رواية ابن عمي الفصل الثالث والأربعون 43 - بقلم اميرة محمود

أدهم، ده هو أصلاً بيعمل كده عشانها. اسكُتي، عايز أشوف آخرتها. نور بصت بصدمة على محمد. نور: ليه كده يامحمد؟ وحست إنها هتنهار ودموعها خانتها ونزلت. طلعت تجري عالحمام عشان محدش ياخد باله. محمد شافها. محمد: بقولك ياقمر، عن إذنك أنا داخل الحمام أحسن هموت. نور: طب روح. محمد راح لها قدام باب الحمام وفضل واقف قدام الباب وسامعها وهي بتنهار. محمد: افتحي يانور. نور مسحت دموعها وظبطت مكياجها وخرجت. نور: عايز إيه في كذا تيوت؟

على فكرة. محمد: إنتي متأكدة إنكِ ابن خالتك وابن عمتك بس؟ نور: ليه؟ هو انت كنت مفكر إنك حاجة تانية؟ عن إذنك. محمد شدها من إيدها. محمد: على فكرة أنا متأكد إنك بالنسبالك حاجة تانية. نور: إنت بتحلم. شيل إيدك وروح للي كنت بترقص معاها وابعد عني. أنا مش عايزة أشوفك كل شوية قدامي، فاهم؟ محمد: براحتك يانور. أدهم كان واقف يراقبهم من بعيد.

أدهم: برافو عليكي يانور. أنا والله ما عايز أكسر قلبك، بس أنا مستني محمد يقف على رجليه ويخلص. وخايف ليحصلك زي عمتك وأجوزك غصب عني. أنا لازم أعمل مسافة بينكم لحد ما محمد يخلص. أحمد: ابنك الشملول كان بيرقص مع اللي واقفة بفستان عريان دي. لو أجا تاني يقولي عايز نور. هادية باللي في رجليا لأنه محترمناش قدام الناس. نور: بجد؟ ومين اللي عزم سلمى وبنتها؟ عز: أنا ياماما. أما كنت في البحر عزمتها، بس مكنتش متأكد إنها هتيجي.

نور: فلحت طول عمرك ياعز. عز موبايله رن. نور: عز! أنا واقفة جنب الشجرة آخر الجنينة، تعالي عايزك ومتقولش لحد. عز: حاضر. وبعد دقيقتين كان عندها. نور: والله لهردهالك يامحمد. عز: في إيه يانور؟ نور: أنا عايزة ألعب معاك لعبة. عز: لعبة إيه؟ نور: أنا عايزة تبين قدام محمد إنك بتحبني ونقعد نضحك ونهزر مع بعض. عز: طب ليه؟ نور: أنا هقولك كل حاجة، بس احلف إنه هيكون سر. عز: ماشي. الفرح خلص والعروسة بتروح.

جودي: والنبي يامامي مش عايزة أروح في حتة. خدوني والنبي. محمد: هههههه. رجعتي في كلامك. حسام: يلا ياقمر، دخول الحمام مش زي خروجه. عز: البضاعة المباعة لا ترد ولا تستبدل. جودي: أخص عليكوا. يعني مش هوحشكوا؟ نور بنت جودي راحت حضناها. نور: والله هتوحشيني أوي. مش هلاقي حد أرغي معاه. عز: أومال أنا روحت فين ياقلبي؟ محمد: مالك يالا؟ متظبط. نور: ربنا يخليك ليا يا عز. محمد: 😡😡 حسام: يلا ادخلي ياجودي. هنفضل واقفين في الشارع كده.

أحمد: ادخلي ياقلبي وبكرة الصبح هنيجي أنا وماما ناخدك. صح؟ نور: صح يا أحمد. في سرها: بعد الشرجودي دخلت الفيلا والكل مروح. أحمد ساق العربية ونور جنبه. محمد وعز ونور في العربية التانية. نور: عز، حاسب. أنا هقعد جنبكم. محمد اتغاظ منها على الحركة دي. عز: طول عمرك قمر يانور. وبصراحة فستانك تحفة. نور: تسلم ياحبيبي. طول عمرك كلامك حلو. محمد: 😏😏 حبيبي؟ ماهي بتتقال أهي. عز: في حاجة يامحمد؟ محمد: ابدا. كملو. كملوا.

نور: كبر دماغك منه. المهم مبروك عالنجاح. عز: الله يباركلي فيكي. عقبال... محمد بصوت عالي: هااا؟ عقبال إيه؟ أنا عايز أعرف. عز: مالك يامحمد؟ واحد وحبيبته بيتكلموا، إنت مالك؟ محمد: وصلنا. انزلوا ومسمعش صوتكوا. عز موبايله رن، فخرج وقف بعيد يرد. نور مش عارفة تخرج بالفستان. محمد حس إنها مش عارفة تنزل، نزل يساعدها. محمد: نسيتيني عشان عز؟ ملقتيش غير عز.

