رواية اغتصاب غير حقيقي الفصل الحادي عشر 11 - بقلم دعاء صلاح

ادهم ابتسم وقال: خلاص أخيراً طلقتها، كانت تقل على قلبي. الكل بصوا بصدمة. احلام قالت بسعادة: بجد؟ ادهم قرب منها وقال: أيوا بجد يا حبيبتي. احلام قربت منه وحضنته وقالت: يبقى نعمل فرح بقى. عشق بصت لـ ادهم بغضب وادهم بعتلها بوسة في الهوا من غير ما احلام تشوف. مالك: احممم، وأنا هتجوز عشق. هاجر بصتله بضيق وهو حرك بقه وقالها: بحبك. هاجر ابتسمت. حازم بص لـ ندي وقالت: اوعي تعمل زيهم، دول شباب بايظة. حازم بضيق: صبرني ياربي.

ادهم: أكيد طبعاً، وهيبقى بكرة. احلام بصت لـ عشق وابتسمت ابتسامة انتصار. عشق بصتلها بضيق. مالك بخبث: وأنا هتجوز عشق بقا، ملهاش عِدة، وبكرة كمان مع صاحبي. مالك وادهم بصوا لبعض بخبث. *** تاني يوم. مالك أصر يخرج من المستشفى وعشق خرجت معاه. في العربية. مالك: فهمتي هتعملي إيه؟ عشق: آه. مالك ابتسم وقال: على فكرة انتي لازم تسامحيني، عشان كدا كدا هتشوفيني على طول. عشق ابتسمت وقالت: أنا عاملاك مفاجأة النهارده.

مالك باستغراب: إيه؟ عشق ابتسمت وقالت: سوق بس..... مالك ساق. أما عند احلام، كانت بتلبس فستانها، كانت فرحانة إنها قدرت تنتقم من مالك، وإنها بعدت عشق عن ادهم. وبعدين جالها رسالة، فتحت تليفونها وقرأتها. الشخص: الفلوس وصلت. احلام ابتسمت وكتبت: تاخدها وتمشي من هنا. ادهم دخل عليها وهي ارتبكت، وبعدين قرب منها بهدوء ومسك ايدها وقالها: جاهزة؟ احلام بسعادة: جاهزة.

ادهم خدها ونزلوا الجنينة، وكان فيه معازيم كتير، وادهم كان مستغرب تأخير مالك وعشق. احلام وادهم بدأوا يرقصوا، وهاجر كانت واقفة من بعيد متابعة الوضع. وفجأة النور قطع، واحلام حست إن حد بيزقها. ونور جه، واحلام بصت قدامها لقت عشق ماسكة ايد ادهم وبتضحك. عشق: عشان تعيش في الزمن ده لازم تبقى ذكية شوية، لا شويتين. مالك قرب من هاجر ووقف جمبها وغمزلها، وهي ابتسمت.

عشق: ليلة رأس السنة، أنا طلعت زي أي بنت بتطلع من شغلها وشوفت ادهم. حازم دخل الجنينة وقال: بس تعالوا نرجع قبل الحادثة بدقائق. اياد قال لـ عشق إنه مش هيقدر يجي ياخدها. أما بقا فـ حفلة مالك، في حد حط لك يا مالك في الويسكي بتاعك حبوب هلوسة، يعني قال لما انت تركب عربيتك هيجيلك هلوسة وتعمل حادثة. عشق: وفعلاً انت جيت ورايا واغتصبني، بس في خيالك. مالك بصدمة: نعم. عشق بصت لـ ادهم وقالت: يعني أنا بنت.

ادهم بصدمة: هو اللي خد حبوب هلوسة ولا انتي؟ حازم: لا، بس هو فعلاً افتكر إنه عمل كدا، بس الحمد لله ربنا بيحبهم هما الاتنين، والصور الاغتصاب صور، بس أول حتة ومشي. واحنا كلنا فكرنا إن فعلاً عشق اتصابت. بس يوم ما جالها أعراض الحمل. فلاش باك. عند دكتورة. عشق كشفت، والدكتورة قالتلها: انتي بس جايلك دور برد. عشق بصدمة: يعني مش حامل؟ الدكتورة باستغراب: لا، ليه؟ عشق بحرج: طب ممكن تكشفي عليا اعرف أنا بنت ولا لأ.

الدكتورة فعلاً كشفت عليها وطلعت بنت. عشق طلعت من العيادة وحكت لـ حازم. حازم بسعادة: الحمد لله. عشق: بس أنا بردو عايزة اعرف مين عمل فيا كدا. حازم بتوتر: أنا لقيت حاجة قدام البيت المهجور. عشق: إيه هي؟ حازم طلع من جيبه دبلة واداها لـ عشق. عشق بصدمة: إيه دي، بتاعت اياد. حازم بضيق: ممكن يبقى اياد، مش ادهم. عشق بصدمة: مستحيل. حازم: تمام، خلاص تعالي نعرف بقا مين عمل كدا.

