رواية ابن عمي الفصل الرابع عشر 14 - بقلم اميرة محمود

أدهم، ياللا يابنتي نمشي عشان ورايا نبطشيه. جودي، لو مستعجل روح انت وأنا أطلب أوبر يوصلني. أدهم، أوبر دي عندكم مش هنا، ياللا. زين، بتزعق ليها ليه، براحة يا أدهم. جودي، حبت تغيظ أدهم، طب والله أنت جنتل مش أبو جعورة ده. أدهم، أنا أبو جعورة، تمام يا آنسة جودي، اتفضلي. جودي، حست إنها ضيقته جامد وزعلت من نفسها، تمام، ياللا بينا. ركبوا العربية. جودي، بصتله لقيته وشه مضايق وبيجري بسرعة رهيبة.

جودي، أدهم ممكن تهدي السرعة شوية. جودي، لا قلبي هيقف، أقسم بالله، عشان خاطري. أدهم، مش سامعها، مفيش في دماغه غير إهانتها ليه قدام أخواته. أدهم، اتفضلي انزلي، وصلنا. شالت أيدها من على عينيها، الحمد لله يارب، ونزلت جري، طلعت لنور. أدهم، ماشي يا جودي، أما أوريك. جودي، لو سمحتي، هي مدام نور ودكتور أحمد فين؟ الممرضة، تحت في قسم النسا. جودي، هو الجنين حصله حاجة؟ الممرضة، لا أبدًا، بيطمنوا عليه بس. جودي، تمام، شكراً ليكي.

أدهم طلع لقي جودي واقفة في شباك غرفة نور. أدهم، هما فين؟ جودي، تحت بيطمنوا على ولادهم. أدهم، أي ولادهم دي؟ جودي، مهما، اتنين. أدهم، امممم. جودي، افتكرت أدهم آخر مرة عمل فيها إيه وهو في غرفتها، خافت ورجعت بصتله. أدهم، في إيه، بتبصيلي كده ليه؟ جودي، طلعت تجري، فتحت الباب وخرجت. أدهم، دي مجنونة. نور وأحمد طلعوا غرفتهم. نور، إيه ده جودي، إيه اللي مقعدك بره، كنتي استنيني جوه. جودي، أخوكي جوه.

نور، ويعني إيه، مش خطيبك وابن عمك، يعني عادي تقعدي معاه. جودي، لا، إحنا فركشنا. أدهم سامع كلامهم، لأنه كان خارج وحب يفرس جودي. أدهم، آه، مفيش نصيب. جودي، زعلت جدًا من رده. جودي، بدموع، هتمشوا إمتى عشان بابا وماما وحشوني، ورايحة أزورهم. نور، داخلة أغير هدومي وهنزل معاكي، وأحمد هيجيب شنطتي وحاجتي وييجي معانا. أدهم، طب ياللا بينا. نزلوا وراحوا المقابر. جودي، أول ما راحت عند قبر أبوها وأمها، انهارت.

جودي، سيبتوني ليه، أنا محتجاكوا أوييي، وقعدت تعيط. أحمد، حضنها جامد، جودي اهدي، اهدي يا روحي، هما إن شاء الله في مكان أحسن. أدهم، نفسه يحضنها ويصبرها، بس مينفعش. نور، اهدي يا جودي، ياللا يا أحمد، كفاية كده، جودي منهارة. نور، روحوا البيت. محمود واقف يستناهم هو وزين في القصر. زين، أول ما شاف نور، طلع يجري عليها، وأخدها في حضنه. نور، وحشتني أوي يا زين، وقعدت تعيط. زين، حمد الله على السلامة يا قلب زين.