نور سابته وجايه تمشي. قفلت باب العربية على الفستان، كعب الشوز اتعوجت وكانت هتقع. محمد لحقها وفضل واخدها في حضنه عمّا فتح باب العربية. نور بعد ماسرحت في عينيه فترة طويلة: شكراً. عن إذنكم. محمد ماشا إيده على شعره ونفخ. عز: هي نور طلعت؟ محمد: آه. عز: بالحق استنى. محمد: نعم؟ عز: هو إنت ونور شايفكوا عاملين تتكلموا مع بعض من الصبح وهزار وضحك. عز: نور دي أجمل بسكوته شفتها في حياتي. حاجة كده رقيقة وناعمة.

محمد: هو إنت بتحبها؟ عز: آه، بس خايف بابا ميوافقش عشان هي أكبر مني. محمد: طب وهي بتحبك؟ عز: آه، اعترفتلي إنها بتحبني. وعن إذنك عشان بترن. نور: أيوه ياعز، أخبار الخطة إيه؟ عز: وإنتي كمان وحشتيني أوي يانور. نور: هو جنبك؟ عز: آه ياحبيبتي. اتعشيت؟ اتعشي إنتي مع مامتك وباباكي. محمد: رزع باب العربية وطلع نام. عند حسام وجودي. جودي: بص بقي لو قربت مني ولمست شعرايه هولع في المكان. حسام: ياواد ياجامد. ده إنتي خطر.

جودي: حسام اسمع كلامي بدل ما أفرج عليك المنطقة. أخرج نام بره. حسام: بس ده سريري ودي أوضتي. أنام في أي حتة تعجبني. جودي: خلاص أنا اللي هنام بره عالكنبة. حسام: طب ليه كده؟ خايفة مني أوي كده ليه؟ جودي: اسمع كلامي، ياتنام هنا يا بره. حسام: أنا خارج ياجودي. هنام بره. بعد نص ساعة جودي خرجت لابسة بيجامة لونها أصفر كناريه وبتمشي على طرطيف صوابعها. حسام: في إيه؟ جودي: بسم الله الرحمن الرحيم. خضتني. إنت مش نايم؟

حسام: لا. خارجه ليه؟ جودي: جعانة. حسام: طب الأكل في المطبخ. تعالي ندخل ناكل سوا. جودي: ماشي. حسام: جودي ممكن أطلب منك طلب بكل هدوء. جودي: إيه؟ حسام: هنام معاكي في الأوضة. إن شاء الله على الأرض. بس عشان شكلي ميبقاش وحش قدام بابا لو صحي ولقاني نايم بره. جودي: خلاص، ماشي. بس احلف ما هتجيني جنبي. حسام: مش أنا اللي آخد حاجة منك غصب عنك. جودي: خلاص، ماشي.

محمد نايم على سريره بيتقلب مش عارف ينام. مسك الموبايل وبعت رسالة لنور. محمد: معقول نستيني بسرعة كده وحبيتي غيري؟ نور قرأتها ومردتش عليه عشان هي وعدت بابوها. محمد: براحتك يابنت خالي. براحتك. ربنا يهنيكي مع عز. لازم أبعد عنك خالص. بعد مرور عامين. جودي: مبروك يامحمد. نجحنا بتقدير. وإنت طلعت الأول عالدفعة. وأنا جيد جداً. محمد: بجد؟ جودي: آه. حسام لسه قايل لي حالا. إنت ممكن تتعين معيد بدل الأول. محمد: تمام.

القلب: أما أفرح مامتي. نور: خير يامحمد. تفرحني بإيه؟ محمد: طلعت الأول على الدفعة. وكده ممكن أبقى معيد في الجامعة. نور: مبروك ياحبيبي. طب وجودي متعرفش عملت إيه؟ محمد: جيد جداً. نور: طب والله الحمد لله إنها عرفت تنجح. وبنتها الزنانة على إيدها. الدراسة بدأت. نور: سلام يابابي. أنا اتأخرت أوي عالـمحاضرة. وانهاردة هنتعرف على دكتور جديد. يارب ميكونش رخـم. أدهم: طب سلام ياقلب بابا. نور دخلت وقفت قدام الباب مصدومة. محمد: نعم؟

نور: ممكن أدخل؟ محمد: انهارده أول يوم ليه تدريس. فلازم تعرفوا كلكوا طبعي من البداية. أما أدخل محدش يفكر يدخل بعدي. نور: بس أصل... محمد: لا بس ولا أصل. اتفضلي. اخرجي. طالب قاعد: ماتسيب القمر تدخل يادكتور. محمد: مش عايز أسمع نفس. نور خرجت محروجة من الموقف. محمد حرجها قدام زمايلها. محمد خلص محاضرته وهو خارج لقي الولد اللي كان بيعاكسها جوه خرج وبيكلمها. الطالب: آنسة. يا آنسة. نور: نعم.

