رواية عز القمر الفصل الثامن عشر 18 - بقلم دنيا فادي

قمر: خليك معايا افتح الباب. عز: اسألي مين الأول. قمر بضحك: يعني هيكون حرامي. قمر بتفتح الباب ومتلحقش تشوف مين. محمد وهو كاتم نفسها بإيدو بيمسك الفون ويقفل على عز. قمر بصدمة وخوف وتبعدو عنها بكل قوتها ومتعرفش. محمد بيديها حقنة تغيبها عن الوعي. *** بيرلنتي: انتي هبلة وسيبتي البيت عشان كده. هايدي: آه هو أنا غلطت أوي؟ مكنش لازم أمشي صح. بيرلنتي: انتي غبية يا هايدي كبرتي الموضوع على الفاضي، روحي يا هايدي بطلي شغل عيال.

هايدي: كده كده هروح بس يقلقوا عليا شوية. بيرلنتي: طيب ردي. هايدي: الو. زينب: روحتي فين يا هايدي. هايدي: نعم يا عمتو. زينب: إيه اللي عملتيه ده؟ انتي لميتي هدومك وروحتي فين؟ انتي ليكي حد غيرنا عشان تمشي؟ هايدي: ما انتوا اللي مش عايزيني. زينب بزهق: ارجعي البيت يا هايدي اخلصي. عمك هيزعل منك. هايدي: حاضر بس مش دلوقتي. *** جلال: يا ابن اللعيبة، إيه الحتة الجامدة دي. محمد: اتلم، دي تهويش بس. جلال: تهويش إيه.

محمد: لو قربتلها هقطعلك إيدك. جلال: مش مقرب يا عم، بس هقاومها إزاي دي. محمد: بطل الشغل الزبالة ده، أنا بطلت. جلال: بطلت؟ بذمتك دي تتساب. محمد بزعيق: جلاللل، مااا تسترررجل بقي. قولت تهويششش وبسس. *** منار وتستغرب لما تلاقي الباب مفتوح. منار بإبتسامة: قمر، قمامير. وتخبط على الباب. منار: قمر؟ بقلق وتدخل: يا قمر!! وتدور عليها ومتلاقيهاش: راحت فين دي وسابت الشقة مفتوحة كده. *** خديجة: سيب الموبايل وركز معايا.

عز: عايزة إيه؟ مضيت على كل الورق، في إيه تاني. خديجة: انت بتزعق لي؟ انت بتقولنا نركز في الشغل وانت مش مركز ومشغول بالموبايل. عز: نعم؟ وانتي هتديني أوامر؟ روحي على شغلك. خديجة: حاضر، وأنا آسفة يا أستاذ. عز: اتفضلي. ويقطعهم رنة موبايل. منار: عز، هي قمر فين. عز: في البيت؟ لي. منار: في البيت؟ لا، أنا كنت هناك وملاقتهاش والشقة كانت مفتوحة. عز بإستغراب: مفتوحة!!! مقالتليش إنها هتخرج من البيت.

منار: مش عارفة، بتصل بيها مش بترد، قولت أكلمك أصلها غريبة. دي كانت لسه مكلماني من نص ساعة، كنت خلاص جنب البيت وجيت ملاقتهاش. عز بقلق: لا، متقلقنيش، هتكون راحت فين طيب؟ اقفل أشوفها. *** قمر بتفرق على إيد بتلمس على وشها. قمر بخضة وتبعد عنه: انت مين. جلال: أخيرا فوقتي يا حلوة. قمر بتوتر: أنا بعمل إيه هنا. جلال: تقضية مصلحة. قمر: مصلحة إيه. جلال: انتي هترغي. قمر: أنا عااايزة أفهم انت مين، وأنا بعمل إيه هنااا.

جلال بتشوق وينظر لها بوقا'حة: انتي لي حلوة كده. ويلمس علي شعرها. قمر وتزقو بإنفعال: ابعد يا زبالة يا مقرف. جلال بعصبية: انتي هتقلي أدبك عليا أنا يا مر'ا؟ ده أنا هوريكي قلة الأدب اللي على أصولها.