رواية ابن عمي الفصل الحادي والستون 61 - بقلم اميرة محمود

عايز مني إيه؟ أنا ماكنتش أتصور إنك بتكرهني كده. عايزني أنزل بنتي؟ أنا طول عمري ماليش اخت وفرحت أول ما عرفت إني هجيب بنوتة، قولت هتبقى صحبتي واختي وبنتي. نور بدموع: بس أنا مش عايزاه. ليه؟ عملتلك إيه يا محمد؟ كفاية أدهم علينا. نور: في إيه يا محمد وبتعيط ليه؟ محمد: البيبي ده ممكن تموتي بسببه. نور بصدمة: إزاي؟

محمد: إنتي قلبك تعبان، والعصير اللي بديهولك كل يوم ده فيه علاج، وماما قالت إن البيبي فيه خطورة كبيرة على حياتك. وأنا مش عايز أفهمي بقى. نور: بس أنا عايزاها بردك يا محمد. متخافش والله العظيم ما هيحصل حاجة. زين: طب اتصل بمحمد. محمد: أيوه يا خالو. زين: محمد، أنا عايز تحاليل ضروري لنور. ممكن ترجع عشان لازم أطمن على الأنيميا وعلى الضغط وأشوف فيه سكر ولا لأ، عشان نمشيها على نظام لحد ما تولد.

محمد: يا خالو، لازم البيبي ينزل. زين: خلاص، لو عايز تنزله روح لدكتور غيري. أنا مش هبقى سبب في موت حد. محمد: أنا هدور على دكتور تاني يا خالو. وشكراً ليك لحد كده. سلام. نور: أنت مصمم ليه كده؟ محمد: عشان مش عايز أخسرك. فكري كده، أنا هعيش من غيرك إزاي؟ وابنك هيكمل حياته من غير أم إزاي؟ وأبوكي اللي أول ما عرف وقع في الأرض مغمي عليه، وأمك وكلنا عايزينك. نور عيطت جامد: محمد، مش قادرة يا محمد. ده خيار صعب.

محمد: عشان خاطرنا يا نور، تعالي نروح لدكتور وننزل البيبي عشان خاطري. نور حركت دماغها باه ومشت معاه. راحوا لدكتور ينزل البيبي. *** عز وحور في الجامعة. حور: زيزو حبيبي، هموت من الجوع. عز: تعالي نروح ناكل في مطعم ونغير جو. ما نروحش على طول، المفروض متجوزين أول امبارح، مش عارف إصرارك ليه نروح الجامعة. سارة صحبت نور جت فجأة عليهم. سارة: والنبي، في عرسان متجوزين بقالهم يومين يجوا الجامعة؟

عز: قولي لها، والنبي ده أنا كنت هموت. يوسف صاحبهم: وإيه؟ قول قول. سارة خبطته بالكشكول اللي في إيدها: أنت دماغك قذرة. عز: حصل. يوسف: طب كنت هتموت وإيه؟ عز: وأنا يا خفيف. سارة: ههههه. حور: زيزو يلا بقي نروح المطعم، أنا هموت من الجوع واللهي. يوسف: روح يا عم أكلها بدل ما تاكلنا. حور: نييييي، ما باكلش بني آدمين. باكل حيوانات، يعني ممكن أكلك لوحدك يا يوسف. سارة: شايفه دراعه مغري إزاي؟ أنا هاخد واحد وإنتي التاني.

يوسف بصلهم وهو مبرق: هتعملوا إيه؟ وطلع يجري. حور: هههههه، كان هياخد حتة عضّة. سارة: والله ما سيباه، أنا راحة وراه ولازم أعضّه. عز واقف وبيبص لحور جامد. حور: مالك؟ عز: ينفع الهزار ده يخف شوية؟ حور: أممم، بس ده يوسف. عز: هو يوسف ده مش راجل؟ حور: اممم، فهمت. أنا آسفة خلاص والله. عز: ماشي، يلا بينا. حور حركت دماغها ومشت معاه. *** أحمد وايان. أحمد: الو، القمر معايا. ايان: لا، النجوم يا ظريف.

أحمد: أول ما بكلمك بتقفلي. أقسم بالله. ايان: ماشي، معتش تتصل تاني. أحمد: مقدرش، لازم أسمع صوتك قبل ما أمشي. ايان: هو أنت ماشي؟ أحمد: آه، راجع الكلية. ايان: هو لازم تبات هناك؟ أحمد: المشوار طويل، فالأحسن أبقى هناك. ايان: اممم، ماشي. ربنا يوفقك. أحمد: كان نفسي ألبسك دبلتي قبل ما أمشي. ايان: كل تأخيرة فيها خيره. أحمد: يارب. ايان: تعرف إن نور صعبانة عليا أوي. صعب إن الواحد يبقى في بطنه حتة منه ولازم غصب عنه ينزلها.

أحمد: فعلاً، هي في اختيار صعب جداً. ربنا يستر ويعدي اللي هي فيه على خير. ايان: يارب يا حبيبي. أحمد: عارفة الكلمة دي كنت هموت وأسمعها من زمان، من أيام المكرونة والفراخ المشوي. ايان: أنا كنت بحبك من قبلها على فكرة، من أول ما وعيت على الدنيا وأنا بحبك. أحمد: أنا يومها بصيت في عنيكي حسيت إني دايب في جمالهم وسحرهم. بس كنت بحب أغلس عليكي، كنت بحبك وإنتي متنرفزة بردك. ايان: ماشي، هقفل لحسن مامي شكلها بتفتح الباب.