عشق بدأت تفكر، وبعدين راحت لـ اياد القسم وتأكدت إنه مش لابس دبلته، وقررت إنها تلعب عليه. انتهاء فلاش باك. ادهم باستغراب: ليه كنتي بتعامليني وحش كدا؟ عشق بحزن: لأني دايماً كنت بفتكر اللي حصلي، مالك معمليش حاجة، آه، بس اللي حصلي صعب. ادهم: والسنار اللي شوفناه؟ حازم: بعد ما قررت أجوز عشق، أنا فضلت أراقب اياد وشوفته بيتكلمه، وقدرت أسجلهم، الحيوان الحقير اللي اسمه اياد اتفق إنه يروح الحفلة ويحطلك حبوب الهلوسة.

عشق: وساعتها عرفت إن مالك هو اللي عمل كدا، وقررت أنا وحازم نلعب عليكم كلكم. حازم: طلبت من عشق تشكك في احلام وتحاول تصلح علاقتك بمالك، ويوم الحادثة اللي دبرها اياد واحلام. عشق: اتفقت مع دكتورة، كنت عايزة اشوف البيبي، وحطت سنار واحدة تانية خالص. حازم: ساعتها انت دافعت عن صاحبك، وساعتها اتأكدنا إنكم رجعتوا فعلاً، إنك تضحي بحبك لـ عشق عشان صاحبك، فـ كدا إحنا نجحنا في اللي كنا عايزين نعمله.

عشق: أما بنسبة للدم، فـ دي كانت لعبتي، اتفقت بردو مع دكتورة. حازم: كله كانت خطة عشان تعيش مع ناس شبه احلام واياد، فـ انت لازم تبقى زيهم. عشق: مش قادرة أقولك إحنا تعبنا قد إيه في الخطة دي. ولما عملت نفسي تعبانة، كنت عايزة أشوف إنسانية مالك، كنت عايزة أشوف هيعترف بابنه ولا لأ، وندمان ولا لأ. ولما حبيتك، كنت عايزة أعرف انت ممكن تحبني لو أنا فعلاً كنت كدا. حازم: أنا كنت واثق مليون في المية إنكم هتناجوا في الأخبار ده.

ادهم بص لـ مالك ومالك ابتسم له. ادهم: مالك هيفضل طول عمري أقرب صديق ليا. مالك قرب منه وحضنه بسعادة وقال: أقسم بالله حاسس إن جبل واتشال من على قلبي، كنت حاسس بذنب. ادهم: وأنا والله. عشق وقفت قدام احلام وبعدين ضربتها بالقلم وقالت: أنا طلعت أذكى منك. أنا اكتشفت إن ربنا بيحبني، لما روحت الجامع عشان أسأل الشيخ، كنت عارفة إن ادهم كان واقف وبيسمع الشيخ، كنت عايزة أقوله بطريقة غير مباشرة إني بحبه، عشان كدا هديله فرصة.

حازم: إحنا عملنا المستحيل عشان نمنع الفيديو إنه يتبعت لـ ادهم ومالك، بس اياد الزفت بعته، بس اتعاقب، متخافيش. احلام بخوف: إزاي؟ فجأة البوليس دخل عليهم، وحازم قال بابتسامة: كدا البوليس قرب من احلام. وخدها، بس ادهم وقفهم وقال: احلام حبيبتي، انتي طالق. بتلاتة. البوليس خد احلام. عشق حضنت ادهم وقالت: بحبك. ادهم حضنها جامد وقال: وأنا كمان. مالك بص لـ هاجر، لقاها واقفة وعينيها بتدمع. قرب منها وقال: مالك.

هاجر مسحت دموعها وقالت: دي دموع الفرح، فرحانة لـ عشق. مالك غمزلها وقال: لـ عشق بردو. هاجر ابتسمت، ومالك قرب منها عشان يحضنها، بس ظهرت قدامه ندي وقالت: هذا لا يجوز يا أستاذ. مالك بغضب: استغفر الله العظيم، اومال إيه اللي يجوز يا هانم؟ ندي ابتسمت: بعد كتب الكتاب، احضنيها براحتك، ده اللي يجوز. حازم قرب من ندي وقالها: سيبك بس منهم، وتعالي. ندي بضيق: نعم. حازم: افتحي إيدك. ندي فتحت ايدها، وحازم كتب على ايدها (بحبك)

ندي بصتله بسعادة، ومسكت القلم، وهو فتح ايده وكتبت (هذا لا يجوز يا أخ حازم) حازم بغيظ: ندي. ندي ضحكت وبعدين مشيت من قدامه. عشق قالت: اسمعوا بقاااا. الكل بص لـ عشق. عشق: أنا عارفة اللي حصل ده معجزة، بس أنا عرفت إن ربنا بيحبني، ربنا رحيم أوي وبيحبنا أوي، وإحنا لازم نقرب منه. ادهم ابتسم وقال: أنا بقا اتعلمت من القصة دي إني مأسيبش صاحبي خالص، أفضل جنبه، وكمان لازم أخلي بالي من اللي حواليا، لأن الزمن ده بقى فيه عقارب كتير.

