رواية ابني ازاي الفصل الرابع 4 - بقلم ملك ابراهيم

مغيش نفس الجهاز واقف وبيزمر. ندي: محمد! قعدت أصوت. فكرته مات. طلع دخل في غيبوبة. الناس كلها بقت بتشدني من جنبه وأنا أصوت لحد ما أحمد زعقلي وخدني بره. الصوت مله المكان. دخل في غيبوبة. وأحمد قال: مش هيفوق منها. لو فاق هتبقى بعد سنين كتيرة. ومعرفتش الحقيقة. ملحقتش أعرف الحقيقة. كريم يبقى ابن مين؟ يارب بجد. ندي بتعب: يعني يا أحمد مش هيفوق دلوقتي؟

أحمد بحزن: للأسف لا. ممكن، لو قدر الله، يموت في الغيبوبة دي. خطيرة. ربنا يصبركم. ندي حسيت إن الدنيا بقت سودة في وشي. الدنيا بقت تلف بيا. وفاجأة وقعت. أغمى عليا. أحمد جه يجري وشالني بسرعة. ندي بتعب: آآه. كريم بعياط: ماما! ماما! كويس إنك بخير. خوفت عليكي أوي. ندي حضنته: متخافش يا حبيبي. أحمد: طب يلا اتفضلوا بره وسيبوها ترتاح شوية. خرجوا كلهم. وأنا مش قادرة أفكر. وجعني دماغي. يارب مليش غيرك. نمت. *** صحيت الصبح وقمت.

ندي: محمد لسه مفاقش. أحمد: للأسف لا. أنتوا لازم تروحوا دلوقتي عشان مفيش فايدة من قعدتكم. ولو حصل أي جديد هقول لكم. خدت ماما وكريم ومشيت. *** في مكان تاني. "المجهول": إنت غبي! يعني إيه دخل في غيبوبة؟ ده لازم يموت. ده عرف الحقيقة كلها وممكن يقول لندي. _أنا ضربته جامد وكان بيطلع في الروح في إيدي. "المجهول": امشي من وشي دلوقتي! كل مرة تعمل مصيبة. اتفصل. غور! *** نرجع لندي وكريم. منال بتعب: يعني عليَك يا محمد يا ابني.

ندي: خلاص بقى يا ماما خلاص. كريم: ماما. ندي بعصبية: قولت مليون مرة إني مش أمك. ابعد بقى عننا يا خي. اوعىاا من وشي. كريم بعياط: لأ انتي ماما. دخلت الأوضة وقفلت عليا الباب. ورميت نفسي على السرير. لقيت ماما بتخبط. منال: ندي فيه ورقة واحدة سيبها قدام الباب. ندي قومت جريت. ندي: فين يا ماما فين؟ منال: أهي. خدت الورقة وفتحتها. "السلامة على أخوكي الغالي. ومتعيطيش كريم عشان هو فاهم كويس أوي إنك أمه. ههه. يا دودي."

رميت الورقة في الأرض بعصبية. خدت شنطتي وروحت لأحمد المستشفى. ندي: محمد فين؟ أحمد: لسه مفاقش. ندي قعدت تحكيله كل اللي حصل. وإن ده مش ابنها. أحمد اتوتر شوية وقالها: أحمد: ما يمكن باباه عيان أو حاجة وخايف يموت وجابهولك تربيه. إنتي فيها إيه؟ ندي: وإنت واثق أوي كده لي؟ أحمد: أنا مش واثق. أنا بقول كده يمكن. على العموم هشوف الموضوع ده أنا وهتصرف. ندي: تمام. وشكراً ليك جداً على وقفك جنبنا. عن إذنك.

قمت مشيت. ولقيت ورقة على الأرض. فتحتها. "لو حكيتي لحد محدش هيسعدك ولا هيعرف يوصلي. بس أحب أقولك إني مطمئن وكريم معاكي ♡" حطيت الورقة في شنطتي بعصبية. إيه كل الألغاز دي بجد؟ إيه كل ده؟ ابني إزاي؟ أنا روحت. وكان كريم تعبان. ندي: مركبين محاليل لكريم ليه يا ماما؟ منال: بعد ما نزلتي يا بنتي تعب جداً من كتر العياط وجبتله الدكتور. ندي: ويت؟ إجماعة اجمع. ندي: إمتى يا ماما الكلام ده؟

منال: إنتي نزلتِ من هنا وأحمد طلع من هنا. مختش بالي إن في حاجة غلط. بس غيرت هدومي ونزلت. اتمشيت شوية على البحر. "بتشكي همومك لي البحر؟ ندي بخضة: إيه يا عم إنت مين؟ "أنا الظابط علي." ندي بخوف: ظابط إيه؟ أنا معملتش حاجة. علي بضحك: معملتش. أنا شوفتك قاعدة من بعيد فقولت أجي نتكلم. اسمك إيه؟ ندي حست إنها مطمنة: ندي. علي: ومعاكِ بقا يا ندي؟ ندي: هحكيلك. قعدت أحكيله. وهوا سمعني بكل حب وبكل حنان. بجد مشوفتش كده.

علي: أمم. شوفت مشاكل زي دي كتير. متقلقيش. هاتي الجوازات بكرة فنفس المكان. وأنا هعرفلك مين ورا الحوارات دي كلها. خدي رقمي أهو. ندي بكسوف: شكراً جداً يا حضرة الظابط. علي بضحك: اسمي علي بس يا آنسة ندي. أو يا ندي بس. ندي بضحك: طب يلا أنا همشي بقا. علي: تحبي أوصلك؟ ندي: لا لا شكراً. بعد إذنك. مشيت. وشوية وعلي رن على حد. علي: تجبلي كل المعلومات زي ما قولتلك. مفهوم؟ سليم: براحة يا عم. إحنا مش شغالين عندك.

علي: إنت هتعمل اللي قولتلك عليه. وقفل في وشه. وأنا فضلت أمشي وأمشي لحد ما الدنيا ليلت. وبصيت في الساعة لقيتها 11. يلهوي. قعدت كل ده في الشارع. قمت مشيت وروحت. منال بخضة: كنتي فين يا ندي كل ده؟ ندي: مفيش يا ماما. كنت بتمشي شوية. ومحستش بالوقت. منال: طيب يا بنتي. كريم مقطع نفسه عياط عليكي. دخلت شوفتو. لقيتو بيعيط فعلاً. كريم: ماما إنتي جيتي. ندي: أوف. آه جيت. كريم: خديني في حضنك عشان أنام.

خدته في حضني وقريتله حدوتة. وراح في نوم. وأنا كمان رحت في النوم. *** صحيت الصبح على رنة تليفوني. وكان رقم. ندي: الوو. علي: إحم. أنا علي. ندي: آه أهلاً. علي: آسف لو سبتلك إزعاج. بس أنا عرفت شوية معلومات. وفي حوار كريم. وكنت محتاجك فيهم. قمت من على السرير جري. لبست ونزلت. ندي بخوف: هه عرفت إيه؟ علي: ...... ندي بصدمة: آآآآآآآآآآآآآآآآي!