رواية ابن عمي الفصل الثامن عشر 18 - بقلم اميرة محمود

جودي: هتنَام جنبي؟ أدهم: أومال متجوز عشان أنام في حضن أبويا؟ جودي: خلاص ماشي، بس افتكر إنه مينفعش. أدهم: خلاص يا ستي اتخمدي. أدهم نام جنبها وفجأة شدها وأخدها في حضنه. جودي: أنت هتعمل إيه؟ أدهم: اظن إنك لو نمتي في حضني مفيهاش حاجة. جودي: خلاص ماشي، بس افتكر. أدهم: خلاص بقى، ده أنتِ قرفتيني يا شيخة. جودي سكتت ومردتش عليه. أدهم فضل حضنها ونام. تاني يوم الصبح. نور بتخبط عليهم. جودي: سيبني يا ابني، هو أنا هطير؟

أدهم: على فكرة سمعك. جودي: طب مش سامع الباب، قوم البس حاجة بدل ما أنت مبين عضلات أمك دي. أدهم: طب قوم افتحلها، شوفها عايزة إيه. جودي قامت فتحت لنور. جودي: صباح الخير. نور: صباح النور على أجمل عرسان، يلا انزلوا افطروا معانا. جودي: تمام، نازلين وراكي أهو. جودي دخلت وقفلت الباب ولبست الإسدال. وفجأة أدهم حضنها من ضهرها. أدهم: أخيراً أول حاجة أشوفها أول ما أصحى، أنتِ. وراح باسها في رقبتها. جودي: يلا ننزلهم.

أدهم: هو في إيه؟ أنتِ خايفة مني ليه من امبارح؟ جودي: لا مش خايفة، بس لازم ننزل حالاً عشان ميقولوش علينا حاجة. أدهم: طب ما يقولوا، إحنا عرسان. جودي: بس بقى يا أدهم، يلا ننزل. إحنا مش هنسافر الغردقة بكرة، تعالي نقعد معاهم اليوم كله. أدهم: ماشي، هلبس وأنزل وراكي أهو. جودي: لا انزل معايا. أدهم: طب استنيني وننزل سوا. جودي: ماشي، يلا. نزلوا وقعدوا كلهم على السفرة يفطروا.

نور جالها رسالة من مجهول: "جوزك صابر عليكي لحد ما تولدي وهيتجوز". نور قرأتها وقامت مرة واحدة. نور: عن إذنكم. أحمد: في إيه يا نور؟ نور: تعبانة شوية وطالعة أنام. أحمد: بس أنتِ مفطرتيش، هو مين اللي بعتلك الرسالة؟ نور: دي الشركة بيقولولي أجدد الباقة. أحمد: طب اقعدي افطري. نور بزعيق: قولت مش عايزة أفطر، هو أنت هتفطرني غصب عني؟ أحمد: عن إذنكم يا جماعة. اتفضلي اطلعي معايا. نور: ماشي. طلعوا غرفتهم.

أحمد بزعيق: ينفع تحرجيني قدامهم كده؟ نور: أنا حرة أزعق براحتي. أحمد: نور، لآخر مرة هقولك الرسالة فيها إيه. نور: أنا قولت. أحمد: طب تمام، أنا هاخد هدومي وهمشي. وأما تعرفي تتكلمي مع جوزك إزاي ابقي تعالي. نور: آه، روحلها يا أخويا، ماهي وحشتك. أحمد: مين دي؟ نور: ست هنا اللي أنت وعدها إنك هتجوزها أول ما أولد. أنا كنت حاسة بس كنت بكذب نفسي وأقول اتغير وبيحبني. أحمد: هي الرسالة كانت كده؟

نور: أنت مكنتش عارف تخليني أنزل البيبي إزاي، قولت أما أضحك عليها وأوهمها بإن بحبها. أحمد: أنتِ شايفه كده؟ نور: مفيش تفسير غير كده. أحمد: أنا ماشي يا نور ومش راجع عشان صدقتي واحدة فاضية بعتتلك رسالة ونسيتي كل اللي بينا. أما تبقي تهدي ابقي ارجعي، هتلقيني زي ما أنا. نور هدت وفكرت مع نفسها إن فعلاً ممكن تكون هنا بتوقع مابينهم. طلعت تجري وراه. نور: أحمد، استنى، خلاص والله آسفة، استنى. أدهم قام شد أحمد: رايح فين يا ابني؟

استنى واستهدى بالله. أحمد: لا، همشي ومش قاعد. زين: استنى يا أحمد، أنت عارف الحوامل دماغهم بتبقى طقة بسبب الهرمونات. أحمد بص لنور لقاها بتعيط وبتبص عليه. نور: أنا آسفة. أحمد راح خدها في حضنه: خلاص، حصل خير. نور: يعني مش زعلان؟ أحمد: لا. جودي: نور، في مايه نازلة منك. نور بتبص برهبة: إيه ده؟ زين: دي ماية الراس، يلا على العيادة بسرعة قبل ما المايه تنشف من عليكي. نور: متسبنيش يا أحمد.

