رواية عز القمر الفصل الرابع 4 - بقلم دنيا فادي

قمر ودموعها نازلة زي السيال وتبعد نظراتها عن عز. قمر: خلاااص يااا احمد والنبي. عز: احمد؟ قمر بصدمة، تستوعب الاسم الذي قالته وتبص له بخوف. عز بإنفعال: انتي لسه منستيتهوش؟ لسه بتفكري فيه؟ قمر بتردد: لا يا عز والله. عز ويمسك يديها بقوة: انتي فاكراني عيل تضحكي عليه بكلمتين؟ انتي منستيتهوش يا قمر وأنا زهقت 3 شهور منسوكيش، انتي عااارفه يعني اي تكوني متجوزه وبتفكري في حد تاني؟ قمر بعلو الصوت: عززز! أي الي انت بتقولو ده؟

علفكره انت قولتلي مش هنفتح كلام في الموضوع ده عشان فات. عز: انتي الي فتحتي لما قولتي اسمو. أنا عذرتك يا قمر عشان عرفت الموضوع ده بعد ما اتجوزنا. فلاش باك. عز: امسكي. قمر بتوتر: أي دده؟ عز: عصير ليمون يهدي أعصابك. قمر: لا مش عايزه. عز: متخافيش مش حاططلك فيه حاجه. قمر وتأخذه منه وايديها بتترعش. عز ويمسك ايديها وهي ماسكة العصير: اهدي، خايفه لي كده؟

أنا جوزك مش غريب، اه عارف ان جوازنا جه فاجئه بس ده ميمنعش ان نعرف بعض من زمان. قمر: بس أنا كنت شايفاك صاحبي و اخويا، عمري ما تخيلتك غير كد. قمر ودموعها تنزل. عز بعدم فهم: مالك؟ في أي؟ من ساعه ما اتجوزنا وانتي بتعيطي، في حاجه حصلت زعلتك؟ قمر: بصراحه يا عز أنا في حاجه مش عايزه اخبيها عنك. عز: أي هي؟ قمر: احنا لسه في اولها فا هقولك عشان اريح ضميري. عز: قولي. قمر بتوتر: بصراحه يا عز أنا كان في واحد في حياتي بحبو.

عز بهدوء: وبعدين؟ قمر تستغرب هدوءه وتكمل بأريحيه: بس هو خطب وشاف حياتو وأنا معرفتش انساه خالص ودخلت في فتره اكتئاب وخرجت منها لقيتهم بيحددوا فرحنا وأنا مش فاهمه حاجه الصراحه، الي خلاني أوافق. عز: انك تنسيه بيا؟

قمر: لا والله مش كده يا عز، أنا شايفاك اخويا ومستحيل ان اعمل حاجه زي كده او اعشمك بحاجه وأنا مش قدها. أنا بس كنت في فتره اكتئابي بعيده عن ربنا ولما عرفت انهم بيخططوا جوازنا قولت أصلي استخاره، صليت لقيتني مرتاحه، سكت وقولتلهم الي تشوفو ومن ساعتها حياتي اتشقلبت ومبقتش فاهمه أنا عايزه اي، مش عارفه اذا كده كنت انانيه وفكرت في نفسي ولا الي عملتو ده الصح.

وتكمل بعياط: الي عايزه اقولهولك اني غصب عني بفتكره، بس أنا مبحبوش والله، بيجي في بالي ومش عارفه ابطل تفكير فيه، هو لي عمل كده وازاي يعمل كده؟ أنا عارفه ان الي بعملو ده غلط بس ارجوك يا عز متلومنيش على ده، والله ما بإيدي. قمر بإستغراب: انت ساكت لي يا عز؟ عز: مش هلومك على حاجه فاتت ولا على أي حاجه حصلت وانتي مش معايا، مش هقولك غير ان الموضوع ده ميتفتحش تاني. قمر: بس انت كنت وعدتني يا عز انك تنسيه.

عز بإنفعال: انسيهوولك ازاااي وانتي حاطه حاجز ما بينااا؟ هنسيكي ازاي وانتي بتبعديني عنك؟ ده انتي مش واثقه فيا، انتي فاهمه يعني أي؟ الا الثقه يا قمر، لي مش مستوعبه الي انتي بتعمليه. قمر بزعل: بس يا عز. عز: بس أي!! أنا عملت كل حاجه تقربك ليا بس انتي بتبعدي، تنكري دده؟ على أي بقي متجوزين وانتي مش عايزاني؟ قمر بدموع: قصدك أي يا عز؟ عز: قصدي الي فهمتيه يا قمر. ويخرج من البيت ويقفل الباب وراه بقوة. قمر: عززز.

وتكلم نفسها: ياربي أي الي انا بعملو ده؟ والله ما قصدي يا عز. *** بعد ساعتين. عز وهو بيسوق عربيتو ويجيلو اتصال. عز: الو. هايدي: أي يا عز؟ عز: كبرتي و بطلتي تقوليلي يا ابيه؟ هايدي بإبتسامه: انت مش كبير عشان اقولك ابيه، بس لو عايزني اقولك ممكن اقولك يا عمو. عز بضحك: عمو؟ هايدي بخجل: أي وحشه؟ عز: لا خالص، حتى عمو منك سكر، بس قولي عز عادي. هايدي: ماشي، أنا اتصلت اطمنك ان وصلت، معلش اتصلت متأخر كنت بجهز العشا.

عز: طيب خلي بالك من نفسك. هايدي: اخلي بالي من نفسي من أي؟ عز بإبتسامه: عادي خلي بالك من نفسك، مش لازم يحصل حاجه يعني. هايدي: حاضر يا حبيبي. وتكمل بخجل: قصدي يا عز. عز: طيب عايزه حاجه؟ هايدي: لا، بس هو أي الصوت ده؟ انت مش في البيت؟ عز: لا في مشوار كده. هايدي: طيب خلي بالك انت بقى من نفسك. عز: ماشي، ياله سلام عشان اعرف اسوق. ويقفل معاها ويلاقي قمر بتتصل. عز بيكنسل عليها ويكمل سواقه.

قمر: يا عز رد بقي، انت روحت فين وسيبتني لوحدي؟ قمر: أيوا يا مصطفى هو عز معاكم؟ مصطفي: هو في حاجه ولا أي؟ قمر: لا مفيش، هو معاك ولا لأ؟ مصطفي: هو قالك انو جايلي؟ قمر: هو لو قال كنت هسألكم. مصطفي: لا مجاليش و معرفش هو فين. قمر: اخلص يا مصطفى، أنا عارفه انك اقرب واحد ليا واكيد هو معاك. مصطفي: مجاليش والله، طيب اتصلي بيه. قمر: مش بيرد. مصطفي: خير، متقلقيش هتلاقيه قاعد مع حد من صحابنا،، طيب هتصل وأشوف أنا و هقولو يطمنك.

*** محمد: يا باشا والنبي ساعدني. عز: في أي؟ محمد بتمثيل: اخويا يا باشا في اتنين بيضربو هناك. ويشاور بعيد. محمد: يا باشا ساعدني، هيموت. عز وينزل من العربيه: استنا أنا جاي معاك. ويتحرك معاه ويلاقي فعلا اتنين بيقربو. عز: هما دول؟ محمد بضحك: هههه، انت غلبان اوي يا باشا، هو في حد بيساعد حد الأيام دي. ويهاجمو عليه بالضرب هما التلاتة لحد ما يفقد الوعي.

شحته بضحك: خدو ارمو في أي حته بعيده عن هنا وتعالو نشوف العربيه دي هنبيعها بكام هههه.