رواية ابن عمي الفصل الخامس عشر 15 - بقلم اميرة محمود

جودي، انت اتجننت! ادهم، قولي مسمحاني يا أما. هضغط ع الزناد. جودي بصتله وراحت قافلة الباب في وشه ودخلت نامت ع السرير. ادهم ضغط ع الزناد. جودي قامت جري فتحت باب الأوضة وهي بتترعش. لقت ادهم واقع ع الأرض. جودي، ادهم قوم يا ادهم قوم. ادهم بصوت واطي، مسمحاني يا جودي. جودي لقت الكل جاي جري. زين، هو في إيه؟ ادهم ماله؟ جودي، ضرب نفسه بالنار. ادهم، قولي بقي مسمحاني. زين، طب ضرب نفسه فين؟ ماهو مفيش دم. جودي قعدت تدور.

ادهم، هو انت ضربت الرصاصة فين؟ محمود، مالك يا ولدي مين ضرب عليك نار؟ ادهم، مفيش يابوي. وقام وقف، كنت بعمل مقلب في جودي. زين، أومال إيه الصوت اللي سمعناه؟ ادهم، ده مسدس صوت. جودي قامت وقفت ودخلت الأوضة وقفلت الباب وسابتهم واقفين. ادهم، عجبك كده يا سي زين؟ أهي دخلت قبل ما تقول إنها سامحتني. زين بضحك، أقسم بالله اللي يشوفك الصبح ميشوفكش وانت أهبل بليل. ادهم، أهبل؟ شكراً يا زين. أنا غلطان إني واقف معاكم.

محمود، روح أوضتك نام يا ولدي ربنا يهديك. زين، ههههههههههه يالا يا حج نروح ننام إحنا كمان. ادهم فضل واقف قدام غرفتها وراح مخبط عليها. ادهم، افتحي يا جودي. جودي، اتفضل. امشي أنا نمت. ادهم، عالعموم أنا بحبك وكفايه نظرة الخوف اللي شفتها. جودي معبرتوش ونامت. ادهم راح غرفته ونام. *** أحمد فرش ع الأرض عشان ينام. نور، أحمد اطلع نام جنبي عالسرير. أحمد، متأكدة؟ نور، هههههه أه اطلع. أحمد، خلاص ماشي. طلع نام جنب نور.

أحمد، انتي بتبصيلي كده ليه؟ نور، نفسي ولادي يطلعوا شبهك. أحمد، وليه مش شبهك؟ دول حتي لو طلعوا صبيان هتلاقي البنات هما اللي جايين يخطبوهم. نور، مكنتش أتخيل في يوم من الأيام اللي حصلي ده كله. وأحب أكتر إنسان ضرني. أحمد، والله ما كنت في وعيي. وأكيد عمري ما كنت هعمل كده حتى لو كنتي خطيبتي. نور، أنا آسفة يا أحمد بس مش قادرة أنسى. صعب شوية اللي حصلي.

أحمد، وأنا مقدر شعورك نحيتي وعارف إنك عمرك ما هتنسي. بس والله أنا بحبك وعايز نفتح صفحة جديدة. أنا كان ممكن أقولك نزلي البيبي ونسيب بعض بعد فترة زي ما كنتي عايزة. بس والله ما أقدر أسيبك ولا أسيب ولادي. إنتوا نعمة ربنا عطاهالي ولازم أحافظ عليكم. نور، هو إحنا هنروح القاهرة إمتى عشان شغلك والجامعة؟ أحمد، زي ما تحبي. أول ما تقدري نسافر عالطول. نور، تمام. ياريت نسافر بكرة بليل عشان الجامعة. أحمد، خلاص تمام ماشي.

