رواية عز القمر الفصل السابع عشر 17 - بقلم دنيا فادي

حوريه: اؤمرني يا بيه. مراد: من بكرة أي حاجة تطلبها منك هايدي متنفذهاش لمدة أسبوع، مفهوم؟ لحد ما نشوف هتعدل نفسها إزاي. حوريه وعنيها على الأرض: مفهوم يا بيه. هايدي بتقوم بعصبية: أي الجنااان ده! زينب بصدمة: هايدي! أي اللي انتي بتقوليه ده؟

هايدي: أنا عارفة إنك مش بتحبيني، ومن ساعة ما بابا وماما اتوفوا وأنتِ بتستقصديني ومش عايزاني أقعد معاكم في البيت، وبتُقفلي على الغلطة. وأنا هختصر كل اللي بتعملوه عشان أخرج من البيت، وهمشي وهسيبكم. زينب: هايدي! مراد: سامعة كلام بنت أخوكي؟ زينب: سامعة، بس يا هايدي أي الهبل ده يا حبيبتي؟ انتي متعرفيش انتي عندنا إيه، انتي زيك زي عز. أي الكلام اللي انتي قلتيه ده؟ أي مش بنحبك إزاي؟

ده انتي بنتنا اللي مخلفنهاش. مفيش حاجة لما تغلطي وعمك يعاقبك على غلطك بيعمل كده عشان بيحبك ومعتبرك بنته، وأنتي تقولي مش عايزة تعيشي معانا؟ *** نور بإستغراب: هو أنت لسه هنا؟ محمد: هو أنا قاعد على نفوخك. نور وتبصله بقرف: أنت مستفز بجد. محمد: ومالك بتبصلي بقرف كده لي؟ نور: هوف براحتي، وأنت مالك؟ محمد: طيب يلا روحي شوفي طريقك. نور: هشوف طريقي، مش مستنياك تقولي. محمد ويشدها: حاسب!

نور بعصبية وتسرع: أنت قليل الأدب إزاي تمسكني بالطريقة دي؟ محمد بضيق خلق: أنا غلطان والله، كنت سيبت العربية تشيلك. نور بتسيبه وتمشي وهي مخضوضة. *** نور: تاكسي. تقف العربية ويركبها. خالد: على فين يا أستاذة؟ نور: ******* ويتحرك بالعربية. نور بسرحان: الحمد لله إني كويسة، الحمد لله. *** عبدو: أيوا يا أستاذ، تؤمر بحاجة؟ محمد: هو صاحب العربية دي ساكن فين؟ عبدو: قصدك البشمهندس عز؟ آه ساكن هنا، خير يا أستاذ؟

محمد: طيب هو ساكن في الدور الكام؟ عبدو: شقة رقم 3، الدور التاني. محمد بابتسامة شر: ماشي، شكراً. عبدو: رايح فين يا باشا؟ مش هتطلع؟ محمد: لا هجيله في وقت تاني. مقولتليش اسمك إيه يا بلدي؟ عبدو: عبدو. محمد: أخوك محمد. عبدو: عاشت الأسامي. محمد: ومن أنهي بلد؟ عبدو: أسيوط. محمد: وأنا كمان. عبدو بابتسامة: ده إحنا جيران على كده بقى. محمد: إلا بقولك صح. عبدو: قول. محمد: هو أستاذ عز عايش لوحده هنا؟ عبدو: لا عايش مع حرمته.

محمد: آآه، أكيد معاه عيال؟ عبدو: لا، لسه ربنا مرزقوش بالذرية الصالحة. محمد: اممم، طيب هو بيكون موجود إمتى في البيت؟ عبدو: بص هو ملوش مواعيد محددة، بس في العادي بيتحرك من هنا 9 أو 10 وييجي 5. محمد في ذهنه: حلو، أكون نفذت اللي عايزه. *** 10:21 AM حوريه: الحقي يا هانم. زينب: في إيه؟ حوريه: آنسة هايدي مش موجودة في البيت. زينب: خضتيني، هتلاقيها راحت جامعتها.

حوريه: لا يا هانم، امبارح كان آخر يوم امتحانات، هي لمّت هدومها كلها ومشيت. زينب: إيييه؟ مشيت؟ راحت فين دي؟ حوريه: معرفش يا هانم، شكلها زعلت من كلام البيه. زينب: يا ربي عليكي يا هايدي. زينب: كمان مش بترد. *** قمر بضحك: يا سلام، لحقت أوحشك؟ عز بابتسامة: آه والله. قمر: كداب. عز: محصلش. قمر: طيب يا رومانسي، خلي بالك من نفسك، وأوعي واحدة تبصلك كده ولا كده. عز: لا بقولهم أنا متجوز وبحب مراتي. قمر: قصدك إيييي؟

هو في واحدة شقطتك قبل كده؟ عز بضحك: شقطتني آه. قمر: لما تجيلي يا عز والله هوريك إزاي تهزر في الحاجات دي. ويقطعها خبط الباب. قمر: خليك معايا، افتح الباب. عز: اسألي مين الأول. قمر بضحك: يعني هيكون حرامي؟ قمر بتفتح الباب، ومتلحقش تشوف مين. محمد وهو كاتم نفسها بإيده، بيمسك الفون ويقفل على عز. قمر بصدمة وخوف، وتبعده عنها بكل قوتها ومتعرفش. محمد بيديها حقنة تغيبها عن الوعي.