رواية ابن عمي الفصل السابع والأربعون 47 - بقلم اميرة محمود

بعد ما روحوا بابا، أنا موافقه اتخطب لحسين. لا، انتي اتجننتي صح؟ ملكش دعوه يا إيان، انتي صغيرة عالكلام ده، اتفضلي روحي اوضتك. إيان، معلش اسمعني دي مبتحبهوش. أنا قولت إيه، اتفضلي روحي اوضتك. ماشي يابابي. متأكده ياحور؟ اه. طب وعز؟ عز ابن عمتي مش أكتر. خلاص ماشي، أنا هتكلم مع مامتك ونحدد الخطوبة مع خالتك. ماشي يابابي. طب أنا رايح اوضتي أنام، تصبحي على خير. وانت من أهله يابابي. *** محمد ونور.

وصلنا الحمد لله، أخيرا محدش هيخبط علينا. بس والله هيوحشني. طب والله وأنا كمان. ياسلام، مش مصدق. لا صدقي، أنا لو كنت بحبه قيراط فأنا دلوقتي بحبه 24، كفاية اللي عمله عشاني. انتوا هتفضلوا كتير واقفين، يلا ادخلوا. انت جيت إزاي؟ بعربيتي. بابي حبيبي. أنا تعبان وطالع أنام. استنى. إيه؟ شيل الشنط، طلعها. ماشي ماشي ياخالو. تعالى ياحبيبتي نروح مطعم أعشيك. ماشي يابابي. *** نور وجودي.

ادهم راح الشغل قال في مهمة ولسه مرجعش، قلبي واكلني عليه. ربنا يستر وميكنش حصل اللي في بالي. إيه، اتجوز؟ استني، محمد بيرن. أيوه يا ماما. وصلتوا ياحبيبي. آه الحمد لله، وأخوكي ربنا يحميه أخد مراتي وعازمها على العشا بره. يامصبتي، انت بتكلم بجد؟ في إيه؟ البنت حصلها حاجة؟ جوزك الشملول راحلهم واخد نور يتعشوا بره. ده اتجنن رسمي. طب اقفل ياحبيبي وأنا هتصرف. ماشي يا ماما، سلام. أما مش لاقية حل لأدهم والله، تعبت.

تعبتي مين، ده هطق، أنا هكلم أحمد يشوفله حل أو بابا. أنا والله مالاقية حل، ده عايز مستشفى المجانين. *** ادهم ونور. يووه، أمك غلبت ترن والله مانا رادد. بس يا بابي، فاتها قلقانة عليك. طب تعالي نطلع ننام وبعدين الصباح رباح. طب ممكن بعد إذنك أطمن على محمد. تعالي ندخل نشوف. دخلوا لقوا محمد قاعد قدام التلفزيون. خالو عايزك. مالك يامحمد؟ انت جوزتني بنتك ليه؟ عشان حاسس إنك بتخاف عليها وبتحبها.

طب ليه أنت جيت، مش المفروض ده أسبوع عسل، مش شهر كمان، جيت تخربلي الأسبوع اللي المفروض أبقى أنا ومراتي فيه بنعيش أجمل أيام حياتنا مع بعض. محمد مسمحلكش تكلم بابي كده، وثم أنا أعيش أجمل أيام حياتي وأنا مع بابي. طب تمام، أنا ماشي وخليني هنا مع باباك. استنى يا محمد. محمد مردش عليه وسابه ومشي. نور زعلت إنها كلمت محمد كده وطلعت غرفتها تعيط. *** تاني يوم في الجامعة. حور شافت عز عملت نفسها متعرفوش.

مالكم يابنتي، هو انتوا زعلانين من بعض؟ مفيش بينا حاجة أصلاً. انتي بتكلمي بجد؟ آه والله يابنتي، خلاص أنا أصلاً هتخطب لابن خالتي. دي الجامعة كلها كانت بتحسدكم. خلاص بقى يا سارة، يلا ندخل قبل ما الدكتور يجي. *** نور ومحمد وجودي. صباح الخير يا جماعة. محمد، نور بنتي فين؟ سيبتها مع أبوها هنا. طب سيبت مراتك ليه، مجبتهاش معاكم؟ ماما، أنا مطبق من امبارح في الطريق ومش فايق، أنا طالع أنام.

أنا رايحة حالا أشوف آخرتها إيه معاه، اطلع ياحبيبي نام وحقك عليا. ينام فين؟ انت إزاي تسيب مراتك وتمشي؟ كنت أخدتها معاك وكنت سبت خالك يتفلق. أنا مش هقف قصاد حد، وكمان هي اختارت أبوها، وسيبيني بقى عايز أنام. أنا ماشية ريحاله. *** زين وكارما وحور. مامتك كلمت خالتك وقالت إنها عايزة كتب كتاب عالطول والفرح في إجازة آخر السنة. ماشي يابابي. كتب الكتاب مفهوش هزار ياحور.

