رواية عز القمر الفصل الرابع والعشرون 24 - بقلم دنيا فادي

قمر بإبتسامة: ابنك ده. لينا: آه. قمر: عسول ما شاء الله. لينا بابتسامة خبث: طالع لأبوه. قمر: ربنا يخليهولك. لينا: اقعد يا حبيبي، ده بيت أبوك برضه. زينب تنظر لها باستغراب. قمر بعدم فهم: ومين أبوه؟ لينا: عز. قمر بانفعال: عز مين؟ عز جوزي؟ لينا: آه. قمر: انتي كدابة. لينا بدموع: مش هتصدقوني، أنا عارفة. عز بصدمة: انتي بتعملي إيه هنا؟ قمر بشك: انت تعرفها يا عز؟ لينا: جاية عشان أعرفهم حقيقتك.

عز بعصبية: امشي من هنا، اخرجي برا. قمر: اخرجي برا انتي، مسمعتيش. لينا بدموع: هتسبني أنا وابنك يا عز؟ قمر: انتي عبيطة، جاية تتبلي على جوزي. لينا: لا، ده ابنه. جوزك ضحك عليا من أربع سنين وقالي هنتجوز، وسابني. قمر بعدم تصديق: مستحيل، انتي كدابة. وتوجه كلامها لعز: عز، هي بتكدب صح؟ لينا: ردي عليها وقولي لها إن ده ابنك، ردي. عز وعيناه في الأرض. قمر بدموع: عز، قول إنها بتكدب، بص في عيني وردد.

لينا: وأنا هكذب وأتبلى على نفسي يعني؟ ده شرفي يا ناس. مراد بعصبية: عز، هي بتقول الحقيقة. عز: آه. مراد يصفعه بقوة: أخص يا عز، الوساخة دي تطلع منك. دي الناس كلها بتشكر في أخلاقك وتربيتك، وانت تعمل كده؟ تضحك على بنات الناس؟ حتى يا أخي، كنت تصلح غلطتك. لينا بدموع: سابني وكان عايزني أسقط اللي في بطني عشان يطلعني كدابة، وإن محصلش بينا حاجة. زينب: وانتي يا بنتي راجعة بعد 4 سنين، لي مجتيش من الأول؟

لينا: هددني، خفت منه، والظروف أجبرتني أبعد عنه. قمر تنهار وتطلع غرفتها. عز يطلع وراها: قمر، استني. مراد بخيبة أمل وعدم تصديق: بقي يطلع منك كده يا عز؟ أنا مش قادر أصدق. زينب بحزن: اسمك إيه يا حبيبي؟ لينا: اسمه زين. زينب: متخافش يا زين، انت مخضوض كده ليه؟ تعالي. *** قمر: مقولتليش لي. عز: عشان دي صفحة واتقفلت من زمان، صدقيني يا قمر، والله ما أعرف حاجة عن اللي حصل ده. قمر: والله؟ وهي هتقول لي كده.

عز: قمر يا حبيبتي، انتي عارفة أنا قد إيه بحبك، وصدقيني أنا مش هكدب عليكي. آه، كنت أعرفها، بس معرفش اللي حصل بينا ده حصل إمتى وإزاي. وقتها أكيد مكنتش في وعي. أنا مستحيل أعمل حاجة زي دي يا قمر، غلطة وندمان عليها طول عمري.

قمر بدموع: مصدقاك، بس حط نفسك مكاني يا عز. أنا بجد حاسة إني قرفانة منك، مش قادرة أتخيل إنك قربت لواحدة غيري. وفي نفس الوقت مش عارفة ألومك عشان ده حصل قبل ما تجوزني. عارف، والله لو كان بعد ما اتجوزنا، مكنتش هبقى على ذمتك لحظة. عز: أنا عمري ما أبص لواحدة غيرك يا قمر عشان بحبك. قمر: فيه مسدج جاتلي امبارح، مسحتها عشان مصدقتش عنك كده. عز: مسدج إيه؟ قمر: جوزك بيخونك. عز: مين اللي بيبعتلك كده وعايز يوقع بينا؟

قمر بدموع: معرفش. عز: يا قمر، والنبي ما تعيطي. قمر وتبتعد عنه: ابعد عني يا عز. عز: حاضر، بس متعيطيش. *** هايدي بصوت عالٍ: نعم؟ إيه اللي انتي بتقوليه ده؟ انتي شكلك حرامية أصلاً وجاية تقلبي لك قرشين. لينا: عندك عز يا حبيبتي، واسأليه. هايدي: ومجتيش لي زمان؟ جاية لي دلوقتي؟ لينا: عشان تعبت من كتر ما الناس بتسألني عن أبو ابني، وبكدب، مبقتش عارفة أودي وشي فين من الناس، تعبت. هايدي: وعز ذنبه إيه؟ لينا: ذنبه إيه؟

ذنبه إنه أبو ابني. عز سابني أنا واللي في بطني ومصلحش غلطه واتجوزني. هايدي بعصبية: أيوه، وانتي جاية عايزة إيه؟ لينا وتربع يديها: يتجوزني، والواد يتكتب على اسمه. هايدي: انتي هبلة؟ ده مستحيل. مراد: هي عندها حق، عز لازم يتجوزها. هايدي: نعمل إيه؟ لينا تبتسم بانتصار.