رواية اغتصبني واعطيته قلبي الفصل السادس 6 - بقلم اميرة محمود

هقتلك يامراد يعني هقتلكمراد فضل يبعد السكينة لحد ما مسكها من سيفها وأيده اتعورت وبقت كلها دم وفضل يعافر لحد ما اخد منها السكينة ولف أيدها ورا ضهرها وراح مثبتها في الحيطه وقفل الباب برجله نور: سيبني يا حيوااااان

مراد: أنا فعلا حيوان عارفه ليه عشان خفت علي اختك من الفضيحة عشان أقنعت صاحبي يتجوزها عشان أقنعته يجيب ليكم شقة بعيد عن الحارة عشان الكلام اللي كتر عليها واكيد انتي هتطلتي فيه عشان بحاول أعرف اللي عمل كده أقولك كمان أنا حيوان ليه كمان عشان والله والله ما كنت أقصد أقول قدامها وراح معيط والله العظيم أنا عملت كل ده عشان أمك قلبها يرتاح بس للأسف بقيت في الآخر حيوان وراح سايب نور نور بصت على إيدها لقتها كلها دم

مراد: اطمني ده دم نضيف مش هيو*سخك نور جابت فوطة بسرعة ومسكت إيده وكتمت الدم مراد: غيرتي رأيك ليه مش كنتي عايزة تموتيني نور: ممكن تسكت بقا مراد: نور صدقيني والله العظيم أنتِ ظالماني نور: اخرس يا بتاع الرقصات مراد: هههههه تصدقي وحشوني كنت بحب أتفرج عليهم وهما بيضربوا بعض أوي مكنتش بخلصهم كنت بقف أتفرج عليهم وهما بيقطعوا هدوم بعض نور: أنا قلت إنك سافل مراد حط إيده على بقها مراد: هشش نور حركت دماغها بـ"آه" الباب خبط

مراد: مينا إيمان: أنا يا مراد بيه مراد: ثواني هفتح أهو وبص لنور وقال بصوت واطي مراد: خليكي هنا ورا الباب عشان متشوفكيش وقام شد نور وقفها ورا باب الأوضة وراح حاطط صباعه على بقها مراد: هش نور حركت دماغها بـ"ماشي" مراد فتح الباب مراد: إيه ده إيمان: بسبوسة عمايل إيديا وحياة عيني مراد: ليه بس تعبتي نفسك يا قمر إيمان: أنا مبعملهاش غير للغالين مراد: هو مش المفروض في عزا عملتيها إزاي إيمان: إحنا مالنا ومال العزا مراد:

دي عمتك إيمان: عمتي عمتي دي كانت هربت زمان مع واحد من الغفر واتجوزوا في مصر والعيلة كلها متبرية منها كانت فاج*رة وأبويا حرمها من الميراث مراد فضل حاطط إيده قدام نور أنها متتحركش عشان إيمان متحسش أنها ورا الباب نور لقت الدم بينزل جامد من إيده اللي حطتها في وشها راحت ضاغطة عليها جامد بطرف الفستان بتاعه مراد: اااااه إيمان: مالك مراد: مفيش بطني وجعتني فجأة شكراً على البسبوسة وراح قافل الباب نور: اا

راح حاطط إيده على بقها ومقرب منها وقالها في ودنها مراد: لسه واقفه نور: طب ابعد مراد: اممم آسف وراح حاطط ودنه عالباب وفتح براحة مشت خلاص نور بعياط هستيري: دي حيوانة أنا مش عارفة ماما كانت عايزة تدفن هنا ليه وهما بيكرهوها كده أنا مش عارفة أنا سكتلها إزاي أصلاً نور: مش ههدي غير أما أنزل لأبوها والله لهجيب حق أمي مراد: يابنتي استني نور مسمعتلوش ونزلت جرى على تحت ومراد وراها نور: خالي فين مرات خالها: واقف بره مع الرجالة

نور: طب أنا رايحلهم مراد: مينفعش خليكي هنا وأنا هندهله نور: ماشي حور: في إيه يا نور إيمان: شكلها اتجننت ولا إيه مش عارفة مراد عاجباه على إيه نور: ورحمة أمي لهخلي أمك اللي واقفة هناك دي تندم عاليوم اللي ولدتك فيه الحاج ناصر: في إيه بتزعجي ليه