لا، أنا موافقتش، هنعمل خطوبة يوم الجمعة وشهرين واللا حاجة كتب الكتاب. ماشي يا مامي. حور متأكده؟ آه، عن إذنكم. وسابتهم ودخلت غرفتها. أنا هكلم بابا وإخواتي هقولهم. هنعمل الشبكة في الفيلا بتاعة بابي. ماشي يا زين. خلاص ماشي، أهي أحسن من البيت وأوسع. *** جودي راحت لأدهم. افتح يا أدهم. اهي أمنا الغولة وصلت. فتحت مامي، حمد الله على السلامة. ما مشيتيش مع جوزك ليه؟ وانت إيه اللي جيبك هنا؟ إيه، جاي لبنتي؟

انت معندكش دم ولا بتفهم في الأصول؟ اهو لو كان حد تاني غير محمد كان رما عليها يمين الطلاق وكانت اتفضحت، انت إيه؟ أنا تعبت منك، أنا ماعدتش بطيقك، انت إيه مبتفهمش؟ ادهم ضربها بالقلم. القلم ده عشان تفوقي وتعرفي إنك بتكلمي جوزك. عارف زمان أما ضربتني قدام الناس وسيبتني أمشي لوحدي ومسألتش فيه، أنا روحت في أنهي مصيبة؟

انت بتكرر كده تاني بس مع جوز بنتك، أحب أقولك إنك هتخلي الناس تتكلم على بنتك، وأنا ماعدش ينفع أفضل معاك وهتطلقني، يعني هتطلقني. بابي، ملكش في إنك تضرب مامي. محمد أما زعقله وقولتله إن سعادتي معاك مضربنيش، محمد سابني ومشي ومرضاش يغلط حتى فيك، أنا رايحة لجوزي يابابي، أنا بجد زعلانة منك، أنا رايحة معاكي يا مامي. جودي أخدت نور وبيفتحوا الباب. ادهم وقع مرة واحدة. الحقي يا مامي، بابي وقع.

جودي راحت له جرى، ادهم فوق يا ادهم، نور اطلبي الإسعاف. *** نور وأحمد. ابنك جه من الغردقة فوق لوحده. طب ومراته فين؟ نور حكتله اللي ادهم عملها. استنى، جودي بترن. الحقني يا أحمد، ادهم وقع في الأرض وروحنا المستشفى وشاكين في جلطة على المخ. طب اهدي وأنا جايلك أنا ومحمد، مسافة السكة. ماشي يا أحمد. في إيه؟ ادهم تعب وفي المستشفى. يامصبتي، طب وجراله إيه؟ مش عارف، أنا هروحله أنا ومحمد. هتيجي معايا. لا، عشان باباك ميحسش بحاجة.

طب أنا هطلع أنادي لمحمد. محمد يامحمد. في إيه يا ماما، أنا عايز أنام. خالك في المستشفى وتعبان أوي، تعالي روح مع بابا. ماشي يا ماما، نغير هدومي وأنزل حالا. *** أحمد وزين. أيوه يا زين. خير يا أحمد، مال صوتك؟ ادهم جتله جلطة على المخ وفي المستشفى، إحنا رايحينله. مستشفى إيه يا أحمد؟ مش هنا، في الغردقة، تعالي معايا أنا ومحمد رايحينله، وبالحق إحنا مخبين على الحاج محمود. ماشي يا أحمد، أنا جايلك حالا، سلام.

خير يا حبيبي، في إيه؟ ادهم أخويا جتله جلطة وإحنا رايحينله. طب استني هاجي معاك. مش هينفع تيجي معايا، هو في الغردقة واحتمال أبات هناك. خلاص ماشي يا حبيبي، ربنا يطمنكوا عليه يا رب. بقولك إيه، رأيك تاخدي البنات وتعالي باتي مع مامتك وبالمرة اسهري مع نور. خلاص أوك، ماشي، بس هو ادهم إيه اللي وداه الغردقة؟ والله ما أعرف، يلا أجهزوا بس بسرعة، الله يستركم. ماشي، هقول للبنات يجهزوا حالا. *** زين وصل لكارما قدام فيلا أحمد.

أنا هسيبلك مفاتيح العربية وهروح مع أحمد في عربيته، ادخلي انتي لنور. ماشي يابابي، سلام. سلام يا حبايبي. يلا يا زين. *** كارما. ازيك يا نور. الحمد لله. إن شاء الله هيبقي كويس. يارب يا كارما، ادهم ده عصبي جدا ولو زعل بيحصله حاجة، أنا خايفة أوي، اللي طالع عندي زيه، عز عصبي بس لو زعل ممكن يحصله حاجة. حور سمعت كده وقلقلت على عز. هي ماما فين يا عمتو؟ فففكارما. راحت هي وأبوك يرخموا على محمد ونور. هو انت كنت عايز حاجة؟

خلاص مفيش، أنا طالع أنام. طب اطلعي اندهي لجدك ولعز من فوق. اطلعي انتي يا حور وأنا هحضر العشا. ماشي. حور طلعت تخبط على عز الباب مكنش مقفول عشان أحمد كان لسه نازل من الأوضة. حور لقته نايم، دخلت تحرك في كتفه. عز ياعز. إيه ده، انتي إيه دخلك هنا؟ الباب كان مفتوح وعمتو قالتلي أدخل أصحيك. قالتلك أطلعي مش تدخلي. آه فعلاً، أنا آسفة، عن إذنك. عز شدها من إيدها. متعرفيش عمتو عايزاني في إيه؟

