رواية ابنتي الصغيرة الفصل الثالث 3 - بقلم نور محمد ابراهيم

حست ملك بحركة غريبة في الأوضة. بصت حواليها ملقتش حد، ورجعت بصت قدامها. لاقت اللي بيمسك شعرها من وراه. اتفزعت من مكانها وصوتت. المجهول حط إيديه على بوقها. بس زين سمع صوتها بتصرخ. زين بفزع: طلع لفوق وراح لأوضة ملك. شافها قاعدة في الأرض بتعيط وايديها مجروحة. زين بخوف وقلق: ملك، إيه اللي حصل؟ اهدي وفهميني، في إيه؟ ملك بعياط: حرامي، حرامي يا زين. كان معاه سكينة. وانهارت في البكاء.

زين أخدها في حضنه وطبطب عليها. شالها وحطها على السرير. سليمان دخل بقلق: مالها يا زين يا ابني؟ زين: في حد غريب دخل البيت يا أبويا. ملك شافته وهو معاه سكينة. ولولا إنها صرخت كان حصلها حاجة. سليمان بغضب: مين اللي اتجرأ ودخل بيت سليمان كبير البلد؟ وخرج لبرا ونادى على الحارس. سليمان: عثمان! انت يازفت. عثمان بتوتر: أيوه يا سعادة البيه. سليمان بصله

بحدة ومسكه من قميصه بغضب: انت كنت فين انت والرجالة اللي برا دي لما الحرامي دخل بيتي يا حيوان منك ليه؟ عثمان: مافيش حد دخل ولا خرج يا سعادة البيه غير علوان بيه والست مرته والواد الشيال اللي جابوه. غير كده محدش يقدر يدخل البيت يا بيه. سليمان: طب غور من قدامي دلوقتي. شدد الحراسة على البيت وبزيادة يلا. عثمان لف وجري من قدامه. سليمان راح يطمن على ملك. سيدة بزعيق: يعني إيه مقتلتهاش؟ أمال أنا بعتك عشان إيه؟

ابنها عمار: ملحقتش أعمل حاجة. أول ماشوفتها صرخت في وشي ومسكتها وكنت هخلص عليها بس مقدرتش. عوّرتها في إيديها وسبتها وجريت. سيدة: طب غور من قدامي دلوقتي. جاتك القرف، غور. علوان خرج على صوت زعيق مراته وسألها. علوان: مالك يا مرا؟ انتي بتزعقي في الواد ليه؟ سيدة اتوترت وخافت تقوله: لأ يا خوي مفيش حاجة. إني بعته يجيب طلبات للبيت ومراحش، فزعقتله بس يا خوي.

علوان بنظرة شك: متأكدة يا مرا انتي ولا ابنك عمل مصيبة حديدة وانتي بتداري عليه زي عوايدك؟ سيدة: لأ يا علوان معملش حاجة. هقوم أحضرلك الأكل. زين قاعد جنب ملك بيخيط الجرح اللي في ايديها. زين: استحملي شوية يا ملك خليني أخيطلك الجرح. ملك بدموع: بتوجعني يا زين مش مستحملة. زين بحنية وحب واضح وبريء: معلش يا حبيبتي، خلاص خلصت أهو. يلا قومي خدّي دش وتعالي علشان أكملك حدوتة الأميرة والوحش. ملك بإبتسامة: بجد يا زين هتحكيلي حدوتة؟

زين كان خلص الجرح وربطه كويس وباس كف ايديها. زين: بجد يا قلب زين. انتي متعرفيش انتي غالية أوي بالنسبة لي يا ملك. انتي بقيتي جزء مني. بحس إني عدى عليا يوم مش شفتكيش فيه بتجنن. مت وانتي صغيرة لسة كانت عيوني عليكي انتي بس. كنت بقول لنفسي انت كبير أوي عليها، زين مش هينفعك. بس لأ، ساعات بحس إن في حاجة جوايا بتشدني ليكي يا ملك. انتي ملكتي قلبي زمان من أول لحظة شوفتك فيها. واتنهد بحب صافي وقال: بحبك يا ملك، دا حت...

بيبص عليها لاقاها نامت على رجله. اتنهد بقلة حيلة وابتسم. زين: مش هتتغيري أبداً. بتيجي في اللحظات الرومانسية وتبوظيها بحركاتك دي. عدلها على السرير وشد الغطا عليها. اتأكد إنها نامت وباس جبينها ونزل. رقية: طمنّي يا ابني هي عاملة إيه دلوقتي؟ زين: متقلقيش عليها يا أمي، هي بقت كويسة. رقية: ربنا يطمنك عليها يا ولدي. سليمان نادى على زين. استأذن من رقية وراحله. سليمان بتساؤل: دخلت على بت عمك يا زين؟ أوعى تكدب على أبوك.

زين اتوتر ومبقاش عارف يرد بإيه، بس قرر إنه يعرفه بالحقيقة. وبص لابوه وقال...