رواية اغتصاب صالونات الفصل السادس والعشرون 26 - بقلم اية

بعد أسبوع في المساء روز تتذكر فلاش باك من أسبوع روز: طيب الحمد لله مارك نام على فكرة. فؤاد: روز. روز: نعم. فؤاد: أنا عاوز أتجوز... روز بصدمة: نعم! فؤاد توتر: قـ -قصدي أنا عاوز أتجوز عشان مارك يعني وكده. لحظة صمت. فؤاد بشجاعة: وأنا معجب بيكي، أيوا معجب بيكي أوي كمان، وكمان مارك بيطمن في حضنك، يعني كل المواصفات بتنطبق عليكي. روز بإحراج: فؤاد أنا...

فؤاد أخذ مارك منها: مترديش دلوقتي، خدي راحتك في الرد، وأنا معاكي للآخر. أهوه باك. روز ابتسمت. أروى دخلت الغرفة: روز يلا هاتوا إيهاب ومهاب عشان نتعشى. روز: هو أخوكي ومراته فين؟ أروى بهيام: في المطبخ، والشطارة تالتهم وتيراريرا وكده بقي. روز ضحكت وشالت إيهاب: طب يلا يلا. أروى شالت مهاب: يلا يا سنجل يلا. *** في المطبخ قيس: ها يا قمري رضيتي عني؟ صبا: عدى يومك يا قيس واتلم. قيس: ماشي يا أختي. تك نيلة.

هادي دخل عليهم: كل ده بتعملوا عشا؟ أيه بتخترعوا متيلا أنت وهي؟ قيس: خد الأطباق دي طلعها في طريقك. هادي: طب يلا يا منحنح أنت وهي. صبا: هادي هو فادي وليلي هييجوا إمتى؟ هادي وهو خارج: رنيت عليه، زمانه على وصول. وخرج. قيس: أووبا صحيح، أما أشوف الواد يزيد ومراته مجوش ليه لحد دلوقتي. صبا: طب وأروى؟ قيس: أنا مش هخسر صاحبي عشان أروى وشغل العيال بتاعها ده. قيس رن على يزيد: أي يا عم انتوا مش جايين ولا إيه؟

يزيد بفرحة: قيس بركلي، هبقى بابا. قيس بفرحة: احلف! إمتى؟ يزيد: أه والمصحف لسه طالعين من عند الدكتور دلوقتي يا قيس. قيس: مبروك يا حبيب أخوك، تعالي بقى أخلص، عايز أبارك للعروسة. يزيد: لا لسه شوية، أصل يمكن يعني، يجي لينا أنا وعمر بابا في نفس الوقت. قيس: لا لا لا بتهزر! يزيد: والله عبير شاكة إنها حامل، هي دخلت أهو عند الدكتور بعد ما إحنا طلعنا، تخلص ونجيلكوا. قيس: ماشي يا جو، مستنيين. بعد وقت طويل.

على العشاء كان الكل قاعد بيهزروا. معتز بابتسامة كاذبة: مبروك يا يزيد، عقبال ما تخلف. صبا: بت ولا ولد بقي؟ دارين: منعرفش لسه ليه يعني. صبا: لو بت هاخدها لحد من عيالي، لو ولد يبقى عندنا أربع ولاد معنسين. فؤاد: ملكيش دعوة بابني، جينا حامل في بنت وهتجيب له عروسة كمان خمس شهور. روز: أي ده بجد؟ مبروك. فؤاد: الله يبارك فيكي، عقبالك. روز وشها أحمر. لحظة صمت. فؤاد بلع ريقه: هادي. هادي: نعم.

فؤاد: كنت كلمتك في موضوع كده في فرح الواد فادي. فادي: واد! فؤاد: اركن أنت على جنب. هادي: أه فاكر، ماله؟ فؤاد: يعني إيه أخباره؟ هادي ساب الأكل: أسألها. كلنا قاعدين نسمع رأيها أهو. فؤاد بلع ريقه وبص اتجاه روز: تقبلي تتجوزيني يا روز؟ روز شرقت وقعدت تكح. صبا ضحكت: مالك يا بت؟ أنت بتطلعي في الروح ولا إيه؟ روز وشها أحمر: نعم؟ في إيه؟ فؤاد ابتسم لكسوفها: تتجوزيني؟ موافقة ولا أدور على واحدة من أمريكا؟ روز: أمريكا؟