أحمد: أوك، سلام يا حبي. ايان: باي يا حبيبي. *** أدهم وجودي. أدهم: أنا حاسس إني مخنوق، خايف أوي عالبنت. مش قادر. طول ما أنا في الشغل قاعد تايه. جودي: ربنا يستر. محمد بيقول إنه هيدور على دكتور ينزل البيبي. أدهم: أنا زعلان عليها إنها هتتكسر بنفسها أوي. جودي: أنا خايفة أقول يسيبوا البيبي، وإن شاء الله ربنا مش هيخسرنا في نور، بس قلبي مش مطاوعني. خايفة أخسر بنتي.

أدهم: ياااارب، أنت الوحيد اللي قادر على كل حاجة. يارب متخسرناش يارب، خليلي بنتي يارب. خدني قبلها. متدوقنيش نارها. جودي بدموع: بعد الشر عنكم. ربنا يخليكوا ليا. *** محمد ونور. محمد: أنا هتصل ببابا، أكيد هيعرف دكتور كويس. نور: ماشي. محمد: أيوه يا بابا، إحنا عايزين دكتور نساء وولادة يكون كويس عشان ينزل البيبي. أحمد: قررتوا خلاص؟ محمد: لازم يا بابا. أحمد: نسيتوا إرادة ربنا إنها فوق أي شئ. محمد:

بس ربنا قال: "ولا تلقوا بأيديكم إلى التهلكة". أحمد: أنا عارف، بس اصبروا يا حبيبي. إن شاء الله ما هيحصل حاجة. محمد: بابا، إحنا قررنا وخلاص، مش عايزينها. أحمد: خلاص، هبعتلك على الواتس رقم دكتور كويس جداً. محمد: ماشي يا بابا، سلام. نور: محمد، أنا خايفة، بلاش ننزلها يا محمد. محمد بزعيق: نور، اسمعي الكلام بقى. أنا قاعد من شغلي وعمال ألف معاكي عشان نخلص من المصيبة دي. افهمي بقى، مش هينفع. قولتي. نور بصت حواليها

لقت الناس بتبص عليهم: على فكرة، إحنا في الشارع. إنت فرجت الناس علينا. خلاص يا محمد، أنا مش عايزاها. ويلا بقي عشان نخلص من اللي إحنا فيه. محمد: أنا آسف، بس إنتي اللي خرجتيني عن شعوري. كل شوية: لا مش هنزله، وبعدين أقنعك، وبعدين مش هنزله بجد. أنا تعبت. اهو بابا بعت عنوان الدكتور، يلا بينا. نور بدموع: ماشي يا محمد. *** عند الدكتور. الدكتور: يعني قررتوا ينزل؟ محمد: آه.

الدكتور: ماشي، بس كمان ساعتين بالظبط تكوني جاهزة يا مدام. نور بدموع: حركت دماغها بأه. محمد قلبه كان بيتقطع على منظر نور، بس هي عنده أهم من البيبي. عدى الساعتين، نور حضرت نفسها. نور: لو ملناش نصيب نشوف بعض تاني، عايزة أعرفك إنك أكتر واحد حبيته في الدنيا. وقول لبابا إني بعشقه.

وقول لأدهم: "مامي كانت بتحبك، ووريه صوري على طول عشان مينسنيش". وقول لماما متزعلش إني سبتها، كان غصب عني. قولهم كلهم إني بحبهم. بس قلبي مش مسامحك يا محمد. الممرضة دخلت بالسرير اللي عليه نور أوضة العمليات. محمد فضل يعيط جامد. محمد: والله غصب عني، وإنتي هتخرجيلي كويسة يا نور، سامحيني. نور في أوضة العمليات عمالة تعيط.

الدكتور: متقلقيش يا حبيبتي، والله جوزك وافق إنك تعملي العملية دي عشانك. لو مكنش بيحبك كان ساب البيبي. افردي إيدك يلا عشان تاخدي حقنة البنج. العملية مش هتاخد ربع ساعة عشان منطولش عشان قلبك. نور فردت إيدها بدموع، والدكتور عطاها حقنة البنج. نور غمضت عينها واستسلمت.

محمد بره افتكر كلام نور إنها ممكن تموت، وإنها لو ماتت مش هتسامحه. وافتكر كلام أبوه وخاله زين إن ممكن تعيش هي والبيبي. خلي بس أمله في ربنا كبير. محمد دخل جري أوضة العمليات. الدكتور: في إيه؟ مينفعش كده. محمد: لا، مش هنزله. وابعدوا عنها. الدكتور: بس إحنا خدرناها، قدامها ربع ساعة على ما تفوق. محمد: ماشي، أنا هقعد معاها الربع ساعة، مش هسيبها. الدكتور: خلي أملك في ربنا كبير، وإن شاء الله هتقوملك بالسلامة هي وبنوتتها.

محمد: نور حبيبتي، فوقي. فوقي يا قلبي، فوقي.