رواية اغتصبني واعطيته قلبي الفصل التاسع عشر 19 - بقلم اميرة محمود

لحقت أوحشك يا نور. نور جرت على حضنها وقعدت تعيط جامد. حور: في إيه، مالك؟ نور: أنا تعبت بجد يا حور، تعبت. الدنيا دي عمرها ما هتضحك لي أبدًا. حور: ليه بتقولي كده؟ حصل إيه؟ الباب خبط. نور: إنتي مستنية حد؟ حور: لا، بس ممكن يكون البواب عايز حاجة. راحت تفتح الباب، اتصدمت. نور: في إيه يا حور؟ مراد وحسام فتحوا الباب آخره ودخلوا. حور: ليه كده يا نور؟ لييييه؟ نور: أنا والله ما أعرف حاجة، والله ما تظلمنيش.

مراد: لا، ماهو إنتي بغبائك وصلتينا لحد هنا. نور: يعني اللي قولتهولي كذب يا مراد؟ مراد: بالظبط كده. حسام: ابني فين يا حور؟ حور: ملكش ولاد عندي يا حسام بيه. حسام: دخل الأوضة يدور على ابنه. حور: استني هنا، أخرج بره. ملكش حاجة عندي. امشِ. حسام: لا، ليه يا حور؟ ومش همشي من غيركم. حور: غيرنا، اللي هو إزاي أصلًا؟ حسام بزعيق: إنتي وابني. حور: حسام، قولتك ملكش حاجة هنا وامشي بدل ما أصوت وألم الناس عليك.

حسام فضل يقرب منها وهي تبعد وهو يقرب. حور: حسام بيه، اتفضل بره. قولته. حسام شدها جامد في حضنه. حسام: وحشتيني أوي. حور: سيبني لو سمحت. حسام: قدرتي تبعدي عني يا حور؟ أنا كنت بموت كل يوم بسببك. وراح بيسها في خدها. حور: حسام، ابعد بس وهنتكلم براحة. افرض دخلوا علينا كده، شكلي هيبقى إيه؟ وبعدين مفيش صوت بره، لتكون قتلت مراد. حسام سابها وخرجوا ملقوش حد. فلاش باك.

نور انهارت، وضربات قلبه بقت سريعة وبقت تنهج جامد وهي باصة لمراد. مراد قلبه وجعه أنه وصلها للحالة دي. نور طلعت تجري، نزلت من الشقة تجري في الشارع ومراد وراها. مراد: استني يا مجنونة، استني. نور بتجري ومش سامعة حاجة خالص غير صوت نفسها وضربات قلبها. وفجأة عربية اجت بسرعة البرق طيرتها. مراد وقف مصدوم من المنظر ومعدش عارف ينطق خالص. راح واقع نازل على ركبه لأن رجله معدتش قادرة تشيله.

نور غابت عن الوعي خالص لحد ما الإسعاف اجا أخده. مراد حاول يقوم لحد ما وصل وركب معاها الإسعاف. بص على منظر وشها كله دم، فضل يمسح لها في الدم ويعيط. مراد: نور، فوقي والنبي. نور، والله ما حبيت غيرك. نور، عشان خاطري فوقي. نور فتحت عينها بالراحة. نور: مـ راد. مراد: قلب مراد وكل حاجة لمراد. والله العظيم بحبك، والله بحبك يا نور. نور غمضت عينيها وغابت عن الوعي تاني. مراد: ياااارب. حسام اتصل بمراد. حسام: إنتو فين؟

مراد بعياط: نور عملت حادثة وفي الإسعاف رايحين المستشفى. حسام: حادثة؟ حادثة إزاي؟ مراد: مش قادر أتكلم. وراح قافل. حور: في إيه؟ مين عامل حادثة؟ مراد: نور رايحة المستشفى عملت حادثة. حور: إنتي بتقول إيه؟ وقعدت تعيط. مراد: هاتي الولد وتعالي بسرعة نروح لها. حور: دخلت بسرعة لبست إسدال الصلاة وشالت ابنها وجرت مع حسام. في المستشفى. مراد قاعد على الأرض وضامم رجليه بإيديه وعمال يعيط. حسام دخل جري هو وحور. حسام: هي فين؟

مراد رفع رأسه وبصلهم. مراد: جوه. الدكتور خرج. حسام: خير يا دكتور. الدكتور: للأسف الحالة صعبة جداً. الكبد تقريباً انتهى والطحال اتدمر خالص، وكان في نزيف في راسها. قفلنالها الجرح بخمسة عشر غرزة وكسور متعددة. إحنا محتاجين حد من قرايبها يتبرع ليها بفص كبد نلحقها لأنها بتموت، ولازم نلحق. حور: دكتور، أنا أختها وجاهزة حالا للعملية.