أحمد، إزيك يا ابن عمي. زين، ياااه، أخيرًا شوفتك تاني يا أحمد. أحمد، بقيت جوز أختك، يعني هتشوفني عالطول. زين، اتجوزتها بسرعة، حتى مستنتوش أجي. أحمد، معرفش يرد عليه. أدهم، ياللا يا جماعة، هنفضل واقفين كده، ياللا ندخل. جودي دخلت القصر ومعبرتش عمها. أحمد، شافها وزعل. أحمد، جودي رايحة فين، استنى نتغدى معاهم. جودي، لا، مش جعانة. أحمد، طب أنا طالع معاكي. أحمد، طلع مع جودي غرفتها.

أحمد، هو أنتِ مبتكلميش عمك ليه، وفركشتي الخطوبة ليه؟ جودي، عشان دول كانوا هيموتوك. أحمد، على فكرة يا جودي، لو كان أدهم عمل اللي عملته في نور فيكي، أكيد كنت هضرب عليه نار، عشان ده شرف أختي، مفيهوش هزار. جودي، لا، أنت اتجوزتها وصلحت غلطتك، يعني خلاص. أحمد، بردك كنت هقتله، عشان خاطري، أنا صلحت غلطتي، وهما اتأسفولي عن اللي عملوه، خلاص، ربنا غفور رحيم، عشان خاطري حاولي تصلحي علاقتك بأدهم، عشان بيحبك بجد.

جودي، تمام يا حبيبي. أحمد، والله ما حسيت إنك اختي، إلا أما خدت الرصاصة دي، الله يباركلك يا أدهم. جودي، يا عم أنت هتسوق فيها. أحمد، أيوه، اللماضة رجعت أهي، ياللا بقي انزلي معايا نتغدى تحت معاهم. جودي، تمام، ماشي. نزلوا كلهم يتغدوا. أدهم، والله لهوريكي يا جودي، بوي بعد إذنك، أنا عايز أخطب جنا جارتنا. جودي، اللقمة وقفت في زورها. أدهم، قام قبلها مايه، خدي اشربي، كلي براحة. جودي، وأنت مالك؟

محمود، ربنا يسهل يا ولدي، هكلم أبوها وأشوف رأيه. محمود، فاهم أدهم ابنه. زين، بعد إذنكوا يا جماعة، هقوم عشان أشوف العيادة اللي هفتحها. جودي، ممكن أجي معاك يا دكتور زين، أهو إحنا هنبقى دكاترة زي بعض. أدهم، في سره، اعمل فيكي إيه، كل أما أجي آخد طاري بتفرسيني أكتر. زين، ماشي يا دكتور، جودي قومي ياللا. جودي، قايمة وعينيها جت ع أدهم، بتبص لقت عينيه كلها شر. جودي، عن إذنك يا أحمد. أحمد، ماشي يا قلبي.

جودي، ركبت مع زين، وهما ماشيين بالعربية، راجعين، عربية وقفت مرة واحدة، عربيته اتدمرت. صاحب العربية، خرج يبص ع عربيته. جودي وزين، خرجوا. جودي، أنت حيوان، في حد يقف مرة واحدة كده؟ زين، ده أنت لو أعمى مبتشوفش. صاحب العربية، أنت بتشتمني يا تيت. المشكلة كبرت، راحوا القسم. جودي، الحق يا زين، ده أدهم الظابط النبطشي. زين، طب كويس، أكيد هيبقى معانا. جودي، ربنا يستر، قلبي بيقولي هيقتلنا. أدهم، بخضه، خير، في إيه؟

صاحب العربية، خبطوا عربيتي ياباشا وضربوني. جودي، تصدق إنك حيوان. أدهم، بزعيق، آخرسي خالص، اللي هسمع صوته من غير ما أسأله، هرميه في الحجز. جودي، لزين، مش قولتلك. أدهم، بص لزين، عملت إيه؟ زين، أنا ماشي عادي، وهو اللي وقف فجأة. صاحب العربية، محصلش ياباشا. جودي، تصدق إنك كذاب، وأنا هربيك، وراحت ضرباه بالقلم. أدهم، تمام يا أمين محمد، خدهم كلهم ارميهم في الحجز. جودي، حجز مين يا أدهم؟ أمين محمد، اسمه أدهم باشا يا بت انتي.