سمعوا ضرب النار. أحمد، في صوت ضرب نار بره. نور، لا خير. هحكيلك المجنون ادهم عامل مقلب في جودي ومتفق معايا فيها. أحمد، متأكدة؟ نور، أه والله ده مسدس صوت. أحمد، ربنا يهديهم لبعض. نور، يارب. أحمد ممكن أطلب منك طلب؟ أحمد، أؤمري. نور، ممكن تحضني؟ نفسي أنام في حضنك. أحمد بفرحة، طبعاً. أخدها في حضنه وناموا عالطول. *** صباح تاني يوم. جودي أخدت شنطتها ونازلة عشان تسافر. بتفتح الباب. جودي، انت إيه منيمك كده ع باب أوضتي؟

ادهم، أنتي رايحة فين؟ جودي، ملكش فيه. ادهم، أنا بكلمك ردي عليه زي ما بكلمك. جودي، إنت عايز مني إيه؟ أنا ماشية رايحة بيتي. اطمنت ع أخويا خلاص همشي عشان حياتي مش هنا. ادهم، يعني أفهم من كده إنك مسامحتنيش؟ جودي، أه ومش هقدر أنسى. سابته ومشت. فجأة شده من أيدها. ادهم، استني عايز أقولك حاجة. جودي، إيدي! اااااه. ادهم ساب أيدها مرة واحدة. إيه هي إيدك ملها؟ جودي رفعت البلوزة من عند إيدها. شايف الزراق ده؟

إنت السبب فيه. هو هيعلم فترة ويروح. بس قلبي مش هينسى إنك كنت السبب فيه. كفاية ترميني مع ستات شكلهم غلط عشان تكسرني. اطمن يا ادهم أنا انكسرت خلاص. عن إذنك بقي عايزة أروح لحياتي. 😭😭😭 ادهم واقف الدموع مالية عينيه من منظرها. امشي يا جودي بس عشان خاطري ورحمة أبوكي وأمك ماتفتكريلي حاجة وحشة. افتكري إني بعشقك وحاولي لو تعرفي تديني فرصة تانية. جودي، بعد كل اللي عملته عايز فرصة تانية. زين دخل عليهم.

يالا يا جودي هوصلك عشان الحق اللي عايز أعمله في القاهرة. ادهم بص لزين وجودي وسابهم ومشي. جودي بدموع مثل السيل، سلام يا ادهم. زين، على فكرة انتي بتحبيه وقلبك مسامحه بس انتي مش قادرة تعترفي. جودي، انت نسيت اللي عمله فيا امبارح؟ زين، ادهم عصبي وفي عصبيته نساني أنا أخوه. جودي، وأنا مش قادرة أستحمل كل شوية عصبيته. زين، كنتي تغيريه مش تسيبيه وتمشي. جودي، جامعتي في مصر وأنا بقالي حوالي أسبوع مرحتش. كده غلط.

زين، خلاص الامتحانات قربت. خلصي وبعدين نبقى نشوف حل للأستاذ ادهم. أخدها زين ومشي. *** أحمد نزل يفطر هو ونور. أحمد، هي جودي لسه مصحتش؟ ادهم، مشت. أحمد، مشت؟ ادهم، أخدت شنطتها ومشيت مع زين. نور، الامتحانات قربت جدا وأنا كمان لازم أسافر. أحمد، بس هي مقلتليش ليه؟ نور، ممكن عشان كنا نايمين ولا حاجة. أحمد، تمام بس لازم نسافر النهارده ضروري. أختي جودي لو زعلت من حاجة ممكن تعمل في نفسها حاجة طول عمرها.

ادهم بقلق، تعمل في نفسها حاجة إزاي؟ أحمد، مرة أمي زعقتلها عشان خرجت مع صحبتها من ورا أمي. بس أمي عرفت وزعقتلها جامد. جودي قعدت تستنى ماما تصالحها. ماما مصلحتهاش إنها بتربيها كده. راحت جايبة قطر وقطعت شرايين إيدها. ولحد وقتنا هذا كل ما حد يمسك إيدها بتوجعها. ومن بعدها إحنا مبنزعلهاش عشان هي حساسة قوي وبتأذي نفسها لو اللي قدامها مقدرهاش. ادهم بقلق شديد، أوووم يالا نمشي يالا نلحقها. أحمد، إنت هتيجي معانا؟

ادهم، أنا طلبت طلب نقل للقاهرة وأخيراً اتقبل وهاجي معاكوا بالمر. نور، طب أنا هطلع أحضر الشنطة. يالا يا أحمد نجهز. جهزوا أبطالنا وركبوا العربية عشان يلحقوا جودي. *** جودي وصلت الڤلة. بعدها بساعتين أحمد ونور وادهم وصلوا الڤلة. نور، أنا طالعة أشوف جودي. أحمد، تمام. تعالي يا ادهم أوريك الغرفة اللي هتقعد معانا فيها. ادهم، ماشى. أحمد، دي أوضة نور قبل ما نتجوز. خد راحتك بقي خد شاور وارتاح. الطريق كان طويل. ادهم، خلاص تمام.