نور: هي أمي اللي عمرك مسألت عليها اللي فضلت تنضف البيوت عشان تأكلنا وأنت هايص هنا أنت وولادك في فلوسها دي تستاهل واحدة زي دي تقول عليها فاج*رة أختي اللي واقفة قدامك دي متجوزة أكبر رجل أعمال في مصر عارف اتجوزته إزاي حور وحسام ومراد برقوا جامد نور: كانت بتشتغل عنده سكرتيرة عشان ترحم أمي من شغل البيوت أمي تستاهل يا خالي يتقال عليها فاج*رة ناصر: وإنتي مين جالك إنها قالت كده

نور: بالصدفة كنت بكلم مراد خطيبي سمعتها والحمد لله سجلتها وراحت فاتحة التسجيل ناصر: أما إنتي بت فاج*رة صحيح رايحة لخطيب بنت عمتك ليه نور: عملاله بسبوسة قال إيه بتغريه بالبسبوسة مين اللي ف*اجر اللي اتجوزت على سنة الله ورسوله وأما مات جوزها اشتغلت في البيوت عشان تاكل بناتها ولا اللي رايحة لشاب أوضته تعطيها بسبوسة ناصر ضرب بنته بالقلم: اطلعي فوق مشوفش وشك خالص إيمان بصت لنور بغل نور: إحنا هنمشي مش هنقعد أكتر من كده

ناصر: إن عزتوا حاجة كلموني نور: أمم إحنا مبنشحتش حاجة من حد إحنا اتربينا بعرق وشقا واحدة ست فاكر يا خالو أما أمي جابتنا هنا وطلبت منك تعطيها أي حاجة من ورثها قولتلها أنا مبعطيش فلوس لواحدة فاج*رة افتكر الكلمة دي كويس عشان دي هتتردلك في بنتك متفكرش إن اللي حصل النهارده هين لأ ده لسه ربنا هيوريك ده مال أيتام وأنت قبلته ناصر: لتصدقي إنك قليلة ترباية وراح شدها من شعرها مرات ناصر: ماهي تربية فاطمة نور: فاطمة

دي أشرف منك اااااه مراد: إنت عارف لو مسيبتهاش صدقني هتزعل مني أوي وأنا زعلي مش هيعجبك محمد: وإنت مين إنت إن شاء الله عشان نخاف منك مراد شال إيد ناصر وراح زقه بعيد مراد: أنا ابن وزير الداخلية أنا مراد خيري القدرى ورحمة أمي اللي هيلمسها له*ول*ع فيه حي ناصر: خلاص يا ولدي اهدي بس إحنا هنتكلم براحة نور فرحانة باللي عمله مراد نور: حسام فين يا مراد حور: واقف بره في العزا نور: طب كلميه عشان يجي ياخدنا ونمشي من هنا

مرات ناصر: ماتخليكي يا بتي اجعدي لحد التالت بكرة نور: لأ تالت ولا رابع ياللا يا مراد عشان نمشي مراد: ماشي ياللا بينا حسام دخل: في إيه مالكم حور: هنمشي ياللا حسام: مش المفروض بكرة حور: لا لا بكرة ولا بعده ياللا حسام خرج هو وحور ونور ومراد نور: إيدك لازم تتخيط حسام: هي إيدك مالها يا مراد ده جرح عميق حسام: مفيش كنت بلعب بسكينة رحت متعور وراح باصص لنور حور: أوعي تكوني إنتي نور: آه أنا كنت عايزة أقتله

حور: إنتي اتجننتي ده ممكن يودينا في داهية محناش قد أبوهم مراد سمعهم: متخافيش يا حور مش هعمل حاجة بس أي ده يا نور ده الواحد يخاف منك بجد ده إنتي هزأتي الراجل ومخوفتيش ومكملة تهزيق في مراته حتى وهو شدك من شعرك هههههه لأ بجد جدعة نور: ماشي مراد: ماشي هو الأسلوب تحس إنها ولد تبصلها تلقيها بنت وبنت زي القمر كمان بس الولد مسيطر ياواد يا بتحور هههههه بس لولاك والله كان فاتها واخدة علقة موت

نور: هههه أنا فعلاً لقيت اللي أنقذ فوقي كنت حاسة إني هموت مكنتش أتخيل بعد اللي عملته فيك يابتاع الرقاصات هتدافع عني حسام: هههههههه حلوة بتاعت الرقاصات دي نور: عارف طلب يخش شرطة ليه حسام: ليه نور: عشان حور: نور بس بقي عيب كده مراد رافع حاجبه: متسيبيها تكمل نور: اركب ياللا عشان نلحق إيدك دي قبل ما دمك يتصفى مراد لنفسه: والله ما عنت فاهمك خالص إنتي حكاية لوحدك حسام: مراد اركب في إيه مراد: هاا ماشي وركب العربية ومشوا

