رواية ابن عمي الفصل الحادي عشر 11 - بقلم اميرة محمود

احمد فوق يا احمد متسبنيش زي بابا وماما. وأقسم بالله لو اخويا حصله حاجة ماهسيبك يا ادهم. الإسعاف وصل وأحمد راح المستشفى. هنا، جودي في ايه؟ قوليلي مين اللي عمل كده. جودي مردتش وقاعدة بتترعش، وضامة رجليها قدام غرفة العمليات والدموع مبتقفش. الدكتور خرج. جودي قامت جري راحتله. يا دكتور أحمد عامل ايه؟ الدكتور، ادعيله يا بنتي. الرصاصة جت قريبة من القلب جدا. لو 48 ساعة عدوا بسلام من غير مضاعفات هيبقي كويس.

جودي قعدت تدعي، يارب أنا مليش غيره. قومهولي بالسلامة. أنا مش عايزة غير أن أشوف أخويا قدامي كويس. يارب انت عارف أنه مظلوم. يارب متكسرش بخاطري. وقامت قعدت عالكرسي جنب غرفة العناية. نور روحت مع أبوها طول الطريق مبتتكلمش. ادهم، انزلي يا نور وصلنا. نور مبتردش. محمود، انزلي يا بتي. نور مبتردش. محمود، هي مبتردش ليه يا ادهم؟ هي مش سمعاني؟ ادهم بيحركها ينزلها. نور نور يا بوي مبتردش. وشالها نزلها ودخل بيها القصر.

ادهم نيمها ع السرير. محمود، اطلب دكتور يجي حالا يشوفها. ادهم، حاضر يابوي. الدكتور وصل يابوي. الدكتور، دي صدمة نفسية شديدة. هي اتعرضت لصدمة. المخ مش قادر يستوعبها. لازم تروح المستشفى حالا تعمل رسم مخ. محمود، دي حامل يا دكتور. الدكتور، أنا مش هقدر أفيدكم بحاجة. لازم تروح المستشفى حالا. الدكتور طلب الإسعاف يجي ياخدها. محمود، فوجي يا بتي أني غلطان. فوجي. وقعد يبكي ع بنته. الإسعاف وصل واخد نور المستشفى.

الدكتور، هنعمل رسم قلب ورسم مخ نطمن. لأن الحالة تعتبر ميتة. ادهم، أقسم بالله اختي لو ما فاقت لهولع في المستشفى تمام. الدكتور، ادعي ربنا أنها تقوم منه. محمود، أنا السبب. ياريتني كنت فهمت بتي. ياريتني موديتها مصر. يا ادهم روح مصر اطمن ع أحمد. ادهم، بتجول ايه يابوي؟ محمود، خيتك جلبها متعلق بيه. روح اطمن عليه. ولو كويس هاته. هي هتفوق أما تشوفه. ادهم، بس ده أكيد مات. أنا ضربت الرصاصة في جلبهم.

محمود، روح يا ولدي. إن شاء الله هتلاقيه كويس. ادهم، ماشي يابوي. أنا ماشي رايحله. ادهم سافر القاهرة. سأل الجيران عرف أن أحمد في المستشفى وراحله. ادهم شاف جودي قاعدة ع كرسي بتقرأ في المصحف. ادهم، أحمد عامل ايه؟ جودي بصت عليه بلهفة. انت ايه اللي جابك هنا؟ أي يا أخي الجبروت ده؟ تقتل القتيل وتمشي في جنازته؟ ادهم، ما نور... جودي، ما هو... أحمد أخويا لو حصله حاجة أنا اللي هقتلك فاهم؟ اتفضل امشي غور من هنا يلا.

ادهم، متعليش صوتك عليا فاهمة. جودي بصتله بصة حقارة. امشي أحسنلك. اه استنى. قلعت الدبلة ورمتها في وشه. دي متلزمنيش. ادهم، أنا مقدر اللي انتي فيه. أنا جاي أقولك أن نور بتموت في المستشفى ومبتنطقش. وأنا جاي أصلح اللي عملته. جودي، تصلح ايه؟ أخويا بيموت خلاص. معدش ينفع تصليح يا ابن عمي. امشي من وشي بسلامة. ادهم مشى وراح قعد في فندق.

