رواية ابنتي اليهودية الفصل السادس 6 - بقلم سمية عامر

بصت ايرين لفهد بحزن ورمت جسمها برا الشباك. جري إلياس عليها بس ملحقهاش. اترعبوا كلهم ونزلوا تحت وأولهم إلياس وفهد. شالها فهد بسرعة وجري على العربية وركبها ورا وطلع بسرعة على أي مستشفى. وإلياس وراه بعربيته. كانت رقيه شايفة كل اللي بيحصل وانهارت من العياط: "حتى فرحي بوظته وخدت مني عيون الناس." فضلت تكسر في كل اللي حواليَّها وتعيط لحد ما دخل ياسر عليها وحاول يهديها. "رقيه اهدي اهدي في إيه."

"هي ليه مش راضية تسيبني أفرح حتى في فرحي. أنا بكرهها، بكرهها." "انتي بتتكلمي عن مين؟ "الإسرائيلية الملعونة. أنا مش عايزاها في حياتنا. مش قادرة أنسى اللي عملته معايا." حضنها ياسر وحاول يهديها وهو مش فاهم حاجة ولا عارف إزاي يتعامل معاها. في المستشفى، دخل إلياس وفهد بسرعة للدكتور يحاول يلحقها قبل ما تموت. وقعدوا برا وفهد في رأسه ألف سؤال يسأله. فهد بعصبية: "هتبدأ أنت ولا أبدأ أنا؟

إلياس بلامبالاة: "أنت عايز إيه مش فاهم." فهد: "إيه اللي بينك وبين ايرين؟ "وأنت إيه رأيك بيني وبينها إيه؟ فهد: "إيه اللي يخليها تنتحر وأنت قدامها؟ عملت لها إيه وتعرفها منين أصلاً؟ "أولاً أنا مش هبرر لك أي حاجة. وثانياً وده الأهم، ايرين مهمة عندي جداً أكتر ما أنت متخيل. حتى أنت عمرك ما هتعرف الصلة اللي بقت بيني وبينها."

فهد بعصبية قام ولكم إلياس اللي رد له الضربة ضربتين وفضل يضرب فيه وفهد يرد عليه لحد ما وصل الشيخ سليمان وإبراهيم والشيخ كامل اللي بعدوهم عن بعض. وفهد حاجبه بينزف دم وإلياس شفايفه اتعورت. الشيخ سليمان بعصبية: "إنتوا صغار على الكلام ده. كيف يعني بتتعاركوا قبالي أنا والشيخ كامل؟ إلياس بابتسامة خبيثة: "إحنا كنا بنتكلم بس والكلام خدنا." الشيخ كامل: "وفين البنية؟ بقيت كويسة ولا لأ؟

قبل ما يكمل كلامه، سابهم إلياس ودخل الأوضة بتاعت العمليات اللي فيها ايرين. الدكتور بعصبية: "أنت مين وإزاي تدخل كده؟ طلع إلياس مسدسه وبعصبية هدد الدكتور: "جرب تعلي صوتك مرة كمان وشوف هعمل فيك إيه." خاف الدكتور واتكلم بتوتر: "يا أستاذ مينفعش ده مكان عمليات.. والمريضة حالتها حرجة. دي حصلها هت"ك في جهازها التناسلي. في حد اغتص"بها. ودي جري"مة لازم نبلغ. وكمان كسر في مفصل إيديها الشمال ورجليها الشمال." "عمر إلياس

المسدس وحطه على راسه: "عارف لو حد عرف بموضوع الاغت"صاب ده هعمل فيك إيه. دي عروسة جديدة وطبيعي يحصل كده. أوعى تجيب سيرة الموضوع ده." الدكتور بخوف: "وأنت تقربلها إيه؟ جوزها؟ إلياس وهو بيبصلها: "آه جوزها. واقفل الموضوع. وجبس إيديها ورجليها من غير كلام كتير. اللي يسألك حصلها كسر فقط. فاهم؟ وافق الدكتور وفضل إلياس قاعد في أوضة العمليات لحد ما يخلصوا. كان فهد واقف بره متعصب إزاي إلياس دخل وهما مانعينه يدخل.

فضل يزعق فيهم لحد ما خرج الدكتور وقالهم الكلام اللي إلياس حفظهوله إنه كسر بسيط. فهد: "وهي فين دلوقتي يا دكتور؟ "في أوضة ٤٧٧. وأرجو متزعجوهاش لأنها مش هتقدر تتكلم." طلعوا كلهم والشيخ سليمان اللي قلبه كان بيدق. فتح فهد الباب لقى إلياس قاعد جنب سريرها وهي لسا نايمة. فهد بعصبية: "اطلع بره." إلياس: "مش هطلع وأنت اللي هتخرج برا." الشيخ سليمان: "فهد إنت إزاي بتكلم إلياس كده؟ استحى ع حالك يا ولدي."

فهد: "لما يبص لحبيبة صاحبه ويخليها تنت"حر. والله أعلم عملها إيه كمان. يبقى لازم يطلع برا." الشيخ سليمان بعصبية: "استحي يا ولد عيب عليك. يبص لمين يا ولدي؟ يبص لأخته شقيقته.......