رواية اغتصبني واعطيته قلبي الفصل العشرون 20 - بقلم اميرة محمود

القلب وقف. مراد: يعني إيه؟ يعني خلاص راحت مني؟ يعني أنا ضيعتها خلاص؟ راحت من غير ما أقولها إني فعلاً بحبها؟ لاااا ياررررررررب. الدكتور: هاتي الجهاز بسرعة. هنعملها إنعاش للقلب. الدكتور فضل يحاول لحد ما أخيراً القلب رجع ينبض من تاني. الدكتور: أوووف الحمد لله. البنت دي بتعافر مع الدنيا ومش عايزة تسيبها. الحمد لله. الممرضة: ده جوزها بره منهار. أما أخرج أطمّنه. الدكتور: لا خليكي معاها وأنا هروح له. الممرضة: تمام يا دكتور.

مراد منهار بره ومش قادر يقف على رجليه خالص. الدكتور خرج بره الغرفة. الدكتور: مالك عامل كده ليه؟ في إيه؟ الحمد لله بقت كويسة. مراد رفع راسه وعينيه كلها دموع: بجد؟ بجد يا دكتور؟ الدكتور: آه بجد. القلب رجع طبيعي. الحمد لله. مراد: طب أنا عايز أشوفها. والنبي أشوفها من بعيد. الدكتور: بتحبها أوي كده؟ مراد: وأكتر كمان يا دكتور. أرجوك خليني أشوفها. أرجوك.

الدكتور: طب بص هو مينفعش، بس ماشي يا سيدي عشان بس حالتك دي. اتفضل ادخل للممرضة وهي تجهزك تدخله. مراد: شكراً يا دكتور. مراد دخل ولبس لبس التعقيم ودخل وقف قصاد نور اللي تقريباً مش باينة من كتر الأجهزة اللي عليها. مراد: أنا آسف يا نور. آسف. أنا بحبك وهفضل أحبك لآخر لحظة في حياتي. أنا همشي خالص من حياتك. سامحيني. الممرضة: كفاية كده معلش. مراد بص لها وراح خارج. عدى أسبوع بالظبط على أبطالنا. حسام: هي الآنسة نور فين؟

الممرضة: نقلناها مع أختها فوق. هي طلبت كده. حسام: تمام. وراح طالع له. حسام وصل غُرفة نور وحور. خبط ودخل. حور: مراد حبيبي وحشتني أوي. حسام: إيه رأيك في المفاجأة دي؟ حور: أمم حلوة. حسام: حمد الله على السلامة يا نور. نور: الله يسلمك يا حسام بيه. حور: هو إحنا هنخرج امتى؟ حسام: لازم على الأقل أسبوع كمان عشان ميحصلش مضاعفات. حور: أنا زهقت بجد. حسام: معلش استحملي. أهي نور جتلك أهي تسليكي.

نور: آآآه. في ألم جامد في بطني. آآآه. حسام خرج جرى ينده للدكتور. حور: حاسة بإيه؟ نور: حاسة إنه هيموت عليكي. ارجعيله بقى. حور: انتي وقفتيلي قلبي يا شيخة. نور: ههههه. إحنا ملناش غير بعض إحنا الاتنين. حلو أما يبقى لينا سند تالت. شوفتي خرج يجبلي الدكتور بسرعة إزاي. حور: اسكتي بقا. حتى وانتي تعبانة وفيكي بلاوي الدنيا مبتبطليش رغي. حسام دخل هو والدكتور. الدكتور: خير يا آنسة نور؟

نور: مفيش يا دكتور. في ألم بيجي ويروح في بطني. الدكتور: أكيد لازم يبقى فيه ألم. انتي قوية ولازم تستحملي عشان اختك اللي سابت ابنها ودخلت غامرت بحياتها عشانك وعشان خطيبك اللي كان مموت نفسه عياط بره. هو فين صحيح يا أستاذ حسام؟ بقالي كام يوم مشوفتهوش. حسام: رجع القاهرة وراه حاجة ضرورية بيعملها. الدكتور: لا بس شكله بيحبك أوي يا آنسة نور. نور عنيها اتملت دموع وراحت مغمضة عينها. نور: أنا عايزة أنام.

الدكتور: طب تمام. أستاذ حسام كفاية كده يالا. معلش لازم يرتاحوا. حسام: ماشي. وراح خارج مع الدكتور. بعد أسبوع تاني. حسام: الو. أيوه يا مراد. انت فين؟ مراد: أنا سافرت بره مصر. حسام: طب ليه كده؟ خليك قد المواجهة. مراد: أنا أذيتها كتير أوي يا حسام. أنا مش قادر أستحمل أشوفها بتتعذب قدامي بسببي. حسام: هي محتاجاك على فكرة زي ما انت محتاجها. حاول تقف معاها. الواحد بيحس بحب اللي قدامه. ليه بالاهتمام؟ لازم ترجع وتقف معاها.

مراد: مش هينفع صدقني. هتتعب أكتر. حسام: هي تعبانة دي الوقت عشان انت مش معاها. واهي حور هتخرج من المستشفى النهارده وهي هتبقى لوحدها لأن حور هتتمنع تخرج من البيت أقل حاجة شهرين كمان. تعالي اسندها واقف جنبها مش تهرب. مراد: أنا مهربتش. أنا قولت كده أريح ليها. حسام: لا مش أريح ليها. يالا اركب أول طيارة وتعالى. يالا. مراد: انت شايف كده؟ حسام: مفيش غير كده أصلاً.