جودي، بصت لأدهم، ماشي، ماشي يا أدهم، والله لهوريك. أدهم، بزعيق، إحنا هنلعب مع بعض، يالا يا ماما ع الحجز. زين، دي بنت عمك، عيب كده يا أدهم. أدهم، لا، مهو أنت كمان هتشرفني في الحجز. زين، اللي أنت شايفه يا أدهم باشا. دخلوا كلهم الحجز. جودي، بتبص حواليها، إيه الستات اللي شكلها غلط دي؟ واحدة منهم، الحقوا يانسوان، دي بتغلط فيكوا. جودي، أنا آسفة والله، ابعدوا ابعدوا، الله يستركم.

لا، إحنا عايزين نتفضح ونعلم عليكي، وقاموا عطوها علقة موت. أدهم، قلبه وجعه ع اللي عمله، بس قال لنفسه، لازم أربيكي يا جودي. وبعد ساعتين، نده ع الأمين. خرج كل اللي جايين في خناقة العربية. خرج صاحب العربية بعد ما اتفق مع زين جوه إنه هيتنازل وياخد تعويض عشان جودي تخرج. صاحب العربية، أنا هتنازل ياباشا عن المحضر. أدهم، يعني خلاص هتتصالحوا؟ جودي، خرجت مش قادرة تقف ع رجليها، ومناخيرها بتنزف. زين، مين اللي عمل فيكي كده؟

أدهم، سمع زين وبص عليها، فجأة قام وقف. أدهم، إيه اللي حصل؟ جودي، محصلش حاجة، ااااه. أدهم، تعالي معايا، وشد أيدها عشان يدخل الحجز. جودي، شدت أيدها منه. جودي، قلتلك محصلش حاجة، وقفل المحضر، ياللا عايزة أتزفت أروح. أدهم، عالعموم، أنا هعرف بطريقتي مين اللي عمل فيكي كده. جودي، خلصنا، ياللا عايزة أمشي. أدهم، قطع المحضر وسابهم يروحوا. جودي، طلعت أوضتها، أخدت شاور وجهزت شنطتها عشان تسافر. فجأة الباب خبط. جودي، مين؟

أدهم، أنا، ممكن أتكلم معاكي تحت حبة في الجنينة. جودي، لا، هنام. أدهم، معلش، اسمعيني. جودي، قولتلك لا، وامشي عشان عايزة أنام. أدهم، عشان خاطري، ورحمة أبوكي وأمك. جودي، مش عايزة أتكلم معاك، وفتحت الباب، امشي. أدهم، والله آسف، بس أنتِ غلطتي، وأنا في شغلي واحد تاني، أنا عرفت اللي عمل فيكي كده، والله أخدتلك حقك.

جودي، آسف ع إيه، تحطني مع ستات شمال وتقولي آسف، أعمل بيها إيه، أنا كنت خلاص هقولك نرجع لبعض، لقيتك بتقول هتخطب، واجيت أخرج أغير جو عشان أنسى غيرته في الحجز بسببك، أنت شايفني زيهم. أدهم، أنتِ بتقولي إيه؟ جودي، أيوه، دايماً بتحسسيني بكده، اتفضل انزل يا أدهم باشا، عشان عايزة أنام.

أدهم، أنا بحبك من يوم ما شفتك، ودائماً شايفك إنك مراتي وأم عيالي، أنا فقدت أعصابي ودخلتك الحجز عشان مسمعتيش كلامي، قولت هخطب عشان أفرسك زي ما بتفرسيني، وراح مطلع المسدس وحطه ع دماغه. أدهم، لو مسمحتنيش، هضرب نفسي، حاكم أنا متهور ومش بعرف أمسك نفسي. جودي، امشي يا أدهم. أدهم، شد الزينات بتاع المسدس وبيحطه ع دماغه.