رواية ادهم و ملك الفصل الثاني عشر بقلم نجلاء عبد الظاهر ا

فضلت ملك يوم تاني في الغيبوبة، بس اليوم ده غير. ملك بدأت تستعيد وعيها بالراحة، فتحت عينيها لقت نفسها في أوضة وجمبها أجهزة. غمضت وافتكرت كل حاجة لحد ما العربية خبطتها. قررت ملك تختفي من حياة أدهم للأبد. شالت ملك الأجهزة والسلوك من إيدها وعدلت هدومها، لبست زي الممرضة وخرجت ومشيت على طول. أدهم كان في الكافتيريا وطلع من سلم معاكس ومشافش ملك. نزلت ملك بسرعة واختفت من حياة أدهم.

طلع أدهم فتح الأوضة براحة ودخل، لقي الأوضة فاضية. "ملك! ملك!! الممرضة دخلت بسرعة. "فين ملك؟ راحت فين؟ "مش عارفين حضرتك، كانت هنا." "أنا هوديكوا في داهية." سابها أدهم وجري، دور في المستشفى كلها مش لاقيها. خرج بسرعة ركب عربيته وفضل يلف في الشوارع، وراح لعمرو. "مش لاقيها." عدى يومين أدهم بيدور عليها وبرضو مش لاقيها. راح المدرسة، المدير قاله: "سحبت الملف وسافرت." أخد فروع المدرسة كلها وسافر لها، موصلش أدهم لحاجة.

مر سنة ونص وأدهم حياته كلها بقت شبه بعضها ومش بيفكر غير في ملك. بيدور عليها في كل مكان. "يلا يا بنتي، المدير هينفخنا." "أنا زهقت يا مي والله." "شيء، كلي. هعمل مشكلة معاه." "آه يا اختي، اعملي مشكلة عشان يكرشنا ومنعرفش ناكل. خلينا نخلص من الترم ده بقي." ملك سافرت فرنسا وقدمت هناك. اشتغلت في كافيه مع واحدة مصرية مقيمة في فرنسا، وكانت بتصرف على نفسها ودراستها. ومع ذلك كانت بترتب على المدرسة.

ملك دايمًا كانت بتفكر في أدهم، بس قررت تدوس على قلبها. ومقدرتش، حبها له مسيطر عليها. "ياترى لسه بيدور عليا؟ زمانه نسيني." "واقفة عندك كده ليه؟ يلا قدمي المشاريب. تربيزة سبعة." "حاضر يا فندم." أدهم كان بيخلص صفقة في فرنسا، في نفس المطعم اللي ملك بتشتغل فيه. وهو قاعد بيبص لمح واحدة تشبهها. نزل عينه. توكة ملك وقعت منها، نزلت تجيبها. اختفت. رفعها بسرعة ملفش حد. "وبعدين بقي؟ ركز. مش معقول تكون هنا."

ملك وهي بتقدم المشروبات، الكاس وقع منها اتكسر. المدير خرج وفضل يزعقلها. أدهم انتبه للبنت ووقف مكانه وبرق. "ملك!! دي ملك." جري أدهم وضرب المدير، ومسك إيد ملك وطلع برا. ركبها عربيته ومشي. ملك ساكتة ومش بتتكلم. وقف أدهم العربية. "ليه سبتيني ومشيتي يا ملك؟ أنا مت من غيرك." بتبصله وبتعيط. "انت ظلمتني كتير ومصدقتنيش." "ششششش، ولا كلمة. تتجوزيني يا ملك؟

مسحت ملك دموعها وبصت له. أخدها في حضنه وطلع سلسلة ملك من جيبه ولبسهالها. قلب السلسلة من على ضهرها لقاها منقوش عليها اسم أدهم. "بحبك يا ملك." "بحبك."