رواية عز القمر الفصل الثالث والعشرون 23 - بقلم دنيا فادي

وتجيلها مسدج وتبتسم قمر. ابتسامتها تختفي: اووف افتكرت. الفون اتفتح. اي ده؟ وتفتح المسدج من الرقم الغريب وتلاقي مكتوب: "جوزك بيخونك يا حلوه". *** هايدي بابتسامة وترمي الفون على السرير: هخليكي تلفي حوالين نفسك بعد المسدج دي. هايدي: دلوقتي هتشك فيه ويتخانقوا، ساعتها أنا هكون جنبك يا عز وهستغل اللي حصل لصالحي، وهبقى ضربت عصفورين بحجر. *** زينب: إيه يا حبيبي اتأخرت كده ليه؟ عز: في حاجة ولا إيه؟

زينب: لا يا حبيبي بس اتأخرت ومراتك مستنياك، متغدتش معانا وأبوك كان مستنيك عشان نقعد سوا. عز: آه معلش غصب عني جالي مشوار فاجأة. زينب: طيب يا حبيبي هات مراتك وتعالوا اتغدوا. *** لينا: صورتي. خديجة: عيب عليكي، صورت طبعاً. لينا بابتسامة: وريني. خديجة وتديها الموبايل. لينا بابتسامة: سكررر، بذمتك مش لايقين على بعض؟ خديجة: إلا لايقين على بعض، ده إنتوا مش مكتوبين غير لبعض يا مدام. لينا: ادعي يرجع ليا تاني. ***

قمر بتفكير: لا لا مش هصدق، المرة اللي فاتت ظلمته، هيخوني ليه أصلاً؟ أكيد لا، أنا هعرف مين. قمر: لا يا قمر لا، ابعدي التفكير ده، أكيد حد بيهزر. ويقاطعها عز. عز: إنتي بتكلمي نفسك؟ قمر: عز، إنت كنت فين كل ده؟ عز: في الشغل. قمر: ما أنا عارفة، قصدي اتأخرت ليه؟ عز: عادي يا قمر، الشغل زاد شوية. قمر باستغراب: هو إنت بترد لي كده؟ عز: برد إزاي يا قمر؟ قمر: خلاص مش مهم، قولي عملت إيه انهارده؟ عز: عادي. قمر: أيوا احكيلي.

عز: محصلش حاجة جديدة، نفس اللي بيحصل كل يوم. قمر: مالك يا عز؟ عز: ماليش. قمر: لا فيك حاجة يا عز، متغير، مالك؟ عز: الشغل كان كتير بس مخنوق شوية. قمر بدلع: مخنوق وأنا موجودة. عز بضحك: هتتحرشي بيا ولا إيه؟ قمر بضحك: إيه ده، بتكسف؟ عز: أنا برضو. قمر: آه. عز ويقرب ليها: وإيه كمان؟ قمر: أمك. عز: إيه؟ قمر: بتنده. عز: هتروحي مني فين يعني؟ قمر بابتسامة: مش هروح في حتة. عز: طيب مش هتاكلي؟

قمر: آه، مستنياك عشان ناكل سوا، استنى هجيب الأكل ناكل هنا. *** مراد: هاتيلي كوباية ميه يا هايدي. هايدي: حاضر. مراد: دافية. هايدي: حاضر. مراد: قمر. قمر بابتسامة: نعم يا حبيبي؟ مراد: عز لسه مجاش؟ قمر: لا جه. مراد: إيه اللي أخره كده؟ قمر: الشغل كان كتير عليه انهارده. مراد: طيب يا بنتي. قمر: أنا هحضر لعز الغدا، أعملك حاجة معاهم؟ مراد: لا يا بنتي، بالهنا. *** هايدي باستغراب: إزاي ده؟ دي شافت المسدج إزاي متأثرتش؟

مراد: الميه يا بنتي. هايدي: ثواني. هايدي: إنتي بتعملي إيه؟ قمر: إنتي شايفة إيه؟ هايدي: ما تخلي حورية تعملك هي. قمر بابتسامة: لا، عايزة أعمل لحبيبي الأكل بإيدي. هايدي: اممم. *** 9:05 AM الصبح. حورية: حضرتك مين؟ لينا بدموع وهي ماسكة طفل عنده 4 سنين: عز عارفني. حورية: طيب عايزة إيه وأقوله؟ لينا: مضطرة أشوفه حالا. حورية: طيب اتفضلي. زينب باستغراب: مين دي يا حورية؟ حورية: عايزة أستاذ عز. قمر: عايزاه ليه؟

لينا: هتعرفوا كلكم دلوقتي. قمر بابتسامة: ابنك ده؟ لينا: آه. قمر: عسول ما شاء الله. لينا بابتسامة خبث: طالع لأبوه. قمر: ربنا يخليهولك. لينا: اقعد يا حبيبي، دي بيت أبوك برضو. زينب وتبصلها باستغراب. قمر بعدم فهم: ومين أبوه؟ لينا: عز. قمر بإنفعال: عز مين؟ عز جوزي؟؟؟؟