رواية ادهم وملك الفصل السادس والعشرون 26 - بقلم الكاتبة كيان

انس قاعد على السرير وبيبص لفاطمه اللي واقفه قدام المرايه. انس: خلاص بقى، بلاش محن، بكرة هتخفي. فاطمه بدموع بتحط مرهم على رقبتها اللي انس ملاها علامات زرقا وحمرا عقابًا ليها. فاطمه: على فكرة، وجعاني أوي. انس ابتسم وحط السجارة في الطفاية واتعدل في قعدته. انس: تعالي. فاطمه: لا. انس بحدة: فاطمه. فاطمه بضيق قعدت قدامه على السرير بضيق. زحلها شعرها على جنب وبدأ يحط المرهم بحنية. انس: وجعاكي؟ فاطمه بوجع: بتحرق زي النار.

انس اتنهد: انتي مش طايقاني يا فاطمه لحد دلوقتي، بجد؟ فاطمه بهدوء: كله زي بعضه، مبقتش تفرق. انس عدل وشها وزحلها شعرها وباس جبينها. انس: حقك عليا. فاطمه فضلت مبهتة شوية من اللي قاله. آدم قاعد وملك في حضنه. يااه، قد إيه ربنا ممكن يحرج الإنسان بكرمه، رغم كل معاصيه، لكن ربنا كرمه بكل حاجة تقريباً. ملك: سرحان في إيه يا حبيبي؟ باس جبينها. آدم: ما تيجي نصلي ركعتين شكراً لله. ملك بحب: اسبقني، وأنا هتوضى وأجي وراك.

آدم طلع لقي مامته قاعدة قدام التلفزيون. أم آدم: إيه اللي مصحيك لحد دلوقتي؟ في حاجة يا حبيبي؟ آدم: هنصلي ركعتين شكراً لله يا أمي. أم آدم ابتسمت: خمس دقايق، هتوضى وجاية معاكم. آدم: يلا يا ست الكل. آدم صلا بيهم بكل خشوع، تقريباً موقفش عياط من كرم ربنا عليه. سلم ولف باس إيد ملك. آدم: مبروك يا حبيبتي. أم آدم بحب: ربنا يتمم عليكم وتقوم بسلام يا ابني.

تاني يوم، فاطمه واقفة في مطبخ شقتها تعمل أكل. شهقت لما حست بإيد على رقبتها. لفت لقت انس واقف لابس بنطلون بس، وباين عليه آثار النوم. انس: العلامات اختفت أهي... بتعملي إيه؟ فاطمه بتوتر: بعمل مكرونة بالبصل. انس: وريني كدا. فاطمه بعدت وانس بدأ هو اللي يعمل الأكل، وفاطمه سرحت فيه وهو واقف بعضلات جسمه اللي تخطف دي وملامحه، كل حاجة فيه حلوة وتخطف القلب. فاقت على شوكة ممدودة ليها. انس: رأيك؟

فاطمه قربت و أكلت وهي لسه بتبص في عينه. انس مد صباعه الخشن يمسح البقايا اللي على شفايفها، وبدون مقدمات، ميل باسها. فاطمه استجابت معاه وحطت إيدها على رقبته. انس رفعها على الرخامة. بعد وقت، محدش فيهم عارف كان كدا إيه. انس بعد علشان تاخد نفسها. انس: إيه رأيك؟ فاطمه بتاخد نفسها: حلوة. انس بعد لما تليفونه رن. انس: أيوه يا عمي محمد، حاضر، إن شاء الله قريب. في رعاية الله، سلام... كلي انتي، أنا هنزل. فاطمه بخجل: هتنزل كدا؟

انس: هاتيلي تيشرت. في شقة تاني، مازن نايم وفي بنت جنبه. انس فتح الباب وعنف ودخل. مازن بنوم: عايز إيه؟ انس: البسي وتعالى، عايزك برا. مازن: طيب. انس بص للبنت بقرف وطلع. البنت بإعجاب: ما تظبط ليلة مع المز دا. مازن اتجه للحمام. مازن: لا، دا مش بتاع كدا. بعد شوية طلع الصالة. مازن: أيوه. انس: الوارد عليا وقالي إن أسماء موافقة، ومستنين منا معاد. مازن: شوف ماما فاضية إمتى، ونروح. انس وقف وبص لمازن.

انس: حاول تنضف، يمكن ربنا يتوب عليك زي ما تاب على صاحبك. عند آدم. ملك بضحك: آدم كفاية. آدم: طيب، والله حرام أسيب مراتي حامل وأروح الشغل. ملك بدلع: طيب، وناكل منين؟ آدم: ما قلنا هناكلك يا عسل. ملك قربت منه بدلع أكتر. ملك: معنديش مانع. آدم بدأ ينهج: لا، بقولك إيه، اتهدي، الدكتورة قالت مينفعش. ملك: الدكتورة دي مش بتفهم حاجة، و...