رواية ابنتي اليهودية الفصل الحادي عشر 11 - بقلم سمية عامر

بص إلياس للدكتور وبرقله عشان ميتكلمش. فهد بص للشاشة بتاعت السونار وبرق. حاول الدكتور يداري، بس فهد شده بعيد وبص على إيرين اللي وقفت ورا إلياس بخوف من نظراته. إلياس بكل ثقة وغرور، وكأن مفيش حاجة: "إيه اللي جابك هنا؟ صرخ فهد في إيرين اللي باين منها عينيها: "انتي حامل من مين؟ انطقي! بصت إيرين لألياس وجسمها كله كان بيترعش. قرب فهد منها، اتعصب عليه إلياس وضر"به

بعزم ما فيه: "انت فاكر نفسك مين عشان تصرخ فيها كده يا ابن ال***؟ ردله فهد الضرب، وخد مجدي إيرين وخرجها برا عشان الجنين. ورجعوا يفصلوا بينهم. مجدي: "فهد، إلياس كفاية، انتوا أصحاب، عيب اللي بتعملوه ده." وقف مجدي بينهم وبعدهم عن بعض. جري فهد على برا. إلياس مسكها فهد من دراعها جامد، راح طلع إلياس المسدس وضر"ب نا"ر في الأرض: "ابعد ايدك ال"نجسة عنها." فهد بعناد: "حاول تبعدني لو قدرت."

اتعمى إلياس وضر"ب نا"ر على إيده، خلاه يبعدها، بس مجرحتهوش، خدشته بس. شد إلياس إيرين اللي كانت منهارة. "كفاية أرجوكم، أنا فيا اللي مكفيني... مش قادرة أستحمل أكتر من كده." بصت لفهد وعيطت: "أنا اتعرضت للا"غتصاب." اتصدم فهد وتنح: "إيه... انتي بتقولي إيه؟ امتى وفين؟ بصت إيرين لألياس بحزن ورجعت بصت لفهد: "يوم فرح رقية حد اعتد"ى عليا وأنا نايمة، ومقدرتش أقول لحد غير... غير أخويا الكبير."

غمض إلياس عيونه بألم شديد من كلمة أخويا، وأنها بتحاول تبعد التهمة عنه. فهد بحزن: "ومين عمل كده؟ أنا لازم أقت"له." إيرين: "معرفش هو مين ولا شوفته، عشان كده يوم الفرح كنت عايزة انت"حر. فهد، انت تستاهل الأشرف والأحسن مني، أنا منفعتكش. حتى الجنين مش هينزل لأنه كبر." قرب فهد منها، بس وجه إلياس السلا"ح في وشه: "لو قربت تاني هقت"لك بد"م بارد."

فهد: "أنا مستعد أتجاوزك ونربيه سوا، إيرين أنا بحبك، عمري ما بصيت لجسمك أو شكلك، أو حتى كان كل همي علاقة والسلام. أنا بحبك من أول يوم شوفتك فيه." إلياس بعصبية: "خلصت حديثك، خليه لنفسك. إيرين مش هتتجوز، فاهم؟ ولا أفهمك تاني." فهد بتحدي: "انت كل همك تحمي شرف أختك، انت ليه عايز تفضحها؟ شدها إلياس وركبها العربية من غير كلام وطلع بسرعة. وجري فهد وراه بسرعة بعربيته. إيرين: "ليه عملت كده؟ فهد كان هيساعدنا."

وقف إلياس فجأة واتكلم كأن نار هتطلع منه وقال بصوت جهوري: "انتي هتتجوززززززززيه.... ردي عليا...... عايزة تتجوزي فهد؟ خافت إيرين منه: "أنا مش عايزة أتجاوز.. مش عايزة أتجاوز، بس ده أعمل فيه إيه؟ (بتشاور على بطنها) شغل إلياس العربية وطلع على البيت، وفهد وراه. دخل إلياس وإيرين في إيده وكأن إعصار دخل. كان الكل جوه البيت بعد ما الضيوف مشيوا. نزل فهد من العربية ووقف برا يشوف إيه اللي هيحصل من الشباك. ...

الشيخ سليمان بكل قسوة ضر"ب إيرين: "يا فاجرة! حطيتي راسنا في الطين... مين اللي غلطتي معاه؟ اتكلمي قبل ما اقت"لك! بعد إلياس أبوه وشدها في حضنه: "محدش يلمسها. أنا... " قبل ما يتكلم، صوتت إيرين: "واحد اعتد"ى عليا. أنا مغلطتش مع حد. واحد اعتد"ى عليا وأنا مش دارية، كنت مش في وعيي ومعرفش مين هو. وإلياس كان بيساعدني. أنا هنا اللي اتظلمت وهو هرب وأنا بقيت المذنبة."

اتصدموا كلهم. بس رقيه اللي كانت بتبص من فوق دخلت أوضتها وقفلت الباب. الشيخ سليمان: "يبقى لازم تتجوزي أي حد يستر علينا كلنا.. فهد هيوافق يا إلياس؟ إلياس بعصبية وبدون وعي: "اللي في بطنها هيتكتب بأسمي أنا..........