رواية عز القمر الفصل الرابع عشر 14 - بقلم دنيا فادي

هايدي: مهو مفيش بينا كلام بس في كام حاجة مهمة عايزة أقولهالك، وبالذات إنهم عن حازم. نور: قولي. هايدي بابتسامة خبث: تعالي أوصلك بعربيتي وأحكيلك في الطريق. نور بنظرة شك وعدم فهم: ماشي، لما نشوف آخرتها. *** محمد: اصبر. جمال: يا أستاذ بقالي ساعتين واقف، كان زماني وصلت كام زبون في الوقت ده. محمد ويطلع مطوة ويحطها على رقبته: قلت اصبر، لابوظلك خلقتك دي. جمال بصدمة: خلاص يا أستاذ. محمد

ويلاحظ عربية عز بتتحرك: اتحرك بسرعة ورا العربية دي. جمال: حاضر، بس ابعدها عني. *** هايدي: عارفة كان بيجيبلي ورد كتير ويستناني تحت بيتي بالساعات، ويروح الأماكن اللي بحبها. كان بيعمل حاجات كتيرة أوي عشان بس أبص له. نور بتطنيش: ممم. هايدي: بس هو بيعمل كده مع أي بنت بتعجبو ويفكسلها لما يلاقي واحدة تانية تعجبوه، عشان كده مبصتلوش. نور بابتسامة وثقة: لا متخافيش، أصل أنا جيت مليت عينه.

هايدي بابتسامة مزيفة: ممم ربنا يخليكم لبعض، بس أنا قلت أنصحك عشان تاخدي بالك برضو. نور: لا خلي نصايحك لنفسك، ووقفي هنا، هركب تاكسي. هايدي وتوقف العربية. قمر: أشوفك الترم التاني، ولا أقولك ترم تاني إيه، ما إحنا نسيب صح. هايدي تردش وتتحرك بالعربية. *** زينب: إزيك يا حبيبتي. قمر باستغراب وتبتسم: الحمد لله يا حماتي. زينب: إيه مالك مستغربة لي؟ قمر: لا طبعًا أستغرب لي، ده إيه المفاجأة دي.

زينب: طب إيه هنفضل نتكلم على الباب كده؟ قمر بضحك: اتفضلي، معلش من المفاجأة معرفتش أقول أي. زينب: أخبار النونو إيه. قمر وتبلع ريقها بصعوبة: كويس يا حماتي. زينب: بجد؟ قمر: آه. زينب: إنتي حامل في الشهر الكام صح؟ قمر بتردد: في الشهر الأول. زينب: ممم على خير يا حبيبتي، يعني كده إن شاء الله هتخلفي في شهر أربعة. قمر وتبعد نظراتها عنها: إن شاء الله. زينب: مالك يا قمر، حساكي متوترة كده. قمر بابتسامة: متوترة إزاي؟

لا مفيش حاجة، يمكن من الحمل بس. زينب بفهم: الحمل برضو. قمر بضحك: آه اومال هيكون لي. زينب: أنا عرفت كل حاجة يا قمر. قمر: قصدك إيه؟ زينب بلوم: لي كدبتو علينا وقولتو إنك حامل وانتي مبتخلفيش.