أحمد: عمري ما هسيبك يا عمري، يلا بس بسرعة تعالي معايا عشان خلاص كده لازم ولادة حالا. جودي: ثواني، هطلع أغيرلها هدومها، تعالي معايا يا نور. في عيادة زين. نور داخلة العمليات. نور: أحمد، معلش ادخل معايا، متسبنيش. أحمد: ماشي يا قلبي، هدخل غرفة التعقيم واجيلك. زين: متسيبيش يابنتي دكتور التخدير يعطيكي الإبرة. نور: أحمد فين؟ مش هاخد بنج إلا وأحمد معايا. أحمد فتح ودخل: أنا جيت أهو يا قلب أحمد. نور: ممكن تمسك إيدي، متسبنيش.

أحمد مسك إيدها وقالها: غمضي يا نور، متخافيش. وقعد يقرأ قرآن في سره لحد ما نور غابت عن الوعي. أحمد واقف بيبص لزين وهو بيطلع ولاده من بطن نور وهو بيبكي. الممرضة: يتربوا في عزكوا يا رب. زين: أحمد، لو تعبت أخرج عمّا أقفل الجرح. أحمد: لا، هفضل معاها لحد ما تفوق. الممرضة: أنا هخرجهم لجدهم بره. أحمد: ماشي. الممرضة خرجت بالولدين. "يتربوا في عزك يا حج محمود". محمود: ما شاء الله، ما شاء الله.

جودي: أنا عايزة واحد، وأنت التاني يا عمو. محمود: أنا هأذن في ودنهم واحد ورا التاني. جودي خدت واحد من الممرضة. جودي: يا ربي، ده صغنون قوي. أدهم: ما شاء الله. جودي: تاخد تشيله؟ أدهم: لا، أخاف. جودي: مبيعوضش. أدهم: لا أخاف أشيله غلط. جودي: أومال هتعمل إيه مع ولادنا؟ أدهم: 😂😂😂 شكلهم مش ناويين يجوا. جودي: ليه بتقول كده؟ أدهم: 😂😂😂 أصلي عندي ظروف. جودي: بس يارخم. أحمد: نور، نور، فوقي يا قلبي. نور: احمم.

أحمد: قلب أحمد، حمد الله على السلامة. نور: آآآه. أحمد: معلش يا قلبي. نور: أولادي فين؟ أحمد: في السرير جنبك، هوريهوملك أهو. وراح جابلهم. نور: يا عمري، آآه، دول صغننين قوي. أحمد: عشان مكنتيش بتاكلي كويس. نور: هما كويسين. أحمد: آه، الحمد لله. أدهم: هتسموهم إيه؟ أحمد: هسمي محمد على اسم بابا. جودي: أنت بتتكلم جد؟ أحمد: على فكرة، نور هي اللي صممت تسمي على اسمك. جودي: والله طول عمري بعشقك.

أحمد: إحنا هنستعبط، أنتوا متعرفوش بعض غير من تسع شهور. جودي: لا، أعرفها من زمان، كنا بنكلم بعض عالنت، وأنا اللي خليتها تيجي تكمل معايا في القاهرة. أدهم: دول بيعيطوا مع بعض. نور: شكلهم جعانين. أحمد: هكلم الممرضة تيجي تشوفهم. أدهم: استنى، هخرج معاك، هكلم في الموبايل، مكالمة مهمة. جودي: مهمة؟ أدهم: أوي. جودي: ماشي يا أدهم، أما نروح. محمود: وأنا جايم أصلي المغرب، أصلها أذنت. كلهم خرجوا وسابوا نور وجودي لواحدهم.

نور: عقبالك يا جودي. جودي: بصراحة مش حاسة إني ممكن أخلف. نور: ليه بتقولي كده؟ أدهم كان داخل بس سمع جودي، فضل واقف يسمع اللي بتقوله لنور. جودي: أنا ضحكت على أدهم وقولتله إني عندي ظروف عشان ميلمسنيش. أدهم في سره: يابنت النور، ليه كده يا جودي. جودي: أنا خايفة أوي، مش عارفة أتغلب على خوفي، رحت كذبت. نور: الكذبة دي بالذات مبتعدش كتير، آخرها تلت أربع أيام. جودي: هبقى أفكر في كذبة تاني. أحمد: واقف كده ليه يا أدهم؟

أدهم: مفيش، كنت داخل، يلا ندخل. أدهم: يلا يا جودي نروح، أصل أنا تعبان. جودي: طب ونور؟ أدهم: نور هتروح شوية كده ومعاها أحمد وزين وبابا، يلا يا جودي. جودي: ماشي، سلام. في القصر. أدهم: أنتِ جعانة؟ جودي: لا. أدهم: أنتِ بتحبيني؟ جودي: في إيه يا أدهم؟ مالك؟ أدهم: ردي عليه. جودي: آه، بحبك. أدهم: طب أما يكون في حاجة خايفة منها، تقوليلي، وإلا تقولي لحد تاني؟ جودي: أقولك طبعاً. أدهم: طب ليه قولتي لنور ومقولتليش وكذبتي عليه؟

جودي: في إيه؟ أدهم: أنا سمعتك أنتِ ونور. جودي: آآآآد. 😭😭 والله كذبت عشان خايفة. أدهم: أنا عمري ما هاجي جنبك غصب عنك. جودي: يعني هتسيبني براحتي؟ أدهم: إحنا مش حيوانات، إحنا بني آدمين، وأكيد أنتِ في طب وفاهمة. جودي: طب أنت عايز إيه دلوقتي؟ أدهم: أنا... جودي: تمام، وأنا كمان هنام عشان سفرية الصبح، تصبح على خير. أدهم: وإنتي من أهله.