رواية عز القمر الفصل الخامس 5 - بقلم دنيا فادي

محمد بتمثيل: أخويا يا باشا، في اتنين بيضربوا هناك. ويشاور بعيد. محمد: يا باشا ساعدني، هيموتوا. عز وينزل من العربية: استنى، أنا جاي معاك. ويتحرك معاه. ويلاقي فعلاً اتنين بيقربوا. ليعز: هما دول. محمد بضحك: هههه، انت غلبان أوي يا باشا. هو في حد بيساعد حد الأيام دي. ويتهاجموا عليه بالضرب هما التلاتة لحد ما يفقد الوعي. شحته بضحك: خدوه ارموه في أي حتة بعيدة عن هنا وتعالوا نشوف العربية دي هنبيعها بكام، هههه.

كابو: بص، لابس ساعة بنت حرام، دي تجيب لها 10 آلاف. شحته: خسارة فيه، هاتها. قلبوا كده لو معاه فلوس. *** بعد 3 أيام. قمر وتبتسم وهي شايفه عز بيغطيها ويبوس دماغها. قمر وتكلم نفسها بزعل: انت لسه مرجعتش يا عز. وتقوم من على السرير وتدور عليه ومتلاقيهوش.

قمر بلوم وتقعد على الأرض: أنا غبية، غبية. زعلته مني، استفدت إيه وأنا مخبية عنه إني بحبه. آسفة والله يا عز، أنا مكنتش متأكدة إني بحبه كده. واللهي كنت هعترف له بس خفت تكون بتعاملني حلو بس عشان انت طيب وبتعامل أي حد بكل حب مش عشان بتحبني فعلاً. كنت عايزة أتأكد من إنك بتحبني عشان أنا قمر مش عشان اسم مراتك. انت كنت بتراضيني ديما وعملت لي حاجات كتيرة حلوة. بس أنا كنت خايفة، مكنتش عايزة أتوجع تاني.

وتكمل بابتسامة: بس صدقني، وعد مني لما ترجع هقولك إني بحبك ومش هخاف. حتى لو طلعت مش بتحبني ومش هخاف تجرحني عشان اللي زيك مبيجرحش. بالعكس بيتحط على الجرح يطيب. مش هيضيع وقت تاني وهقولهالك. *** شحته بعصبية: انت غبييي! بتفتح تليفونه لييه؟ كابو: يا عم ما تسيبه. شحته: أنا مش عارف أنا إزاي مشغل معايا أغبية كده. محمد: استنى بس، دي في واحدة بتتصل من ساعة ما مسكت العدة دي. شكلها مراتك. كابو بلامبالاة: حلوة، يلا.

محمد: جامدة. حاطط صورتها، بص. كابو: أوووف، إيه المرا دي؟ ده حظه في السما. محمد: عمالة ترن بقالها كتير يا شحته. شكلها قلقانة عليه. شحته: قولت لك اقفل الزفت ده. كابو: استنى بس يمعلم. بيقول لك قلقانة. شحته ويضربو على راسه بإزازة الخمر: لا خليه يرد يطمنها يا عم الممحون. كابو بعصبية: مش ده القصد ياااعم. أخوك تعبان يا شحته، تعبان أوي وعلى وش جواز. وانت عارف. محمد بتشوق: إحنا نجيبها نتسلى بيها شوية.

شحته بتفكير وضحك: ولاد اللزينة! بس هتجيبوها إزاي؟ افرض عملت لنا فخ. محمد: وهي هتعرف منين اللي حصل؟ اهدا انت بس وأنا هظبطها. أهي بترن تاني. شحته: رد وسمعنا صوتها. قمر بتسرع: الو، يا عز انت فين؟ كل ده ومبتردش عليا لييه؟ محمد ويغير صوته لبنت: الو. قمر بقلق: إيه ده؟ انتي مين؟ ده موبايل عز، هو فين؟ محمد: أنا عشقتو. قمر بصدمة وعدم فهم: إيه اللي انتي بتقوليه ده؟ اديني عز. محمد بإنبساط: لييه؟ في حاجة؟

قمر بزعيق: عااايزة أكلم جوزي، اديهولي. محمد: هيحح. عموما هو مش فاضيلك دلوقتي. متعطلناش بقي عن ليلتنا. قمر بعدم تصديق: لا، انتي كدابة. عز ميعملش كده. محمد: كدابة؟؟ لو مش مصدقة تعالي *** **** ** وانتي هتصدقي. قمر والموبايل يقع من إيديها من رعشتها ودموعها نازلة زي السيال. وتحط إيديها على قلبها وهي مش قادرة تاخد نفسها: لا، لا مستحيل.