نور طلعت لقت جودي نايمة. سابتها وراحت غرفة أحمد. أحمد، أخبارها إيه؟ نور، نايمة. أحمد، تمام. أنا داخل آخد شاور وأنام أنا كمان. نور، ماشي يا حبيبي. أحمد، يخربيت جمالها. من بقك. نور، يالا أدخل بقي عشان عايزة آخد شاور أنا كمان. *** جودي صحت وسمعت خربطة في غرفة نور. قامت تتسحب وفتحت الباب. سمعت الصوت في الحمام. جودي، يامصبتي! حرامي! طب أعمل إيه دلوقتي؟ راحت جايبة خشبة عشان تضرب الحرامي.

بتبص لقت شاب خارج بفوطة حوالين وسطه وصدره عاري وعضلاته بارزة وموطي بينشف وشه وشعره بالفوطة. جودي، ااااننننتتت ميييين؟ ادهم شال الفوطة من ع وشه. جودي، سرحت فيه جامد لدرجة ادهم أخد باله. إيه اللي جابك هنا؟ ادهم، إنتي إيه اللي جابك هنا؟ (وراح مقرب عليها) جودي، ده بيتنا وأروح أي حتة تعجبني. إنت دخلت إزاي؟ ادهم قاطع كلامها، ومش أي بذمتك موحشتكيش؟ جودي، لو سمحت ابعد. ادهم، وإن مبعدتش؟

(وراح لازقها في الحيطة وحاطط إيده ع الحيطة) جودي، ادهم إنت جاي ليه؟ ادهم، والله العظيم بحبك وطلبت طلب نقل من ساعة ماشوفتك عشان أجي هنا وتبقي قدام عيني. وراح مقرب ع جبينها وباسها. أنا آسف ياقلبي. أنا مش هعرف أعيش وإنتي بعيدة عني. جودي سرحت في جماله وجمال جسمه الرياضي. ادهم، فرصة واحدة عشان خاطري. جودي، طب وبالنسبة للي عايز تخطبها؟ ادهم، كنت بغيظك مش أكتر. جودي، بتغيظني؟ هههههه ماشي يا ادهم. ادهم، إيه سامحتيني؟

جودي، أنا قلبي مسامحك من زمان أصلاً. ادهم شال إيده من ع الحيطة وحضنها وضمها جامد بحضنه. جودي فضلت حضناه جامد. الباب خبط عليهم. جودي زقت ادهم جامد، يامصبتي! هو إنت حد معاك؟ ادهم، هههههه أختي وأخوكي. جودي، يا أخويا اتفضحت. ادهم، هههههه هموت في أي يا بنتي متخافيش. و راح ناحية الباب وجاي يفتحه. جودي، إنت هتعمل إيه؟ أما يلاقوك عريان وأنا بالبيجامة هيقولوا إيه؟ وثم إن إنت قفلت الباب إمتى؟ ادهم، وإنتي في حضني؟

هو للدرجة دي حضني سحر؟ محسيتيش وأنا بقفله؟ جودي، الخبط وقف الحمد لله. يبقوا مشوا. البس بسرعة وافتح وأخرج. امنلي المكان عشان أخر. ادهم، ماشي. 😂😂😂 جودي، بطل ضحك. إنت بتضحك ع إيه أصلاً؟ ادهم، مفيش. أصل الفوطة لو قلعتها مفيش تحتها هدوم. 😂😂😂😂 جودي، يخربيتك. أنا هقف هناك وهعطيك ضهري وخلص بقي. ادهم، ماشي. لبس ادهم هدومه وراح متسحب وراح حضنها من ضهرها. أنا خلصت. جودي بخضة، يخربيتك سيبني! أنا مفاصلي سابت. ادهم لفها ليه.

جودي، أنا عايز نتجوز بقي بجد مش قادر. نفسي تفضلي في حضني عالطول. جودي، خلاص أوك ماشي. أخلص امتحاناتي ونتوكل ع الله. بس يالا أخرج امنلي الطريق. ادهم، ماشي ياقلبي. وفتح الباب يأمن الطريق. أول ما فتح لقي أحمد في وشه.