رواية ادهم وحور الفصل الخامس 5 - بقلم فرحة حاتم

بتحسم أمرها وتروح تفتح. مامت أدهم بتمثيل الطيبة: ازيك يا حور؟ البيت وحش من غيرك. حور باستغراب: طيب يا طنط اتفضلي. مامت أدهم: لا بقى طنط إيه؟ مش قولنا تقولي ماما. حور بتضيق وهي بتفتكر كلامها بس بتحاول متبينش: معلش يا طنط أنا معنديش غير أم واحدة. بتبصلها مامت أدهم بشر من غير ما تاخد بالها. فيروز بابتسامة مزيفة: أخبارك يا حور؟ حور بطيبة وصدق: كويسة يا روز، وحشاني. إيه الغياب ده؟ فيروز: ما الدنيا بقى نعمل إيه. مامت أدهم

وهي بتوجه كلامها لحور: روحي بقى اعمليلنا كوبايتين قهوة. بحب القهوة منك. حور بابتسامة وطيبة: بس كده من عنيا. ده أنا كمان عاملة مكرونة بشاميل. هغرفلكوا ناكل مع بعض. بتدخل المطبخ. بتقوم فيروز بسرعة. مامت أدهم بهمس: الأوضة اللي جنبنا شيفاه من الصبح على الكومودينو. روحي هاتيهم بسرعة. بتجري فيروز جوه الأوضة من غير ما تعمل صوت وتجيب الحاجة وتطلع تقعد جنب مامت أدهم بسرعة.

بتطلع حور من المطبخ وهي ماسكة الأكل وبتحطه على السفرة. حور بصوت عالي: يلا يا طنط، يلا يا روز. مامت أدهم: معلش يا حور مش هقدر نقعد أكتر من كده. حور باستغراب: إزاي يا طنط؟ ده أنتوا لسه جايين. مامت أدهم وهي بتطلع: معلش تتعوض في مرة تاني. بس آدم بيعيط وعايز فيروز. حور بابتسامة: طيب هستناكي. بيخرجوا وبتلم حور الأكل من على السفرة. حور في نفسها: يمكن شافت إنها غلط وحبت تصحح غلطتها.

بتقنع نفسها إنه كده وبتروح تنام لحد ما أدهم ييجي. أدهم بتعب: حطيلنا الأكل، مش قادر أتكلم. حور: ألف سلامة يا حبيبي، الأكل جاهز. تعالى. بيقعوا ياكلوا وحور بتكون عايزة تقوله على أمه وأخته ومش عارفة تبدأ إزاي. أدهم: قولي يا حور. حور بخوف وسرعة: النهاردة أمك وأختك جوه عندنا. بيسيب الأكل وهي بيبصلها: وأنا مش قولت متفتحيش لحد. حور بدموع: ما أنا قعدت أرن عليك وأنت مردتش. وبعدين هما النهاردة كانوا طيبين أوي.

أدهم باستغراب: طيبين إزاي؟ بيقطع كلامها أول ما بتبدأ. أدهم بحب: اتفضلي دي عشانك. حور بانبهار: الله يا أدهم، جميلة. أدهم بحب: البسيها بقى. بيلبسها السلسلة وبتكون دهب. حور: استنى أجيب باقي الدهب ألبسه كمان. بتدخل الأوضة. بتتأخر جوه. أدهم: حور، انتي نمتي ولا إيه؟ حور بخضة وهي طالعة من الأوضة وخوف: مش لاقية الدهب يا أدهم، الحقني!