مراد: تمام. خلاص. أنا هحجز تذكرة وأجهز نفسي. وفي أول طيارة هكون عندك. حسام: تمام. مستنيك يا مراد. سلام. حور: هو مينفعش أقعد هنا لحد ما نور تقوم بالسلامة ونروح سوا؟ الدكتور: براحتك. اللي انتي عايزاه. نور: لا لو بتحبيني روحي لجوزك وابنك. أنا هنا معايا الممرضات والدكاترة. متقلقيش عليه. حور: بس أنا قلبي هيبقي وجعني أوي عليكي.

نور: سلامة قلبك. متقلقيش يروحي عليه. يالا أومي عشان تجهزي وتروحي لابنك القمر ده. ومعلش هطلب منك طلب يا حسام بليز. حسام: إيه؟ خير؟ نور: عشان خاطري غير اسمه. عشان اسمه كل ما بسمعه بتخنق. عشان خاطري غيروا اسمه. حور: تمام. ماشي. دي أول حاجة تعملها بإذن الله أول ما أقوم بالسلامة. نور: تمام. يالا باي بقا. وخلي بالك منها يا حسام. حسام: ماشي يا نور. متقلقيش عليها. سلام. بالليل الساعة ١١. نور قاعدة على السرير بتلعب بالموبايل.

الباب خبط. نور: اتفضل. مراد داخل وحاطط إيده على قلبه. نور بصت له بصدمة: عايز إيه؟ جاي تشمت صح؟ مراد دخل ساكت متكلمش. نور: اتفضل ارجع زي ما جيت يا مراد. مراد لا رد. نور: انت في إيه؟ اتخرست ولا اطرشت؟ اطلع بره مش عايزة أشوفك. مراد لا رد. نور: شكله اتجنن ده ولا إيه؟ طب والله ما عدت متكلمة. وكملت لعب في الموبايل. مراد: وحشتيني. نور بصت له بصدمة. مراد: والله بحبك. نور: لارد.

مراد: أنا غلطت في حقك كتير. بس والله انتي بعنادك ده اللي وصليني لكده. نور: مراد... مراد قاطعها: أنا سمعتك. اسمعيني. نور: مش عايزة أسمع حاجة. كفاية كدب بقا. كفاية. مراد: أنا الحاجة الوحيدة اللي مكدبتش عليكي فيها إني بحبك. وأنا فعلاً والله بحبك. نور: أمم بتحبني بأمارة أما أخدتني توريلي صورتي اللي عملها والشقة اللي فارشها ليا ووو. وفي الآخر يطلع فخ بتوهمني إنك بتحبني عشان توصلوا لحور. مراد: بس...

نور: مبقاش. انت عارف أما أختي اللي المفروض مأمناني على حاجة وفي الآخر بغبائي أنا أوصلكم ليها زي ما انت قولت. وسكتت. الموبايل رن. نور: الو. أيوه يا أيمن. أيمن: أخبارك إيه؟ نور: الحمد لله بقيت أحسن. أيمن: الحمد لله. على فكرة انتي وحشتيني أوي. مراد سمع لأن الموبايل صوته عالٍ. نور: شكراً.

أيمن: أنا عايز أجي أتقدملك رسمي يا نور. يوم الاتنين الجاي بإذن الله هاجي أزورك في المستشفى أنا ووالدتي ونروح نخطبك من أختك لو معندكيش مانع. نور بصت لمراد اللي كان مستني يشوف هتقول إيه. نور: لا معنديش مانع يا أيمن. أيمن: على بركة الله. أنا هقفل دلوقتي. أما أخلص شغل هكلمك. سلام يا حبيبتي. نور: سلام. مراد: هو أيمن ده بتاع البنزين؟ نور: اللي ضربك. مراد: ضربني؟ آه ماشيين. نور: ممكن تمشي بقا؟

أنا دلوقتي بقيت مسؤولة من واحد بيحبني. مراد: طب وانتي بتحبيه؟ نور: وانت مالك أصلاً. مراد: أصل... نور: بتخيل عليه. مراد: لا وهتخيل عليكي ليه يابتاعة. أصلاً كل ما أجي أكلمك تقولي أصلاً. ردي عليا. بتحبيه؟ نور: طبعاً. مراد: قوليها وانتي باصة في عيني. وقرب منها. نور بصت في عينيه. نور: أيوه بحبه يا مراد. بحبه. مراد: مانا عارف إنك بتحبي مراد.

نور: لا. معدتش بحبك يا مراد. كان فيه وخلص. كفاية اللي حصلي بسببك ده. أنا حاسة إن بطني فضوه. مراد: طب بصي. هتفق معاكي على اتفاق. ولو عجبك كملي. معجبكيش متكمليش. نور: إيه هو؟ مراد: أنا هقعد معاكي هنا لحد ما تخرجي من المستشفى. لو ضايقتك قوليلي أمشي وأنا همشي على طول. لو حسيتي إني بجد بحبك وعايزك قوليلي خليك. اتفقنا؟ نور: تمام. أو امشي بقا عشان انت مضايقني.

مراد: من أولها هنغني. أنا رايح أقعد على الكنبة اللي هناك دي. لو عزتي حاجة اندهي عليه. نور: انت لازق. مراد: ورخم وبتاع رقاصات. تصدقي وحشوني أوي. نور مقدرتش تمسك نفسها من الضحك. مراد: أيوه كده. خلي الشمس تدخل. نور كشرت. مراد: إحنا آسفين يا ريس. وراح سيبها وراح قعد على الكنبة يتفرج على التليفزيون.