رواية ادخلتني الى قلبها الفصل الثاني 2 - بقلم حنين محمد

ريهام: ادم انا عايزه اشتغل. ادم: نعم ده ليه إن شاء الله؟ وانا مش مخليكي محتاجه حاجه يا ريهام. ريهام: يا آدم مش بالاحتياج، انا عايزه انزل اشتغل. ادم: اهدي يا ريهام وبطلي عبط، اولا انتِ حامل، ثانياً انتِ دلوقتي شايلة مسئولية ولد وبنت اللي هما عيالنا، يا ريهام ولا انتِ نسيتي كل ده؟ ريهام بعصبية: لا يا آدم انا مش ناسيه، انا عايزه اشوف حياتي بقي.

ادم: بصي يا حبيبتي، انا مش هتعصب عليكي علشان باين كدا إنها هرمونات حمل، فبكرة نتكلم. يلا نامي، تعالي يلا في حضني. ريهام: لا يا آدم، منمتش. (تضربه على يده) ادم: طب خدي بقي. (يعمل يضربها بالمخدة وضحكتهما مالية البيت) زين: انا عايز العب معاكم يا بابا. چوري: وانا يا ماما. ادم بضحك: تعال يا زين، تعال. ريهام: يا ربي بقي، تعالي يا چوري نامي في حضني. ادم: احسن 😛 زين: هو الي نام في حضني وانت لا.

ريهام: انت رخـم اوي يا آدم، قوم يا زين انا عايزة انام جنب بابي. زين: لا انا عايز انام جنب بابي. ريهام: اوف، ماشي. ادم بضحك: احسن، قولتلك من بدري. ☺️ (في نهار يوم جديد) ادم بينزل الشركة، وريهام بتصحى بتلبس وبتروح عند مريم هي وزين و چوري. چوري: مامي انا هروح العب مع ريم ويونس ومحمد ولاد طنط مريم. زين: وانا كمان. ريهام: ماشي يا حبيبي، بس خلي بالكوا من نفسكم. مريم: ايه يا ولاد، عاملين ايه؟

زين و چوري: عاملين كوبري وماشين عليه 😂 ريهام: بس يا ولاد، عيب منكم ليه؟ والله لما تروح لادم لهقوله عليكم. مريم: خلاص يا ريهام، دول ولاد. ريهام: المهم، كنتِ عايزة ايه يا مريم؟ مريم: بصي، انا بوصيكي على العيال من دلوقتي يا ريهام، انا عايزة اكي تعتبريهم عيالك بالظبط. ريهام بخوف: ليه يا مريم؟ في ايه؟ مريم: انا كشفت يا ريهام وعندي مرض السرطان، فانا مش عارفة هعرف اتعالج ولا لا. ريهام بعياط: لا، كدابة يا مريم. (تحضنها)

طب تعالي نكشف. مريم بعياط: لا يا ريهام، انا كشفت، بس لحد دلوقتي معرفش اقول لهيثم. مش يمكن ربنا بيعاقبني على اللي عملته معاكي زمان. ريهام بعياط: والله انا مسامحاكي، والله مسامحاكي. مريم: اهدي علشان الاولاد. ريهام: انا اللي هقف معاكي يا مريم وهعالجك من غير ما نقول لحد، تمام؟ مريم: بجد يا ريهام؟ انتِ حاجة كويسة اوي. ريهام: متقوليش كدا، المهم امسحي دموعك ومتعرفيش حد. مريم: اه، انا كنت هعمل كدا، بس قولت اقولك.

ريهام: اللي انتِ عملتيه ده الصح يا قلبي. *** عند ادم. ادم: مش عارف يا هيثم، ريهام مش بترد ليه؟ هيثم: ممكن تكون نايمة يا آدم. ادم: ربنا يستر. مصطفى: إن شاء الله خير يا آدم، المهم بكرة تامر نازل مصر، فخلي بالك منه. لما بينزل بياخد أي صفقة بالرشوة. ادم: اه، نسيت الموضوع ده خالص، ماشي. لا سيبوه عليا. يوسف: انا قولت أستأذنك يا آدم اني أسافر انا وبسنت يومين نغير جو.

ادم: الجو مش مستاهل يا يوسف، استنى طب نشوف الصفقة دي الاول. يوسف: امم، ماشي. مصطفى بيخرج، بيروح مكتبه بيلاقي تسنيم. تسنيم: ازيك يا حبيبي؟ قولت اجيبلك الأكل وبعدها أروح أشتري كتب الكلية. مصطفى: تعبتي نفسك ليه بس يا حبيبتي. تسنيم: تعبك راحة يا روحي. مصطفى بيبوس رأسها ويحضنها. تسنيم: يلا بقي يا حبيبي باي علشان هتأخر. مصطفى: باي يا قلبي. *** عند ريهام. (يعدي ساعتين) ريهام: يا لهوي، ادم رن عليا أكتر من خمس مرات.

مريم: طب اتصلي بيه لحسن يقلق عليكي. ريهام: خلاص بقي، لما أروح. يلا يا زين، يلا يا چوري. ريم ومحمد بعياط: جايين. (بيجروا) مريم: في ايه يا ريم انتِ ومحمد؟ بتجروا ليه؟ زين بعياط طفولي: چوري يا ماما اتخطفت، حد خطفها من الجنينة. ريهام: اتخطفت؟ (يغمى عليها)