ادهم، أنا هقعد لحد ما أحمد يفوق. عندي أمل أني هاخده والحق نور. حاسس أنها هتفوق أما تسمع صوته. وحط أيده في جيبه لقي دبله جودي. أنا آسف يا جودي. أنا خدتك بذنب أخوكي. وبعدين فكر هي ليه مبلغتش عنه أنه ضرب أخوها بالنار. نور في المستشفى مبتفوقش من أثر الصدمة. أحمد في العناية مبيفوقش بسبب نزيف دم كتير. تاني يوم ادهم راح المستشفى يطمن ع أحمد. جودي، إيه جاي تشوف مات ولا لسه؟

ادهم، ع فكرة إحنا بشر. وأنا اتهورت ع أخوكي عشان جه ع شرف اختي. جودي، ماهو صلح الغلط واتجوزها وحبها وهي حبته وساب خطيبته عشانها. ليه مدتلوش فرصة؟ ادهم، أنا غلطان وبعترف أني اتهورت. جودي، ع فكرة أنا قولت حرامي هجم علينا عشان القضية متكبرش واختك تتفضح. عشان دي اختي. عشان نور كانت خايفة أن حد يعرف. ادهم، نور بتموت. نور مبتفوقش في العناية. المخ رافض يعطي إشارة للجسم بالحركة بسبب الصدمة. عندي أمل لو سمعت أحمد تفوق.

جودي، شفت تهورك عمل إيه؟ ضيع أخويا واختك. لو سمحت امشي. ومتتصورش أني هخلي أخويا يخاطر بحياته ويجي معاك. ادهم، هيفوقوا والله. عندي أمل. الدكتور، آنسة جودي. جودي راحت وهي خايفة وقلبها دقاته سريعة. خير يا دكتور. الدكتور، الحمد لله. الدكتور أحمد فاق وهيخرج من العناية ويروح غرفة عادية. جودي، بجد انت بتكلم بجد؟ شكرا ليك يا دكتور. ادهم فرح أن أحمد فاق وقعد يستنى أحمد يدخل الغرفة وهو يدخله. جودي، حمد الله ع السلامة يا بطل.

أحمد، آه شكراً يا جودي ع وقفتك جنبي. جودي، إيه شكراً دي؟ ده انت أخويا وحبيبي والحاجة الوحيدة اللي ليا في الدنيا. ربنا يخليك ليا وميخسرنيش فيك. أحمد، إيه ده؟ أومال فين جودي اللمضة؟ جودي، قدامك. بس أنا مكنتش أتصور أن أول ما أشوف جثة مقتولة تكون إنت. أحمد، جثة؟ اخرسي يخربيت لسانك. جودي، بعد الشر عنك. والله قلبي كان هيقف. ادهم دخل لاحمد. جودي، إيه اللي دخلك هنا؟ اتفضل برا.

أحمد، بس يا جودي. آآه. سيبيه. إيه داخل تكمل عليه هنا؟ ادهم، حمد الله ع السلامة. أحمد، انت بتضربني بالنار أول امبارح وجاي تطمن عليه النهارده. ادهم، نور بتموت يا أحمد. أحمد، آه. وقام قعد وقال، إزاي؟ في إيه؟ جودي، أحمد مينفعش تتحرك. غلط عليك كدة. أحمد، استني اسكتي. في إيه يا ادهم؟ ادهم، نور الصدمة كانت شديدة عليها. ومبتفوقش خالص وهي في المستشفى. أحمد، أنا جاي معاك. جودي، تيجي معاه فين؟

ده في الصعيد أقل حاجة 7 ساعات. وده غلط ع الجرح. أحمد، أسيب مراتي تموت؟ انتي بتكلمي إزاي؟ ادهم، لو ينفع تيجي معايا. أن شاء الله تروح في إسعاف مجهز عشان الطريق طويل وده غلط عليك. أحمد، ماشي. الدكتور دخل، إيه ده؟ إيه اللي مقومك يا دكتور أحمد؟ ده في ظابط بره وعايز يعرف منك مين اللي عمل فيك كدة. أحمد، أنا ماشي حالا. ادهم، أنا كلمت الإسعاف المجهز. يلا يا أحمد. ادهم سافر مع أحمد. وجودي راحوا لنور المستشفى.