////////// عند الحاج ناصر ناصر: بنت الفرطوس دي حرقت دمي جوه أنا كان نفسي أموتها بإيدي مراته: تموتها إيه أنت شفت طلعت مخطوبة لمين لابن وزير الداخلية ناصر: بتك مكنتش عارفة توجعه مني مراته: بتي اللي إنت ضربتها وهنتها قدامنا كليتنا عشان بنت فاطمة الفا*جرة ناصر: دمي محروق جوه ونفسي انتقم من البت هزقتني جامد مراته: خلاص يا حاج ميشيوا وغاروا في داه*ية خلاص يا حاج انسى ياللا يا نسوان العزا انفض خلاص ياللا كل واحدة تروح دوارة

ناصر: روح يا محمد مشي الرجالة كفاية عليها يوم واحد عزا مراته: أصلاً مكنتش تستاهل يتعملها عزا دي ف*اجرة ///////// في المستشفى مراد: ااااه براحة يا دكتور الدكتور: اجمد يا ابني الجرح عميق حور: عجبك كده نور: بصراحة آه مراد: ماشي ماشي حسابنا بعدين اااااه نور فضلت تضحك: أحسن حسام: حور إنتي مش جعانة حور: لا شكراً حسام: بس إنتي متغديتيش حور: قلت شكراً يا حسام بيه نور: أنا متغديتش ممكن تغديني عاديم

مراد: مفجوعة والله مفجوعة البت دي شايفها الصبح وهي قاعدة في المطبخ تاكل وتعيط وأكلت تقريباً الأكل كله حور: نور أما بتبقى زعلانة بتاكل نور: هو إنت كنت بتراقبني ولا إيه مراد: أنا ماشي سمعت حد بيعيط ببص لقيتك قاعدة في التلاجة تاكلي وتعيطي بصراحة مسكت نفسي بالعافية كنت هموت واضحك بس مرضتش أزعلك حور: ههههه ماما كانت دايماً تقولك هموت واعرف الأكل ده بيروح فين نور بصت لحور جامد وعنيها كلها دموع وراحت حضناها وفضلت

تعيط جامد في حضنها نور: وحشتني أوي يا حور أنا بحاول أجمد نفسي بس مش قادرة قلبي في ناااار مش قادرة يا حور مش قادرة حور بعياط هستيري: أكيد في مكان أحسن أكيد في مكان أحسن اتعذبت كتير في الدنيا الدكتور خلص مع مراد مراد فضل واقف حزين هو وصاحبه على منظرهم حور: ياللا يا حبيبتي عشان نمشي وراحت ماسحة دموع أختها ياللا يا قلبي نور: ماشي ياللا بينا نزلوا كلهم في سكات ركبوا العربية ومشوا ///////// حسام ومراد وصلوا نور وحور عند

بيتهم وراحوا ماشيين حسام: رقم مجهول بيرن مراد: طب رد كده حسام: الو حمد الله على السلامة يا حسام بيه ليك وحشة يا شيخ حسام: عايز إيه اتفقنا متنسوش الصفقة لسه أربع أيام صدقني هتزعل أوي أما تشوف الفيديو في كل حتة أه صحيح البقاء لله وراح قافل حسام: اللي بيتكلم عارف إني كنت في سفر وعرف إن والد حور ماتت يبقى فعلاً أنا بتراقب كويس جداً مراد: الكاميرات اتركبت في الفيلا وإنت مش فيها وكلت ضابط صاحبي بالمهمة وهو قام بالواجب

حسام: أوعى يكون فيه في أوضة نومي مراد: آه فيه حسام: يعني أنا مش هقعد براحتي حتى في أوضة نومي مراد: هههههه عندك الحمام اقعد براحتك فيه حسام: هههههه ماشي يا رخامة المهم ابقا خد العلاج عشان الجرح يلم مراد: البنت كانت هتقتلني ده كويس إني لحقت نفسي قبل ما تيجي في قلبي حسام: هي فعلاً جت في قلبك مراد: هي إيه دي حسام: هههههه مفيش تصبح على خير مراد نزل من العربية: وإنت من أهله