه زي ما انتي مقرفة. لينا بهدوء: اغلط براحتك، في النهاية انت أبو ابني برضه. عز: هو انتي مش قولتي إنك عملتي إجهاض؟ لينا: لا، ضحكت عليكي عشان كنت خايفة. عز بعصبية: ليييييه! لينا، أنا معرفش اللي حصل بينا ده حصل إزاي. لينا: أفكرك؟ عز: ليناااا! لينا: قلبه. عز: خليكي دوغري، عايزة إيه؟ لينا: أيوه، أحب كده. عز: اخلصي. لينا: يرضيك الواد يعيش يتيم الأب وأبوه لسه عايش؟ عز بندم: انسي يا لينا إنك ترجعي حياتي، انسييي.

لينا: وابننا يا عز، ابنك بيكبر وانت مش معاه. الواد هيعيش حياته إزاي من غيرك؟ عز: وأنا إيه اللي يثبت لي إنه ابني؟ لينا بثقة: اعمل تحليل لو عايز، يروحي. عز: تاخدي كام وتخرجي من حياتي؟ لينا بابتسامة: حلو ده، بس هو ده مكان نتكلم فيه؟ عز بنفاذ صبر: اخلصي. لينا: هستناك النهارده بليل في بيتي اللي كتبتهولي باسمي. سلام. *** مراد: تعالي يا حورية يا بنتي اقعدي. هايدي وتبصلها بحدة. قمر وتلاحظها. حورية: لا يا بيه، ميصحش.

قمر: إيه ده؟ إيه ده؟ انتي بترضي كلمة البيه؟ حورية: مقدرش يا هانم. قمر: طيب اقعدي ومتخافيش، مش بنعض. حورية بتوتر: حاضر يا هانم. هايدي بضيق خلق وتقوم من مكانها. قمر: رايحة فين؟ هايدي بابتسامة مزيفة: عندي مشوار مهم. قمر: ممم. مراد: اقعدي، مفيش مشاوير. هايدي بعدم فهم: لي؟ مراد: محدش يخرج من البيت النهارده، عز زمانه جاي وهنقعد سوا. *** 8:10PM بليل. لينا: زي ما اتفقنا، ها؟ هتصوري كل حاجة. خديجة: عنيا.

لينا بزهق: اتأخر ليه ده؟ خديجة: هييجي. لينا بابتسامة: روحي افتحي، شكله هو. ومتنسيش اللي قولت عليه. خديجة: حاضر. خديجة وتفتح الباب. خديجة بابتسامة: اتفضل، ست هانم مستنياك. لينا: نورت بيتي. عز ويتلفت حوالين نفسه: فين الواد؟ لينا: نايم. عز بحدة: طيب اخلصي، قولي عايزة كام. لينا بابتسامة وتسحبه من إيده: اقعد بس. عز بضيق خلق: اخلصي يا لينا. لينا وتحاوط إيديها على رقبته وتنام على كتفه: بذمتك ما وحشتك؟ عز: لا.

لينا بزعل: كده يا عز. عز: قبل ما تقولي أي كلمة، متنسيش اللي عملتيه فيا. لينا: انت لسه شايل مني؟ عز: أنا محيتك من حياتي. لينا: كداب! انت لو محيتني مكنتش جيت. عز: أنا جيت عشان أقفل الموضوع ده. لينا وتقرب منه: ومستسلم ليا ليه كده؟ عز بنفاذ صبر ويبعدها عنه. لينا: صدقني، أنا اتغيرت يا عز. عز: متأخر. لينا: ممم. عز: مقولتيش عايزة كام. لينا: فلوس الدنيا عمرها ما تعوض الأب لابنه. عز بهدوء: وريهولي. لينا بابتسامة: تعالي.

وتمسك إيده. *** قمر بقلق: ياربي إيه كل ده؟ ياعز فين؟ وترن عليه. قمر: كمان الموبايل مقفول! يارب تكون كويس ومحصلكش حاجة. وتجيلها مسدج وتبتسم. قمر وابتسامتها تختفي: أووف! افتكرت. الفون اتفتح. ... إيه ده؟ وتفتح المسدج من الرقم الغريب وتلاقي مكتوب: "جوزك بيخونك يا حلوة."