رواية ابنتي الصغيرة الفصل العاشر 10 - بقلم نور محمد ابراهيم

في ناس جايين علينا ومعاهم أسلحة كتير وبيضربوا نار علينا. الكل وقف واتصدم. زين وحسن خرجوا برا. وسليمان وأخواته جهزوا الأسلحة بتاعتهم. والبنات طلعوا مع رقية في أوضة. ملك: هو مين وعايزين إيه؟ ظهر واحد كبير ولابس عمامة على راسه وجلابية واسعة وعباية سودا وشكله يخض. سالم: عايزين سهام اللي خطفتها وهربت معاك يا ابن الأكابر. زين: دي بقت مرات زين القناوي واتكتبت على اسمي واللي يقرب منها هيشوف وشي التاني.

الراجل الكبير: مش غير شوشرة يا ابن الأكابر، إحنا ناخد بتنا ونمشي من هنا، وأنت هتطلقها وابن عمها صابر هيتجوزها. زين ضحك بسخرية: شكلك مسمعتنيش كويس، هقولك أنا، محدش يقدر يقرب من مراتي، سمعت ولا لسة؟ سليمان: انتوا جايين بعد السنين دي كلها تدوروا على بنتكم، إحنا معندناش بنات بالاسم ده، لو قصدك سهام دي بنتنا إحنا، ويلا وريني عرض كتافك. سالم بغضب: أنت بتعرف تقول إيه يا راجل! حسن وراحله وضربه بوكس في وشه وقعه في الأرض.

حسن: لما تتكلم مع أبويا تتكلم بأدب. ودارت معركة بينهم ورجالة سليمان انتصروا في الآخر وربطوا رجالة سالم وخدوهم على المخزن وسالم وابنه معاهم. ملك وسهام ورقية كانوا واقفين يتفرجوا وسهام قلبها مخضوض ومرعوبة من عمها وابنه. ملك: الحمد لله خلصنا من عمك وابنه، فاضل بس نسلمهم للبوليس ونخلص منهم خالص. سهام: قلبي مش مطمن أبداً يا ملك. رقية ربّتت

على كتفها بحب: متقلقيش يا بنتي، كله خير. وأنتي يا ملك روحي كملي شغلك، عندنا طلبيات كتير عايزين نخلصها. ملك بتفكير: إيه رأيك يا مرات عمي نشغل البت دي معانا وبالمرة نكسبوا فيها ثواب. رقية بإعجاب: كويس، روحي علميها وشغليها معاكي وحطوا إيديكم في إيدين بعض. سهام: أنتِ بتشتغلي إيه يا ملك؟

ملك بفخر: اتعلمت الخياطة وبقيت بعرف أخيط كل أنواع الموديلات والفساتين وبصدر للمحلات والمصانع في مصر. عمي سليمان ومرات عمي وزين ساعدوني وفضلوا معايا لحد ما بقيت لهلوبة. سهام: بسم الله ما شاء الله، كويس جداً. ملك: تعالي أعملك يلا وهنقي أحلى ضراير حلوين كدا. رقية: ربنا يخليكم لبعض يا حبايبي، يلا هروح أحضر لكم الأكل وأنتم يا ملك خليكي مع سهام. وسابتهم ونزلت تحضر أكل مع الخدامين تحت.

زين وحسن واقفين في المخزن وقدامهم سالم وابنه صابر. زين بجمود: مش ناوي تقول جاي ليه يا سالم؟ ومتقولش جاي عشان بنتك، أصل أنا مش قادر أصدقك بصراحة. سالم: فكني من هنا وخليني آخد البت وأمشي وأطلقها. زين عيونه احمرت من الغضب وراح ولسه هيضربه. حسن وقف في وشه: اهدى يا زين، هو بيحاول يستفزك، سيبهولي أنا وروح أنت وشوف البنات واطمن عليهم. زين بص له كتير ومشي. وحسن جاب كرسي وقعد وحط رجل على رجل وطلع سيجارة.

حسن: قولي بقا من غير لف ولا دوران، أنت جاي عايز إيه؟ سالم بإستفزاز: أنا قولت اللي عندي، آخد البت وأمشي من هنا. حسن: بس بس شكلك هتنورنا هنا شوية. وبص للبودي جارد اللي فهم نظرته وسابه. ولسه هيطلع سمع حاجة خليته واقف مكانه مصدوم. وزين طلع يطمن على البنات وخبط خبطة خفيفة على الباب. ثواني وفتحت سهام. سهام: عملتوا إيه؟ طمنوني. زين بص لها واتحرك وراح ناحيتها وهي بترجع لورا بخوف لحد ما اتكعبلت ووقعت. ملك جات وقفت قدامه.

ملك: فيه إيه يا زين؟ مالك؟ وإيه اللي حصل خلاك تقلب كدا؟ زين: قومي علشان تروحي مع عمك يلا. سهام بدموع: لأ يا زين بلاش.