رواية ادخلتني الى قلبها الفصل الثامن والعشرون 28 - بقلم حنين محمد

نهار يوم جديد ريهام: آدم قوم يلا علشان هتتأخر. ادم: خمس دقائق بس. ريهام تذهب للحمام وتخرج، ثم تحضر لآدم الفطار. زين يمسك ريهام من طرف قميصها: ماما يا ماما. ريهام: إيه يا زين اللي مصحيك من بدري كده؟ روح كمل نوم. زين: أنا مش عارف. ريهام: يا زين ما چوري اختك نايمة على السرير اللي قصدك. ادم: تعال يا زين يا حبيبي نام عندي على السرير جوه، وريهام هتروح تنام معاك. ريهام: يا آدم زين كبر، بقي عنده 3 سنين.

ادم: خلاص يا ريهام، معلشي، بس قوليلي التوأم اللي في بطنك عاملين إيه؟ ريهام: عايزة أروح أكشف النهارده، هتيجي معايا؟ ادم: آه، بس نسيب زين و چوري عند تسنيم. ريهام: ماشي يا حبيبي، تعال أفطر وأنا هجهزلك الهدوم. ادم: تعالي طب افطري معايا. زين: وأنا عايز أفطر. ريهام: استنى أسخنلك اللبن الأول، وأنا مليش نفس أفطر. أفطر ولما چوري تصحى هنفطر سوا. ادم: ماشي، تعال يا زين افطر عقبال ما تسخن اللبن. زين: حاضر.

بعد وقت، آدم يفطر وينزل ليذهب للشركة. ملحوظة: آدم وريهام قاعدين في بيتهم مش مع العيلة. *** بسنت: يوسف. يوسف: نعم يا قلبي. بسنت: أنا عايزة أروح لماما وبابا النهارده القصر، وحشوني. يوسف: ماشي، بس بليل لما آجي من الشغل. بسنت: عادي يا يوسف، هروح أنا. يوسف: هتروحي إزاي وأنت معاكي مروان وجنه؟ بسنت: هطلب أوبر. يوسف: برحتك يا بسنت. (ويوسف يمشي) بسنت: مش عارفة هو ماله زعل ليه. *** ادم: ادخلي يا نور. نور (السكرتيرة)

: أستاذ آدم، عصام بيه عايز يدخل لحضرتك. ادم: وده كلام يدخل بيه؟ عصام: إيه يا آدم يا بني؟ ريهام عاملة إيه؟ ادم: الحمد لله يا بابا. بص على الشغل ده كده، الصفقة دي مهمة ولازم نكسبها. يوسف يدخل هو ومصطفى وهيثم. ادم: إيه كل ده؟ أنتم جايين تعملوا إيه هنا؟ هيثم: جاين نشتغل معاك يا آدم، ولا إيه يا يوسف؟ يوسف: آه، ولا إيه يا مصطفى؟ ادم: أكيد عايزين حاجة. عصام: في إيه يا بني أنت وهو؟

مصطفى: لا يا بابا، مش عايزين حاجة، عايز أشتغل بس. ادم: اممم، ماشي يا أخويا، تعال أشتغل. *** ريهام: الو يا مريم يا حبيبتي. مريم: عاملة إيه يا ريهام؟ قولت أطمن عليكي. ريهام: الحمد لله يا حبيبتي. مريم: بقولك يا ريهام، أنا عايزاكي في موضوع كده مهم أوي. ريهام: في إيه يا مريم؟ قلقتيني. مريم: بكرة عايزة أجي بدري، بس علشان خلاص الدنيا ليل، تعالي بكرة عندي في الشقة. ريهام: حاضر، بس أنت كويسة؟ مريم: آه. ريهام: ماشي. ادم يدخل.

ريهام: حمد الله على السلامة يا حبيبي. ادم: فين چوري وزين؟ ريهام: جوه في الأوضة بتاعتهم بيلعبوا. ادم: آه، أنا داخل لهم، وأنت جهزي علشان آخدك عند الدكتورة. ريهام: أنت كويس يا آدم؟ ادم: آه يا حبيبتي. چوري تجري على آدم: بابا. ادم: بصي أنا جايبلك إيه؟ جايبلك لعبة جميلة عشان تلبسيها. چوري: جميلة أوي يا بابي. زين (بزعل) : وأنا فين يا بابا؟ چوري (بطفولة) : أصل بابا جابلي لعبة وأنت لا. زين: بس يا رخمة.

ريهام: عيب، وأنت يا آدم مش جبت لزين حاجة ليه؟ ادم: لا طبعاً، وأنا أقدر أنساك؟ خد يا زين يا جميل، جبتلكم عربية أهي. زين: بس بابا جابلي عربية. ههههه. ريهام تخلص لبس. ادم: طب استنى ناخد زين و چوري لتسنيم معانا. ريهام: يا آدم ناخدهم معانا وخلاص. ادم: خلاص، ماشي. بعد وقت، يذهبون للدكتورة. زين (بصوت واطي) : بصي يا چوري، في الشاشة دي باين إن في بطن ماما حاجة كبيرة. چوري: آه يا زين، بس هي ليه مش بتبان من بره على بطنها؟

بتبان في الشاشة بس؟ ادم: بس أنت وهي، عيب كده. چوري: شو شو، اسكت يا زين علشان بابا. ريهام: بص يا آدم على البيبي. ادم: هي يا دكتورة، في الشهر الكام دلوقتي؟ الدكتورة: في الشهر الخامس، بس لازم تاخد بالها وتاخد أي حاجة فيها فيتامين، ودي علاج هديها لها. ادم: حاضر. بعد وقت، آدم وريهام يرحون. ريهام تغير وتلبس ترنج وتذهب لتنيم چوري وزين وتحكي لهم قصة. ريهام تخرج وتذهب لآدم. ريهام: آدم. ادم: نعم يا قلبي.

ريهام: أنا عايزة أشتغل. ادم: نعم؟