رواية اغتصاب غير حقيقي الفصل العاشر 10 - بقلم دعاء صلاح

حازم خبط على الباب: آه والبعيد حمار. مالك بغضب: أخرس إنت. حازم بضيق: طب وربي ما إنت خارج. أما هاجر راحت قعدت على سرير اللي ف أوضتها ومسكت تلفونها وحبت تشغل نفسها بأي حاجة عشان تتجاهل مالك. مالك: أحم هاجر. هاجر بصتله ببرود وقالت: مش حابة أتكلم معاك. مالك قرب منها وقعد قدامها وقال: طب ليه ما قولتيش من بدري. هاجر بضيق: نعم إنت نسيت إني بنت أجي أقولك إيه. مالك بتفكير: آه صح طب والحل.

هاجر بغضب: إنت عايز تجنني حل ف إيه هو إنت بتحبني أصلاً. مالك بتفكير: مش عارف. هاجر قامت من على السرير وقالت بغضب: نهار أسود إنت بتفكر. مالك: اهدي والله ما قصدي بس يعني ف المواقف دي مش بعرف أتكلم. هاجر غمضت عينيها بغضب وقالت: اهدي يا هاجر اهدي. مالك بهمس: مالها دي ملبوسة... برا الأوضة. ندى بصدمة: نهار أسود. حازم قرب منها قال بخوف: إيه. ندى: أنا إزاي عملت كدا دا ربنا هيحشرنا ف نار جهنم بسببك.

حازم بضيق: يا شيخة بقى اسكتي. حازم قرب من أوضة أدهم وسمع... عشق بضيق: طب والحل. أدهم: أنا مش هخسر صاحبي. عشق حست بغيرة وقالت: ليه هو أهم. أدهم بثقة: آه. عشق بصتله بصدمة وهو قال: يا عشق أنا لو مش ليا خير ف صحبي ف هيبقى مش ليا خير فيكي فهميني مالك ده مش مجرد صديق ده عمري كله أيوى اتخانقنا وكنا أعداء بس. أدهم شاور على قلبه وقال: حبي ليه لسه موجود وبيزيد وإنتي كمان بحبك وحبك هيفضل مش هيتغير مهما حصل.

عشق ابتسمت وقالت: وافي يعني. أدهم: مقدرش أقولك إنك أهم من مالك أنا كدا ببقى إنسان وحش أوووي. عشق بتفكير: طب والحل. أدهم بحزن: معرفش... عشق بسرعة: عندي فكرة بس يارب هو يوافق عليها. أدهم: إيه. عشق: هقولك........... مالك فضل قاعد يفكر حاسس إن جوازه من عشق مش صح لأن باين عليها إنها بتحب أدهم وفي نفس الوقت حابب حب هاجر. مالك بص على هاجر وقال: هو إنتي حبيتي فيه إيه.

هاجر بصتله وقالت: كل حاجة تعرف أول مرة شوفتك فيها قولت لالا دا شخص متكبر بس لما قولتلي إنك تذاكرني وشوفتك وإنت بتشرح وبتضحك بجد يوميها حسيت بحاجة غريبة. هاجر قربت من مالك وقالت: وبعدين شوية شوية بقيت أخطف بصصصات عليك. هاجر سكتت وبعدين ابتسمت وقالت: تعرف ف مرة كانت السكرتيرة بتاعتك جت الفيلا علشان تمضيك على شوية ورق بس إيه بقى جاية بلبس ملزق وقالت فين مسيو مالك. مالك ضحك وقال: قالت إيه. هاجر قلدت البنت

وبدأت تكلم بدلع وقالت: فين مسيو مالك ف أوضته طب أنا بقى هطلعله.... مالك بضحك: وبعدين. هاجر: قومت كبيت زيت على سلم طلعتلك ولما جت تنزل وقعت ورجليها انكسرت. مالك بضحك: خبيثة. هاجر بتوتر: بس قولي هي قعدت ساعة ف أوضتك ليه هاااا. مالك بخبث: كانت بتعملي مساج عادي. هاجر بغضب: والله. مالك ابتسم وقال: الصراحة إيدها كانت. هاجر حطت إيدها على بوقه وقالت بغضب: أخرس خالص بلاش قلة أدب

بجد إنت لازم يتعملك إعادة تصنيع أبو شكلك يا شيخ إنت مبتبصش غير على البنات المقرفة. مالك شال إيدها وقال: أمممم عندك حق بنات مقرفة. هاجر بغضب: ووحشة إنت بجد معندكش زوق. مالك بخبث: سبحان الله أنا أول مرة أشوف واحدة بتشتم نفسها. هاجر بصدمة: يعني إيه. مالك: بصي يا هاجر مش هنكر إني مبسوط بحبك أوي ودايما كنت بحس إنك مسئولة مني وبحب أشوفك على طول ف الفيلا إنت الجانب الحلو

اللي ف حياتي الجانب المريح بس ياريتك جيتي قبل ما السنة دي تبدأ أنا مش عارف أعمل إيه دلوقتي بجد لو مكنش عشق حامل أنا كنت. هاجر: كنت إيه. مالك مسك كف إيدها وباسها وقال: كنت هحبك براحتي ميبقاش فيه حاجة منعاني. هاجر شالت إيدها بسرعة وقالت بحزن: ولا يهمك. هاجر مسكت تلفون تاني وفضلت تقلب فيه عايزة تهرب من الموقف ده..... أدهم: وإنتي متأكدة إنه بيحبها زي ما بتحبه. عشق: آه. أدهم بتفكير: طب والبيبي. عشق حطت إيدها

على بطنها وقالت بحزن: البيبي مات. أدهم بصدمة: نعم. عشق: هحكيلك. عشق دخلت أوضة العمليات كانت شبه فاقدة الوعي ف الدكتور أدها بنج وهي فتحت عينيها بتعب وقالت بصوت ضعيف: لو البيبي مات أوعى تقولهم إنه مات أرجوك.... عشق غمضت عينيها بتعب..... وبعد ما اتنقلت لأوضة عادية وتكلمت مع مالك مسكت تلفونها وبعتت رسالة لـ حازم (حاول تدخلي أدهم وتخلي هاجر ومالك لوحدهم) أدهم صفق وقال: لا عبقرية بس ليه عملتي كدا.