وهو بيشيلها شعرها ييجي على وشها، فضل يشيل شعرها من على وشها. حور ضربات قلبها بقت سريعة. اااعز. مالك؟ مفيش، سيب إيدي. تؤتؤ. على فكرة لو حد عدى من قدام الباب هيفهم غلط. عز شدها في حضنه، كده نسيبهم يفهموا غلط براحتهم. حور انسجمت في حضنه وتاهت وفجأة فاقت مرة واحدة وراحت ضرباه بالقلم. آه. على فكرة انت قليل الأدب وأنا هقول لعمتو، أنا نازلة. وسابته ونزلت. يخربيتك، أنا بحب مجنونة.

حور بعد ما نزلت أول تلت سلمات افتكرت إنها من ندهتش لجدها وراحت تندهله. جدو يا جدو. في إيه يا حور؟ تعالى انزل اتعشى معانا. ماشي يابتي، انزلي وأنا نازل وراكي. حور نزلت تكمل تحضير العشا مع إيان. مالك يابنتي بتضحكي ليه مش طبيعتك؟ مالي، مانا كويسة أهوا. طب ادعيلي بقى عشان خليتك تندهيله. هو مين؟ الميلامين. طب يلا بطلي لماضة وخرجي الأكل معايا بدالك، خلصت. أوك. خرجوا بالاكل على ترابيزة السفرة وقعدوا عشان يتعشوا.

أومال ادهم وجودي فين؟ ابنك أخد ماما وراحوا يقطعوا على العرسان يا جدعان. اوبااا، ده خالو ده عالميم. ادهم ولدي دماغه حديد ناشفة. بالحق ياماما. حور بصتله بخوف ليقول. عز بصالها وابتسم، أنا في رحلة الجامعة عاملها وهطلع معاهم يوم الجمعة. هو مش يوم الجمعة خطوبة حور؟ آه إن شاء الله. عز وشه اتغير مرة واحدة. حور بصت عليه وشافت تعبيرات وشه فحبت تغيظه. مامي، إحنا هنبات عند تيتا. آه ياحبيبتي، أصلها تعبانة شوية.

أصل اتفقت مع حسين ننزل سوا بكرة نجيب الفستان والبدلة بتوع الخطوبة. مش وقته ياحبيبتي، ممكن ناجل الخطوبة عشان تيتا تعبانة ياحور. حور حاولت تكتم الضحك على منظر عز وهو عمال ينفخ ومش طايق نفسه. ماما، أنا طالع أنام، وانت يا أستاذ أحمد لو سبت باب أوضتي مفتوح ونزلت تاني هعلقك عليها. أنا بنسي والله، أقفل. نستأذن إحنا بقى عشان ألحق أقعد مع مامي حبة قبل ما تنام، يلا يا بنات.

ماتباتي انهاردة معانا وروحي اقعدي مع مامتك اليوم كله بكرة. خلاص ماشي، بس هنبات فين؟ أوضة جودي بنتي فاضية، اطلعوا يا بنات فيها، عرفالهم يا عز وانتي يا كوكو تعالي اقعدي معايا في أوضتي. خلاص ماشي، اطلعوا يا بنات غيروا هدومكم. يلا يا حاجة حور. ماشي، متزقيش. الأوضة أهي، عايزين حاجة أنولهالكم؟ لا شكراً، يلا سلام. عز بيخيل على حور أصلي متفقة مع حسين نروح نجيب الفستان والبدلة بكرة. انت بتخيل عليه. آه، عندك مانع.

طب روح نام يا عز. روح نام حاف كده. أومال عايزها بالجبنة. عز بص في عينيها جامد، تعرفي إن عنيكي جميلة أوي. شكراً يا ابن خالي. ابن خالي بس. مانت اللي اخترت كده. أنا لو كنت اتهورت وخدتك وروحت لخالي أقوله جوزهالي فداه مش معناه إنك تشتميني. عشان انت حرقتني. حرقتك، تشتميني ياحور. مانا قولتلك آسفة وانت متقبلتش. تقومي توافقي تتخطبي لابن خالتك. آه، بيحبني. طب وانتي بتحبيه؟

مش لازم أكون بحبه، بس أكيد هيحترمني قدام الناس وأبويا أولهم. خلاص، اللي شايفاه، مبروك يا عروسة. انت سلبي، كان ممكن تقول حاجة تصلح كل حاجة. أنا مش هأهين كرامتي. كرامتك، يا عز، براحتك. وهتقفل الباب. استنى. نعم. في ورقة حد سابها لي على المكتب بتاعي، ممكن تقريهالي. وراح مطلعها من جيبه. مبعرفش أقرأ. أصل أنا قرأتها كده، اللهم اجعله خير. أنا آسفة، بحبك. وراحت قافلة الباب في وشه. أيوه بقى.