مالك: وأنا اتعلمت أركز في أفعال الناس اللي حواليا، أشوف مين اللي بيحبني ومين اللي بيكرهني، ومبقاش همجي. أنا فرحت أوي إن ربنا بيحبني، ونفسي أكفر عن ذنوبي كلها. حازم: أنا بقا اتعلمت إني أحب بنت محتشمة أحسن بكتير من بنت تكلمني طول الوقت. الحب ده مختلف يا جماعة، إنك تحاول بالأيام عشان تكلم واحدة متعرفهاش، لا دي حاجة حلوة، وفي الآخر تكلمها بورقة وقلم. حازم بص لـ ندي وندي بصت في الأرض بخجل.

هاجر: أنا اتعلمت لو أنا بحب حد، فـ لازم أقوله فوراً. إني أخبي دي مش حاجة حلوة، بس بردو لازم أراعي إني مسلمة، مش مفروض أكلمه. وده اتعلمته من ندي، إحنا نحب آه، بس نتكلم لا، فـ باب يقدر يخبط عليه ويدخل. ندي: بالظبط، لازم نصبر على رزقنا. إحنا البنات للأسف سمعتنا ممكن تتشوه في ثانية، فـ لازم نعزز نفسنا ونحمي نفسنا. إنتوا تعرفوا ليه سموه اغتصاب؟

لأنهم بياخدوا حاجة مش من حقهم، بس للأسف البنت هي اللي بتتحمل كل ده، ويقولوا عليها هي اللي وحشة. عشق: بالظبط، بس بردو أنا كنت غلطانة، لبسي كان قصير شوية يوميها. ادهم: وده ميمنعش إني كمان غلطت وشوفتك بطريقة وحشة. ندي ابتسمت وقالت: تعالوا ننسى الماضي ونفتح صفحة جديدة. مالك بهمس: تجوزيني. هاجر بهمس: أكيد طبعاً. مالك بحب: بحبك. هاجر: اممم، فيه باب هتخبط عليه يا أستاذ. مالك بضيق: هخبط وكل حاجة، بس قوليها. هاجر: تؤتؤ.

مالك بغيظ: طب والله ما أنا متجوزك. هاجر بضحك: يكون أحسن. أما عند ادهم. ادهم: يا أم زين. عشق بضحك: أم زين إيه بس، أنا لو حملت يعني هجيب بنت. ادهم بخبث: إنتي كملتي الخطة دي عشان بتحبيني؟ عشق بابتسامة: أوووي، بحبك أوووي. ادهم حضنها وهي ابتسمت، كان أسعد يوم في حياتها. عند حازم. حازم: طب يا آنسة، أي كلمة بس تثبتلي إنك بتتنيلي بتحبيني. ندي بضيق: يوووه عليك، عايز إيه. حازم برجاء: قولي بقا. ندي بخجل: طيب، هقول.

حازم بتركيز: أيوااا. ندي: بحبك. حازم بسعادة: الله. ندي مشيت من قدامه وهي بتضحك. أما عشق مسكت ايد حازم وطلعت على المسرح ومسكت الميكروفون. عشق: احممم احممم، وعشان المه الحلوة دي هغني لكم. ادهم بابتسامة: يلا. عشق بدأت تغني. عشق: وسقفة سقفة سقفة، نستاهل بوسة، آه، وسقفة. مين قال التالتة تبقى تابتة، لسه أحلى سنين قدام. وسقفة سقفة سقفة، واقفين مع بعض أحلى واقفه. ادهم: أيوا أيوا، نستاهل بوسة. عشق ضحكت وبسته. حازم: مفيش بوسة.

ندي بغضب: فيه قلم هينزل على وشك وهيصفي سنانك تاخده. حازم: لا وعلي إيه، الطيب أحسن. أما مالك: وانتي مبتعرفيش تبوسي؟ هاجر: لا يا خويا بعرف أسقف. مالك بضحك: طيب. هاجر: تحب أجي أسقفلك في وشك. مالك: آه، هي جوازة سودة من أولها. هاجر: ها، بتقول حاجة. مالك: ها، ولا حاجة. هاجر ابتسمت وبدأوا يرقصوا وهما مبسوطين. وتمت. البنت اللي بتبقى مغتصبة دي مش واحدة وحشة، وناس تبعد عنها، لا دي ضحية.

الشاب اللي بيبقى مش كويس وبعدين يندم، مش هنعلقله المشنقة ونقوله لا مش هنسامحك، لا إحنا نسامح ونحاول نساعده، لأن ربنا غفور رحيم. الصديق أخ وسند وصندوق أسرار، لازم نحافظ عليه. لازم نبقى أذكياء في زمن ده ويكون عندنا سرعة في تفكير عشان نقدر نكتشف الحقيقة، زي ما عشق عملت. البنت مش حرام تحب، الحرام إنها تقعد تكلم مع واحد وهو مش خطبها، فـ باب هيخبطوا عليه.