الطالب: أنا نقلت المحاضرة بتاعة الدكتور كلها. خدي انقليها عندك. نور: متشكرة ليك جداً. محمد بص لها بطرف عينه ومشا. نور: أحمد. نور: أحمد. أنا خلصت كشوفات. أنا هنزل عشان أجيب هدية لي لي لي عشان عيد ميلادها النهارده. متنساش. أحمد: طب هاتي حاجة أقدمها لها معاكي. نور: ماشي ياحبيبي. سلام. أنا نازلة بقية. أحمد: ماشي ياحبيبتي. خلي بالك على نفسك. سلام. جودي: نور مالك؟ نور: مفيش. مخنوقة شوية. جودي: ليه؟

نور: أصل كان فيه دكتور انهارده ابن لذينة طردني عشان اتأخرت. جودي: متزعليش نفسك ياحبيبتي. وقومي اجهزي بسرعة عشان نروح عيد ميلاد لي لي. نور: ماشي. هخلص نقل اللي في إيدي وهقوم ألبس حالاً. جودي: ماشي ياحبيبتي. عز: إيه أخبار القمـر؟ حور: تمام والله. بس المحاضرة انهارده كانت طويلة وتعبت. عز: ده أنا كنت هموت. تعبت مين؟ حور: الحمد لله إنك معايا. عز: أجمل حاجة إن إحنا مع بعض. ربنا يخليكي ليا. هتقومي نروح العيد ميلاد يالا؟

حور: بابي هيجي ونمشي عالطول. عز: هو خالي لسه مجاش؟ اتأخر ليه كده؟ حور: اهو بيخبط. سلام بقي دي الوقت. عز: سلام ياحبي. كل ده ومحمد واقف وراه وسامع المكالمة ومفتكر بيكلم نور. العيد ميلاد. الكل حضر يحتفل بأول عيد ميلاد لي لي لي بنت جودي. عز واقف في البلكونة بيتكلم مع حور. عز: تعرفي وحشتيني جداً والله. حور: ياسلام. ده إحنا كنا مع بعض انهارده في الجامعة. وقعدين جنب بعض. عز: أصل بتوحشيني كل دقيقة وإنتي بعيدة عني.

محمد كان واقف جنب البلكونة وسمع الكلام ودخل لعز. محمد: حور، معلش ممكن تسيبنا لوحدنا. حور بإحراج: ماشي. عن إذنكم. محمد مسك عز من التيشيرت. محمد: هو إنت إيه ياأخي؟ ماشي ترسم كل شوية على واحدة من ولاد خلانك؟ عز: مين قالك كده؟ محمد: سمعت كلامك إنت وحور. أكذب بقـ؟ عز: مانا وحور فعلاً بنحب بعض. محمد: طب وبالنسبة لنور؟ كنت بتضحك عليها؟

عز: بص، على فكرة أنا مفيش حاجة بيني وبين نور. وعلي فكرة دي تمثيلية. هي كانت عاملاها عشان كانت متغاظة إنك كنت بترقص مع جوليا يوم فرح جودي. وحلفتني ما أقولك. محمد بصدمة: إنت بتكلم إزاي؟ إنت جاي بعد سنتين؟ أنا وهي حتى معدناش بنسلم على بعض. تقولي الكلام ده؟ عز: هي كانت حالفة لي. محمد: أنا مصعبتش عليك ياأخي؟ إنت إيه ده؟ أنا أخوك. عز: خلاص يا محمد. اللي انكسر يتصلح. محمد: تصدق أنا فعلاً مغفل. وخرج وقف وسط عيد الميلاد.

نور: أخدت بالها إن فيه حاجة بين محمد وعز. عز بعت رسالة لنور: محمد عرف كل حاجة. نور قرأتها وبصت لمحمد. لقيته بيبصلها. فهم إن الرسالة من عز ليه. نور: مامي، أنا عايزة أروح. لازم أرجع الكشكول بكرة ولسه مخلصتوش. جودي: استني يابنتـ... نور: في إيه يا جودي؟ جودي: أصل كان عندها دكتور رخم انهارده مرضاش يدخلها عشان متأخرة. حسام: عارفة. هو رخم بعقل. 🤣🤣🤣 جودي: طب حاول تتكلم معاه. قوله حرام كده. مينفعش. كل واحد وليه ظروفه.

حسام: هو سمعك خلاص. نور: خلاص يادكتور حسام. عن إذنك ياماما. وسابتهم وراحت تفتح الاسانسير لقت...