رواية عز القمر الفصل الخامس عشر 15 - بقلم دنيا فادي

زينب: أنا عرفت كل حاجة يا قمر. قمر: قصدك إيه؟ زينب بلوم: ليه كدبتوا علينا وقلتوا إنك حامل وإنتي مبتخلفيش؟ قمر بصدمة: أنا مبخلفش؟ لا طبعاً، مين قالك كده؟ زينب: مش مهم مين قال كده. قمر: لا مهم، يا حماتي، مين اللي ضحك عليكي وقال إن أنا مبخلفش؟ زينب: محدش، ده اللي واضح، بقالكم 3 شهور ولسه مخالفتوش. قمر: ويَبقى كده مبخلفش؟ أنا وعز كنا مأجلين الخلفه عادي، مفيش حاجة. ويقاطعهم عز. عز بفرحة: إيه ده، ماما، مش تقوليلي إنك هنا؟

زينب: لا، ما أنا خلاص ماشية. عز: ماشية إيه؟ هو أنا لحقت أقعد معاكي. زينب: معلش يا حبيبي، أنا بقالي كتير هنا، هتأخر على ميعاد الدكتور. عز: طيب تعالي أوصلك. زينب: لا، خليك أنت مع مراتك، هي أكيد تعبانة برضه. عز بفهم: طيب، خلي بالك من نفسك وطمنيني عليكي. زينب: حاضر. وتمشي. عز: قمر. عز: قمرر! قمر: إيه. عز: مالك سرحانة ليه؟ قمر: مفيش. عز: بجد؟ قمر بابتسامة: آه، قولي عملت إيه النهاردة. *** نور بعصبية: يححح، ما تحاسب!

محمد: معلش يا فنانة. نور وتبص له بقرف: كمان بتهزر؟ القهوة اتدلقت عليا، احمد ربنا إنها باردة. محمد: فتحي، وإنتي ماشية، أنا واقف مكاني متحركتش، إنتي اللي خبطي فيا. نور وتسكت للحظات. نور: وهو في حد يقف هنا؟ محمد: براحتي، هي الأرض بتاعتك؟ نور وتبص له من فوق لتحت وتمشي من قدامه. محمد: هي ناقصة قرف بقي. *** بعد ساعتين. هايدي: نعم يا عمتو. زينب: إنتي بتكدبي عليا وتقوليلي إن قمر مبتخلفش؟ وأنا زي الهبل صدقتك.

هايدي بتوتر: ليه، هو حصل إيه؟ زينب: روحتلها وعرفت منها. هايدي: ما هي ممكن تكون بتكدب. زينب: لا، هي صادقة، إنتي اللي كدابة. هايدي: هي ضحكت عليكي بكلمتين يا عمتو وقومتك عليا. زينب: إنتي اللي ضحكتي عليا، وهما طلعوا مأجلين الخلفه، أنا أصلاً مليش دعوة بيهم، دي حياتهم وهما أحرار براحتهم، وإنتي كمان ملكيش دعوة بيهم تاني، وخصوصاً عز، مفهوم؟ هايدي متردش وتدخل أوضتها من الغيظ.

هايدي بعصبية: خطتي باظت بسببك يا قمر، بالعند فيكي هاخدوا منك وهتشوفي أنا هعمل إيه. وتضحك بشر. هايدي: إنتي كده هتخليني أعمل الحاجات اللي مبحبهاش، استحملي بقى.