رواية ادهم و ملك الفصل الحادي عشر 11 - بقلم نجلاء عبد الظاهر ا

طلعت شمس الموبايل من جيبها وفتحت مسجل. أدهم سمع كل كلام ي كريه ورزان والخطه بتاعتهم. قام ادهم واقف. "لييييي لي عملتي فيا كده هوو انا مش ابنك لي خلتيني اظلمها حرام عليكي انتي ام انتي انا لو ابن حرام مكنتيش عملتي فيا كده." وبص لرزان. "وديني منا راحمك." "مش واقته يا ابيه الحق ملك." جري ادهم على برا وفضل يدور. لقى لمة كبيرة وناس بتعيط. دخل بين الناس لقي بنت غرقانة في دمها. "مين دي." "دي دي ملك."

جري ادهم على اللمة ودخل بين الناس. لقى ملك مرمية على الأرض وغرقانة في دمها. وقع ادهم جنب ملك وقعد يهز فيها ويعيط. "ملك ردي عليا متسبنيش يا ملك انا بحبك متسبينيش." الاسعاف وصلت. شال ادهم ملك بسرعة وركبها العربية. فضل يهز فيها ودموعه نازلة. أول ما وصلوا الدكاترة اخدوها ودخلوا على العمليات. "لو سمحت اخرج." "ابوس ايدك يا دكتور خليني عاوز اطمن عليها." "اخررج يا استاذ مش هينفع كده." وطرده برا الأوضة.

فضلت ملك في العمليات ست ساعات متواصلة. الدكاترة والممرضين بيجروا وحالة الطوارئ عامة في المستشفى. أدهم منهار من العياط وهيموت على ملك. فجأة خرج دكتور من الأوضة. أدهم جري عليه. "طمني يا دكتور ملك عاملة اي ممكن اشوفها ارجووك." "الحمد لله عدت مرحلة الخطر مش ممكن تشوفها دلوقت هي في غيبوبة وهتقعد فترة فيها احنا بنعمل أقصى جهد ادعيلها انت بعد اذنك." ساب الدكتور ادهم ومشي. وقف ادهم قدام الباب ودموعه نازلة.

"يارب يارب رجعهالي يارب." بعد يومين. ممنوع حد يدخل الأوضة وملك تحت الأجهزة فاقدة الوعي. أدهم مش بينام ومش بياكل. الإرهاق والتعب وضح على وشه. ومش راضي يتحرك من قدام الأوضة إلا لما يشوف ملك. "ابوس ايدك ي دكتور هشوفها وهخرج علطول ارجووك." "تقدر تشوفها بس بشرط متعملش أي إزعاج للمريض." دخل ادهم لملك وقعد جمبها ودموعه نزلت.

"انا اسف ي ملك اسف على كل الل عملته ظلمتك ومستنتش اسمعك قسيت عليكي كتير وهنتك انا اسف بس متسيبنيش يا ملك انا معرفتش الحب غير معاكي هجبلك حقك يا ملك من الل عمل فيكي كده قومي يلا ي حبيبتي انا معاكي قومي يا ملك بقي ابوس ايدك انا ضعيف اووي من غيرك قومي." "لو سمحت ي استاذ اخرج كده بتئذي المريضه." خرج ادهم وقعد برا. فات أسبوعين وملك في غيبوبة ومفيش تحسن. أدهم دقنه كبرت والهالات السودا أكلت عينه ولبسه متبهدل.

"خسطمني ي دكتور مفيش تحسن." "التحاليل والمتابعة بتقول انها المفروض كانت تفوق خلال يومين هي الل رافضة الواقع وبتهرب."