رواية عز القمر الفصل التاسع عشر 19 - بقلم دنيا فادي

قمر: أنا عايزة أفهم أنت مين وأنا بعمل إيه هنا؟ جلال بوقاحة: أنتِ ليه حلوة كده؟ ويلمس على شعرها. قمر تدفعه بانفعال: ابعد يا زبالة يا مقرف! جلال بعصبية: أنتِ هتقلّي أدبك عليا أنا؟ ده أنا هوريكي قلة الأدب اللي على أصولها! ولسه بيقرب منها بيقاطعه محمد وهو يدخل بعصبية: جلال! ابعد عنها! قمر بخضة: أنتوا مين وجايبني هنا ليه؟ محمد: اخرسي عشان ما أذيكيش. جلال: أنت إيه اللي جابك دلوقتي؟ محمد

بإنفعال ويمسكه من رقبته: ده الحمد لله إن جيت دلوقتي، كنت عايز تعمل إيه؟ جلال: يا عم ما كنتش هعمل حاجة، كنت بصحّيها. محمد: أنت فاكرني عبيط؟ أنا شفتك، غور من وشي. جلال يمشي من قدامه. قمر: صدقني جوزي هيعرف مكاني ومش هيسيبك إلا وأنت ميت. محمد بهدوء: بقولك إيه، أنا قلت اخرسي وأنا مش هاذيكي؟ أنتِ مبتفهميش؟ قمر: اومال خطفني ليه؟ محمد: بـهدد جوزك. قمر: ليه؟ محمد: أخواتي في السجن بسببه، لو عايزها تخرجهم من السجن.

قمر: أكيد عنده حق، واعمل حسابك إنك هتتحبس معاهم بعد ما يعرف اللي حصلي. محمد يقلق من ثقتها: أنا قلت اخرسي. ويقاطعه موبايلها يرن. محمد بابتسامة: حبيبي؟ ده المحروس صح؟ محمد يرد: قبل أي حاجة، مراتك معايا. لو عايزها، أخواتي اللي سجنتهم يخرجوا النهاردة، وإلا مراتك دي مش هتشوفها تاني. عز بعصبية: يا ابن الـ... مراتي لو لمست شعرة منها هـ... وربنا! محمد: ما تتزعّلش كده، مراتك محدش جه جنبها. هي مقابل أخواتي، سلام. ***

زينب: كنتي فين؟ هايدي: مش مهم. زينب: أنتِ عارفة إن اللي عملتيه ده غلط. هايدي: عارفة، بس طريقة عمو مراد اللي خلتني أعمل كده. زينب: ولو مهما حصل، مينفعش تخرجي من بيتك. احمدي ربنا إن عمك ما يعرفش عن اللي حصل ده. هايدي بزعل: هو ليه بيكرهني؟ زينب: برضه؟ أنتِ مبتحرميش؟ هايدي: عمتو، أنتِ مش شايفة معاملته ليا من ساعة ما عشت معاكم، وهو بيعاملني

وحش وكل حاجة لازينب: عشان أنتِ بتغلطي كتير ومش بتسمعي الكلام، وهو مضايق من تصرفاتك. وبصراحة، تصرفاتك كلها غلط يا هايدي. أخويا كان مديكي راحته على الآخر، محدش قالك على الغلط إنه غلط، فبتزعلي لما حد يفهمك ده دلوقتي. عمك عايزك تبقي أحسن بنت في الدنيا، وأنتِ بتقولي عنه كده؟ هايدي بلامبالاة: طيب، أنا هدخل أوضتي عشان تعبانة شوية. *** مصطفى: أنت هتروح تغير أقوالك بجد؟ عز: هخرجهم، هعمل أي حاجة عشان قمر ترجع.

مصطفى: استنى بس، ما إحنا نبلغ عنه ونعمل زي ما عملت معاك. *** محمد: هو مش خايف عليكي؟ قمر بدموع: هيجي وهيحبسكم. محمد: يحبس مين يا قطة؟ ده شكله نسيِك. قمر: ما نسينيش، وهتشوف. محمد بضحك ويقعد: هنشوف، ادينا قاعدين مستنيين. *** جلال بخبث: آسف يا صاحبي، هحطلك منوم في الشاي، أنت اللي اضطرتني لكده.