روح يا خويا محدش ماسكك. الكل ضحك. هادي: أنا موافق، وأنتي يا صبا؟ صبا: والله يا بخت من وفق راسين في الحلال، بس أنا لازم أنصحك برضه يا روز، الواد ده مش كويس وقليل الأدب. فؤاد: بت بت، عندك كلمة عدلة اتكلمي غيره، اخرسي خالص. الكل ضحك. فؤاد: هااا؟ موافقة؟ روز ابتسمت: بشرط نعيش في مصر. فؤاد: أنا أصلاً مش ناوي أرجع أمريكا تاني، وفيلاتي هنا بتتشطب. روز: تمام، موافقة. وفجأة كل البنات زغرطوا.

هادي: صحيح ليث نزل النهاردة بليل من لندن. صبا بفرح: أي ده بجد؟ قيس جز على سنانه بهمس: يحرق أبو ليث على اللي جابه. ليث، هو أنا ناقص سي زفة ده؟ يزيد كان جنبه وسمعه وقال بهمس: روّق يا جو، اللي جي أصعب. قيس بص له بغيظ وسكت. في صباح اليوم التالي. قيس: يعني إيه محدش عارف يوصلها؟ هادي بعصبية: أنا هتجنن! مين اللي يتجرأ ويدخل الفيلا ويخطفهم من وسطنا؟ فؤاد: أنا هولع في اللي عمل كده. ليث: تعرفوا تهدوا؟

روز وصبا في الفيديوهات طلعوا بمزاجهم من الأوض، ووقفوا استنوهم في الجنينة، يعني في حاجة غلط. عمر: يعني ممكن يكونوا هربوا؟ هادي بعصبية: وأنا أختي هتهرب ليه؟ أنت مجنون! يزيد: اهدوا بقى. دارين: جماعة، ده أكيد ابن عمها، صح؟ أروى بصت لها بغل: أكيد طبعاً، مجبتيش حاجة غريبة علينا. معتز: مش وقته، المهم محدش لقي الزفة ده ولا صبا كمان. *** في مكان تاني. صبا: روز، أنتِ كويسة؟ روز بتعب شديد: أه، وأنتي؟

صبا بدموع: أنا خايفة على العيال. روز: ونبي متقلقيني، أنا قلقانة لوحدي. *** فادي: ليلي! ليلي! ليلي: نعم يا حبي... نزل قلم قوي على وجهها. فادي: أنا اتصدمت فيكي بجد، فعلًا اتصدمت يا ليلي. أنتِ بنت الغزالي دي كانت أول صدمة، تاني صدمة ده. وطلع من جيبه شريط حبوب منع الحمل. فادي: ليه بتاخديها يا بنت الغزالي؟ مش عاوزة تخلفي مني؟ مش عاوزاني ليه؟ مش أنتِ هربتي واتشقلبتي بس عشانّي عشان نتجوز؟

تطلعي في الآخر بنت الغزالي وبتعملي عليا أنا مسرحية؟ ليه كده؟ ليلي: والله أنا فعلًا بحبك. فادي: اطلعي بره، مش عاوز أشوفك تاني يا بنت الغزالي، بره. أه، وأنتي طالق، بره، بره! *** في المساء. الكل قاعد على أعصابه. ليث: الرجالة لقوا غيث وحبسوه في مكان تبعي. قيس: طب يلا. هادي: أه يلا. وخرج هادي وقيس وليث وفؤاد، والباقي فضلوا في الفيلا. *** في أحد الشوارع كانت ليلي بتتمشى في الشارع وفجأة فرملت عربية قبل ما تخبطها.

نزل من العربية بنت غريبة على ليلي، لكن مش غريبة علينا. للتذكير، سانجوا أخت غيث. سانجوا: أنتِ كويسة؟ ليلي: أه الحمد لله، جيت سليمة. سانجوا: طب تعالي اركبي معايا، متقلقيش، وهوصلك في أي حتة عاوزاها. ليلي بطيبة ركبت معاها. سانجوا: اسمك إيه؟ ليلي: ليلي الغزالي. سانجوا بخبث: وأنا سانجوا، اتشرفت بحضرتك. تروحي فين؟ ليلي: وديني على أي فندق. سانجوا بخبث: أي رأيك تيجي تباتي عندي؟ أنا عايشة لوحدي. ليلي: لا، مش عاوزة أزعجك.