عشق: علشان أجيب آخرك إنت وصحبك. أدهم: طب ممكن تنسي بقى. عشق بدموع: بس زعلانة متخيلة حتة منك تموت. أدهم قرب منها وحضنها وقال: معلش بس زي ما إنتي شايفة موتة حل حاجات كتيررر. فجأة الباب اتفتح وندى قالت بغضب: ابعد يا حيوان. أدهم بصدمة: حيوان إيه. ندى: ابعد عنها. حازم بسخرية: على فكرة دول متجوزين. ندى بتذكر: آه صح. حازم: بس اللي جبنا لا. ندى بغضب: وسع لي كدا. ندى زقت حازم وقربت من باب أوضة مالك.

ندى: إنت يا اللي اسمك مالك. مالك قرب من الباب وقال: إيه. ندى بغضب: عارف لو عملت حاجة كدا أو كدا والله لأفضحك إنت مبقتش مضمون. مالك: نعم يا حبيبتي. ندى بغضب: افتحوا الباب ده. مالك بص لـ هاجر وقال: البت دي هبلة ولا إيه. هاجر ابتسمت ومردتش وبعدين سمعوا صوت أدهم. أدهم: أحم مالك حابب أقولك حاجة. مالك: قول. أدهم بتوتر: زين مات. مالك باستغراب: زين مين. أدهم: ابنك بص أنا عارف إنك هتضايق وهتزعل بس والله كلو غص.

مالك قطعه وقال: مات إزاي. أدهم اتوتر أكتر وقال: عشق عملت كل ده عشان يعني. أدهم سكت ومالك ابتسم وقال: عشان بتحبك. أدهم بسرعة: مالك. مالك: خلاص يا أدهم لو إنت بتحبها روحلها أنا مش زعلان كل اللي كان بيربطنا أنا وعشق البيبي والبيبي نزل يبقى خلاص. أدهم ابتسم وقال: وإنت. مالك بص على هاجر لاقيها واقفة مصدومة مالك قرب منها وحط إيده ف جيبه وقال: أحمم هعيش حياتي بقى. هاجر اتكسفت وبصت ف الأرض ومالك قرب منها وحضنها....

والباب اتفتح وندى أول ما شافت المنظر ده صرخت. ندى بغضب: يخربيتكم. ندى قربت منهم وزقت مالك بعيد وقالت بغضب: إنت متخلف يلهووووووووي دا أنا شلت ذنوب قد كدا بسببكم. مالك باستغراب: مالك. ندى بصت لـ هاجر وقالت بغضب: هو إنتي متعرفيش إن ده حرام. هاجر: ها. ندى: نويتوا على إيه. مالك: هتجوز حاجة. ندى: تمام كدا ولا تكلمها وحتى تقف معاها لغاية لما تتقدم لأهلها. مالك بغصب: ليه كل ده.

ندى بغضب: ده اللي عندنا يا أمة مفيش جواز اتقيييي الله يا شيخ حرام بقى كتكوا القرف.... ندى مسكت إيد هاجر ومشيوا من قدامهم ومالك كان واقف مصدوم وبعدين مشي وراهم ودخلوا أوضة عشق. ندى وقفت وبصتلهم كلهم وقالت: عايزين حياتكم تتغير قربوا من ربنا. ندى بصت لـ أدهم وقالت: عارفة إن الوضع صعب عليك وغريب بس عايزة أقولك مش مهم تكون إنت أول شخص ف حياة حبيبتك المهم إنك تخلي بالك منها كويس وتعرف إنها مظلومة.

أدهم ابتسم حس إن ندى فاهمة شعوره. ندى بصت لـ مالك وقالت: أما إنت بقى يا أستاذ ربنا بعتلك جوهرة خلي بالك منها اقرب من ربنا أوووي وادعي إن ربنا يسامحك. مالك: إن شاء الله. ندى بصت لـ عشق وقالت: سامحي انسي آه صعب بس هتقدري يا أمة ناس حصلهم أسوء منك وبيحاولوا يقوموا ويقفوا وإنتي معاكي دلوقتي أحن راجل ف العالم عيشي افرحي. عشق ابتسمتلها بحزن. ندى قالت بصوت عالي: المهم الفرح يتعمل للاتنين وإنتم متقربوش منهم إنتم الاتنين.

مالك بسخرية: طب كفي نفسك. ندى بصدمة: نعم. حازم قرب منها وقال: أحم وأنا مش ليا نصيحة. ندى بتوتر: أحم إنهارده الجمعة ومروحتش لـ بابا ف طلبك مرفوض.... ندى مشيت نحية الباب وحازم قال: استني بس. ندى وهي خارجة اتخبطت ف أحلام... ندى: أحم سوري. أحلام بصت على أدهم وعشق. مالك بهمس: أوبااااااااا البومة وصلت. أدهم بسخرية: وهتيجي تنكد على أميييييييييييي. أحلام بغضب: أدهم......