الدكتور: عايزين نعمل فحوصات ونشوف هنعمل إيه بعد ما دكتور العظام يجي عشان هيتركب ليها شرايح في كذا منطقة. حور: تمام، شوف الفحوصات اللي حضرتك عايزها وأنا جاهزة. حسام: بس العملية دي خطر على صحتك. حور: ممكن يا دكتور تكتبلي أعمل إيه؟ الدكتور: تمام، تعالي ورايا. ودخل مكتبه. حسام: إنتي عارفة إنك ممكن تموتي. حور: مانا ميتة أصلًا من يوم ما عرفتك. وسابته ومشيت. حسام قعد على ركبه نزل لمراد. حسام: هو اللي حصل حصل إزاي؟

مراد: مش قادر أتكلم. حسام: لا، عايز أعرف إيه اللي حصل وليه هي نزلت من البيت أصلًا وإيه اللي خلاها ترجع هنا لأختها أصلًا. مراد: حسااااام، ارحمني بقى. حسام: يعني لسه بتحبها؟ مراد: أيوة بحبها وعمري ما حبيت غيرها. وخطبتي من أختك كانت لعبة على نور عشان ترجع وأذلها زي ما أذلتني، وكنت متفق مع هنا أصلًا على كده. حسام: تذلها؟ هو ده اللي فكرت فيه يا راجل يا محترم؟ دمرت البنت نفسياً لحد ما هتروح خالص بسببك.

مراد: لا، نور مش هتروح مني. أنا مش هقدر أعيش من غيرها، فاهم؟ مش هقدر. حسام: يا ريت تختفي من حياتها خالص يا مراد، يا ريت يا ابن عمي يا محترم، تبعد. مراد: ماشي يا حسام، هطمن عليها ومش هوريكوا وشي أبدًا. حسام: يا ريت. وسابه ومشي. حور عملت الفحوصات كلها تمام ودخلت تحضر نفسها للعملية. حور: حسام بيه، اتفضل ابنك أهو. أنا مش ضامنة أخرج من جوه، بس عايزة منك وعد قبل ما أدخل. حسام: إيه؟

حور: إني لو مت، متعرفوش في يوم من الأيام هو جه إزاي. حسام: مش هتموتي، وإنتي اللي هتربيه معايا. حور: لو خرجت من هنا سليمة يا حسام بيه، أقسم بربي ما هرحمك إنت والأستاذ اللي قاعد على الأرض ده. ويني ما هرحمكم لو أختي حصلها حاجة. حسام: إن شاء الله هتخرجوا إنتو الاتنين بالسلامة. حور: عن إذنك. وسابته الولد ودخلت مع أختها غرفة العمليات. حور لقت أختها كلها أجهزة وسلوك عليها ومتركب لها جهاز أكسجين. حور عيطت وبصت لأختها.

حور: سامحيني، أنا السبب في كل اللي بيحصلك، أنا السبب. الدكتور: لا، مش عايزين عياط. العملية مش سهلة، خليكي قوية عشان تقوميلنا بالسلامة. حور حركت رأسها بماشي وطلعت على السرير وسلمت أمرها لله. حسام بره باصص على ابنه. حسام: حسام، أنا آسف يا حبيبي. كل اللي بيحصل لأمك ده بسببي. بجد، أنا مستاهلكم. وراح قعد على الكرسي وهو شايل ابنه. ومراد لسه قاعد على الأرض بمنظره اللي يقطع القلب.

الممرضة: اتفضل يا أستاذ مراد، المصحف اللي طلبته. مراد: شكراً. واخد المصحف وقعد يقرأ في سورة يس. حسام بصله وعينيه كلها دموع. حسام: يترى يا مراد، هنمشي من هنا فرحانين ولا زعلانين؟ يارب اجبر بخاطرنا يا رب. أنا عارف إني آتيت عليها كتير، بس خرجهالي بالسلامة هي وأختها وأنا هعوضهم عن اللي حصلهم بسببي. يااااارب. بعد ست ساعات، الدكتور خرج من غرفة العمليات. حسام قام جري راحله. حسام: إيه الأخبار يا دكتور؟

الدكتور: مش هقدر أفيدك قبل 48 ساعة عليهم هما الاتنين. حسام: ليه كل ده؟ الدكتور: العملية مش سهلة. وللأسف، الآنسة نور... مراد سمع اسم نور قام جري. مراد: مالها؟ الدكتور: للأسف، شيلنا الطحال واستأصلنا جزء من الأمعاء والكبد والمرارة لأنها نزلت على بطنها على حاجة زي طوبة مثلاً. من قوة النطرة على الطوبة، كل الحاجات دي للأسف حصلها تهتك جامد. هي دي الوقت في إيد ربنا، ادعولها. الدعاء بيغير القدر.

مراد: أنا، أنا يا حسام السبب. مكنتش أعرف إن كل ده ممكن يحصل. أنا السبب. موتها بإيدي يا حسام. أنا لو حصلها حاجة، مش هعيش دقيقة واحدة بعدها. حسام مراد صعب عليه. حسام: مراد، اقعد يا حبيبي. ادعيلها، ادعيلها على رأي الدكتور، الدعاء بيغير القدر. مراد: يارب، يارب. حسام: أنا هاروح شقة حور أبات فيها عشان أنيم الولد على السرير وأعمله الرضعة. مراد: ماشي، ماشي يا حسام. حسام: تيجي تبات معايا؟

مراد: لا، أنا مش هامشي من هنا غير أما أطمن على نور. حسام: ماشي. واخد ابنه وراح شقة حور. حسام دخل نيم ابنه عالسرير ودخل يتوضأ وراح يصلي. وفضل ساجد وهو بيعيط ويدعي ربنا يخرجله الاتنين بالسلامة. مراد قاعد. فجأة لقى الممرضة خارجة تجري، راحت للدكتور والدكتور راح جري معاها. مراد: في إيه؟ ها؟ في إيه؟ حد يرد عليا. الممرضة: ا...