سانجوا: مفيش إزعاج، أنا بيتي قريب من هنا. *** في المكان اللي فيه غيث. دخل هادي وليث وقيس وفؤاد المكان، وكان غيث مربوط في كرسي. غيث: هو أنتوا... فؤاد لكمه: أختي ومراتي فين؟ ليث: اهدوا يا جماعة. هادي: صبا وروز فين يا غيث؟ اخلص. غيث مستغرب: أنا مخطفتش حد. غيث بتفكير: أكيد هما اللي خطفوها. فؤاد: هما مين؟ غيث: كنت داخل شغل جديد مع ناس كبار أوي وفي فلوس معرفتش أسددها، وهددوني إنهم هيخطفوا مراتي ويقتلوها.

قيس بعصبية: مراتي مين؟ ليث: اهدى يا قيس، هما أكيد مفكرين إن صبا مراته، بس إيه اللي يخليهم ياخدوا روز معاهم؟ تليفون غيث رن. أخده هادي وفتح مكبر الصوت. اللي على التليفون: مراتك معانا، الفلوس تحضر، وإلا هخلي عزرائيل ياخد روحها النهاردة هي وأختها الصغيرة. فؤاد بهمس: أختها؟ هادي شاور لغيث إنه يتكلم. غيث: طيب طيب، أقابلك فين؟ وأنا هجيب لك الفلوس. اللي على التليفون: هبعت لك المكان في رسالة. والخط اتقفل.

ليث: المفروض نفكه بقى. هادي: فكوه، خلينا نشوف هنعمل إيه. وخرج وهادي وقيس وراه، وبعدين خرج ليث وغيث وفؤاد. غيث: ممكن تليفوني؟ هادي بقرف رماله التليفون. غيث بعد شوية ورن على أخته سانجوا. عند سانجوا، خرجت من غرفة نايمة فيها ليلي وهي تبتسم بخبث. وسمعت رنة تليفونها. سانجوا: الو. غيث: أنتِ كويسة؟ سانجوا: أه كويسة. غيث: أنتِ فين وبتعملي إيه؟ سانجوا: قاعدة في بيتي، ليه؟ غيث بقلق: سانجوا، أنتِ عملتي إيه؟ صوتك مش طبيعي.

سانجوا بحقد: لسه معملتش حاجة، لسه هعمل يا غيث. غيث بقلق أكتر: أوعي تكوني قربتي من مرات فادي. سانجوا ضحكت: بقت طلقته، مش مراته يا غيث. غيث مسح على وشه بعصبية: يحرق أبو غبائك يا شيخة! أنتِ عملتي إيه؟ سانجوا: ولا أي حاجة، دخلت شقتهم وحطيت في دولابها حبوب منع الحمل، وبعتت له رسايل وقلت له إن مراته مش عايزاه، واتجوزته بس عشان الصفقة اللي بين شركة أبوها وشركة الجارحي، ووقتها هو طلقها وطردها كمان. وقعدت تضحك.

غيث: فادي لو عرف هيخلص عليكي. سانجوا بغل: فادي ملكي وليا لوحدي، ومكنش ينفع أسيبه يتجوز البت دي، بس اللي حصل حصل. بكرة هيتبعت له أحلى فيديوهات لمراته مع أحلى راجلين. غيث: نهارك أسود! أنتِ بتقولي إيه؟ سانجوا سمعت خبط على الباب: أهو وصلوا، يلا سلام. غيث: سانجوا، سان... الخط قطع. غيث راح لهم بخضة: فين فادي؟ فؤاد بقرف: وانت مالك ومال أخويا؟ غيث بتوتر: مراته في خطر، أختي خطفاها و...

فؤاد هجم عليه: هو أنت وأختك حطيتوا في راسكوا ليه؟ حالفين لتدمروا حياتنا! ليث مسك غيث، وهادي وقيس مسكوا فؤاد وهدوا الموقف. فؤاد رن على فادي. فادي: أيوا، في إيه؟ فؤاد: الحق مراتك. فادي بحزن: أنا معتش متجوز. فؤاد: يا بني، مراتك مخطوفة، وكل اللي في دماغك ده مغرز، عملته فيك واحدة. أخلص، اكتب العنوان ده عندك. فادي اتخض من كلامه وأخذ العنوان ونزل فورًا.