رواية ابن عمي الفصل الثالث 3 - بقلم اميرة محمود

احمد شال نور وطلعها غرفتها وقعد يفوق فيها. "اهدي بس، أي اللي حصل؟ أنا مش فاكر حاجة." نور قالت بصوت مبحوح: "اطلع بره، بره." وقعدت تصرخ جامد. كل اللي في البيت صحوا وقعدوا يدوروا الصوت جاي منين، لحد ما وصلوا لغرفة نور. لقوا نور قاعدة ع السرير ومغطية نفسها بالبطانية وشفايفها بتترعش جامد. جودي: "في إيه يا نور؟ وانتي عاملة كده ليه؟ احمد: "في إيه يا بنتي؟ فاطمة (أم جودي) : "مالك بس، اهدي."

محمد بينظر لأحمد، لقاه باصص في الأرض، ونور عمالة تعيط وتبص لأحمد. محمد: "احمد، لو سمحت تعالي ورايا." محمد دخل غرفته هو وأحمد. محمد: "هو إيه اللي حصل؟ احمد: "مش عارف، أنا كنت بتعشى معاها في المطبخ وبعدين... ومعنتش حسيت بنفسي. فوقت بعدها لقيتها هدومها متقطعة وكلها دم. شيلتها، طلعتها، وبعدين حصل اللي شوفتوه." محمد: "يعني إيه محستش بنفسك؟ دي ممكن أفهم؟ احمد: "والله ما عارف يابا."

دخلت فاطمه تصوت: "الحق يا محمد، البنت في حد اغتصبها! محمد ضرب ابنه بالقلم. محمد: "انت اغتصبت بنت عمك؟ انت عارف أي اللي هيحصل؟ هيبقي دم مالوش آخر، أخويا مش هيسكت! فاطمة: "يامصبتي! استحالة أحمد يعمل كده." وبصت لأحمد: "أوعى يا أحمد الكلام اللي أبوك بيقوله يكون حصل؟ احمد افتكر العصير وطلع يجرى عالمطبخ، وأبوه يجري وراه. فكرة هيأذي نفسه. لقاه جاب كيس العصير ومسكه. محمد: "هو إيه ده بقا؟

احمد: "بابا، كنت في عيد ميلاد ندا صاحبتي وعطيتني العصير ده وشربته أول ما أجيت. ده أكيد فيه مخدر." محمد: "وأنا إيه اللي يخليني أصدقك؟ انت فتحت أبواب جهنم علينا. عارف انت خنت الأمانة اللي عمك سابهالنا؟ وعلي صوته: "عارف أما بنت بتتغتصب في الصعيد بيحصل إيه؟ احمد: "والله يابابا مظلوم. أنا هودّي العصير ده معمل تحليل بتاع واحد صاحبي." محمد: "طب ونور هتتجوزها، مفيش كلام." احمد: "يابابا! محمد: "هنا مين؟

بقولك البنت انت ضيعت مستقبلها. أنا هطلع لها وأحاول أهديها عشان متحكيش لأخويا حاجة." نزلت فاطمه وقالت: "لازم تتجوزها يا أحمد. اللي انت عملته مصيبة كبيرة وفيها قتلنا كلنا." جودي قاعدة مع نور تهديها. جودي: "نور حبيبتي، اهدي وقوليلي مين عمل فيكي كده؟ نور قلبها هيقف من العياط. دخلت فاطمه عليهم. فاطمة: "جودي، روحي نامي وأنا هقعد مع نور شوية." خرجت جودي وهي منهارة ع بنت عمها.

فاطمة: "نور حبيبتي، أنا عرفت كل حاجة. والله يابنتي أحمد ما كان في وعيه، واحدة بنت حرام حطيتله حاجة في العصير وحصل اللي حصل. والله أحمد ابني محترم جدا، ماهواش كده." نور افتكرت أن أحمد كان في إيده كيس عصير وخلصه من هنا، وبعدين بقي واحد تاني. فاطمة: "أرجوكي يابنتي، أبوس إيدك متقوليش حاجة لأبوكي، وأحمد هيصلح غلطته ويروح يطلبك منه الصبح. ماشي يابتي؟ هيبقي فيها دم للركب. أبوس إيدك." ووطت ع إيد نور.

نور شدت إيدها بسرعة، راحت فاطمه حضناها وقعدت تعيط جامد وقالتلها: "قومي استحمي يابنتي، والله على عيني إني أشوفك كده." نور قامت ودخلت الحمام، وبصت للمراية وقعدت تعيط جامد على نفسها واللي حصلها. الكل دخل أوضة ومحدش عارف ينام. تاني يوم الصبح، جودي نزلت تفطر. لقيتهم قاعدين ومحدش بياكل، كل واحد سرحان. جودي: "بابا، عرفت مين اللي عمل في نور كدا؟ احمد قام جرى وقال: "ورايا عملية ضروري دلوقتي." محمد: "متنساش هنسافر بليل لعندك."

احمد: "ماشي يابابا." احمد مكنش وراه عمليات. احمد راح معمل التحاليل بتاع صحبه بكيس العصير. احمد: "لو سمحت، أنا عايز الدكتور هادي. أنا صديقه." السكرتيرة: "ثواني هقوله مين حضرتك." احمد منتظرش أنها تقوله، ودخل عالطول. هادي: "أهلاً، إزيك يا أحمد؟ السكرتيرة: "والله يادكتور... " شاورلها هادي بدماغه أنه خلاص. احمد: "أنا واقع في مصيبة وعايزك تشوفلي العصير ده فيه إيه ضروري." هادي: "يعني إيه ده مغلف؟

احمد: "أنا شربته وعملت مصيبة وعايز أعرف منه، ولا إيه؟ هادي: "مصيبة إيه يابني؟ خير؟ احمد: "مش وقته، عايز تحلله بسرعة." هادي: "طب اديني ساعة." احمد: "تمام." وسابه ومشي. فاطمة خبطت ع نور. نور: "مين؟ " وهي خايفة. فاطمة: "أنا وعمك عايزينك ياقلبي في كلمة." فتحت نور الباب. محمد: "انتي عاملة إيه دلوقتي يابنتي؟ نور: "تمام." محمد: "منزلتش ليه تفطري معايا زي كل يوم؟ نور بصتله بصه، محمد عنيه دمعت من كسرة بصتها. نور: "مليش نفس."

محمد: "أنا عارف إن اللي عمله أحمد صعب وميتغفرش، بس عشان خاطري يابنتي، ورحمة أمك، بلاش تقولي لأخويا حاجة. وأنا وأحمد هنروح نطلب إيدك منه النهارده. هنسافر شوية كده." نور: "وافرض أنا مش عايزة أتجوز أحمد؟ محمد: "خلاص، يبقى جواز مؤقت كام شهر وتطلقوا عشان بس اللي حصل. والنبي يابنتي متزعليني." نور: "خلاص ماشي يا عمي." فاطمة قامت باست رأسها وقالت: "ربنا يسترك يابنتي ويخليلك أبوكي." ونزلوا وسابوا نور.

فاطمة: "قومي استحمي يابنتي." نور قامت ودخلت الحمام وبصت للمراية وقعدت تعيط جامد على نفسها واللي حصلها.